Álginde Parijde AQSh-tyng jana saylanghan preziydenti Tramp pen Ukraina preziydenti Zelenskiy hәm Fransiya preziydenti Makron ýshjaqty kezdesu ótkizgenin bilesizder. Búl kezdesudi preziydent Makron úiymdastyryp, taraptar Resey-Ukraina soghysyn kelissóz arqyly retteu jóninde pikir almasqan.

«Reuters» agenttigi juyrda atalghan kezdesuge qatysty birsypyra aqparattardy sarap qylypty. Agenttik dereginshe, atalghan kezdesude Makron men Zelenskiy «birauyzdy» bolghan, biraq Trampty «ózekke teppeuge» tyrysqan. Al Tramp ózin «dostyq qúrmetpen emin-erkin» ústap, az sóilep, kóp tyndaghan. Trampqa jaqyn birneshe derekkózding aituynsha, Tramp odan әri qalay әreket etu kerektigin sheshu ýshin ózara týsinistik ornatugha úmtylghan.
Tramp, Zelenskiy men Makron 35 minut boyy kenesshilersiz sóilesken. Olar Resey-Ukraina soghysyn beybit jolmen retteuding naqty mәselelerin talqylamaghan. Biraq Tramp oq atudy dereu arada toqtatudy jәne kelissózder jýrgizudi qoldaytynyn qaytalap aitqan.

«Kezdesu barysynda keybir týiindi jayttar talqylanghan. Mysaly, beybitshilik ýshin Ukrainagha kepildikter qajet, sebebi soghysty uaqytsha toqtatu jetkiliksiz. Putin búl ýzilisti búrynghyday әp-sәtte búzuy mýmkin», - dep jazady «Reuters» agenttigi.

Makron men Zelenskiy kezdesu barysynda óz kózqarastaryn bildirip, AQSh qoldauynsyz Kiyevke óte qiyn bolatynyn aitqan.

Ukraina Preziydentine jaqyn sheneunik «Reuters» agenttigine pikir bildirip: «Preziydent Zelenskiy: «Putin halyqaralyq arenada tek Tramptan jәne Qytaydan ghana qorqady», dep beker aitqan joq. Sondyqtan berik beybitshilikke qol jetkizu ýshin Vashington «shynymen de kýshti» boluy tiyis», - deydi.

Makron men Zelenskiy atalghan kezdesude Trampqa: «2024 jylghy Putin 2017 jyldaghyday kýshti emes», - dep aitqan.

Búghan deyin Donald Tramp Parijde ótken kelissózderden keyin, Resey-Ukraina soghysyn toqtatu turaly kelissózderdi bastaugha shaqyrghan bolatyn.

Kremli: «Reseyde kelissózderge jol ashyq», - dep jauap berdi, biraq ol ýshin Vladimir Zelenskiy Ukrainadaghy Resey basshylyghymen kez kelgen baylanysqa salynghan tyiymdy alyp tastauy tiyis.

Tramp Parijdegi kezdesuding qorytyndysyna týsinikteme bere otyryp, «New York Post» gazetine bergen súhbatynda Zelenskiy «beybitshilikke dayyn» ekenin aityp: «Putin jenilip qaldy», - dep sóilegen.

Ábil-Serik Áliakbar

Abai.kz