Elimizde 2027 jylgha deyin 180-ge juyq mektep salu josparlanghan. Búl turaly  Premier-ministri Oljas Bektenov aitty.

Ýkimet basshysy qazir auyl mektebi – tek bilim ordasy ghana emes, jergilikti halyq ýshin mәdeniyet oshaghyna, ruhany ortalyqqa ainalghanyn, Memleket basshysy auyl mektepterin damytugha erekshe kónil bólip otyrghanyn atap ótti.

Biyl «Jayly mektep» últtyq jobasyn qosa alghanda, auyldarda 42 mektep paydalanugha berildi.

«Songhy ýsh jylda auyldarda 2,5 myngha juyq mektep janghyrtyldy. Oqytu jaghdaylaryn jaqsartu jәne jayly orta qúru maqsatynda 800-den astam mektepti qayta janartu júmysy jýrgizilip jatyr. Sonday-aq auyl mektepteri ýshin 4 mynnan astam pәndik kabiynet satyp alyndy. Oqu-aghartu ministrligi jyl sonyna deyin ónirlerge mektepterdi qayta janartudyng birynghay talaptaryn úsynuy kerek. Onda bilim oshaqtaryn kýrdeli jóndeu ghana emes, pәndik synyptarmen jabdyqtau mәselesi de qaralugha tiyis», - dedi O.Bektenov Ýkimet otyrysynda.

Auylgha bilikti pedagogterdi tartu maqsatynda lauazymdyq jalaqygha 25% mólsherinde qosymsha aqy kózdelgen.

Sonday-aq, «Diplommen auylgha» baghdarlamasy shenberinde pedagogterge kóterme jәrdemaqy tólenedi, sonday-aq túrghyn ýy satyp alugha nemese salugha tiyimdi nesiyeler beriledi.

Ayta keteyik, elimizdegi 8 myngha juyq mektepting 67% nemese 5247-si – auyl mektebi. Oqushylardyng 40% auyl mektebinde bilim alady.

Abai.kz