Beybit kýnde sarbazdarymyz sugha ketti. 14 sarbazdyng denesi tabyldy. Taghy 3-eui qútqaryldy. Býgin Jalpyúlttyq aza tútu kýni dep jariyalandy...

Ýkimettik komissiya qúrylyp, qylmystyq is qozghaldy desek te, qaza tapqan әrbir sarbazdyng qaraly habary әrbirimizding qabyrghamyzdy qayystyryp tastaghany ras...

Suret: qazaquni.kz saytynan alyndy.

Býgin – qaryz ben paryzdy payymdaytyn kýn!

Talghat Temenov:

Manghystauda qyrshyn ketken 14 úlannyng qazasy qabyrghamyzdy qayystyrdy au...

Múndayda ne dersin? Sóz jetpeydi.

Tamaghyma óksik tyghylyp, ishimdi órtegen jalynnan janymdy qoyargha jer tappay otyrmyn...

Anyraghan analardyng zary. Ákelerding ýnsiz týnsiz túrghany. Qaryndastyng ashy ýni men bauyrynyng kóz jasy…

Bayaghyda «Atam dep jylatsang – jylat, botam dep jylatpa» degen eken qazaq. Býgin on tórt shanyraqtyng oty óshti. Qanshama arman, qiyal, qanshama mahabbat pen ýmit jelge úshty…

Eng ókinishtisi – adam ómirining eng qymbat ekenin biz ony joghaltqan kezde ghana sezinetinimiz.

Osynday qasiretti sәtte qaraly habardy suyq temir qaqpanyng ar jaghynan, forma kiygen sheneunikterding qúrghaq jetkizui jangha batady. Qayghyny estirtuding de mәdeniyeti men salty bar emes pe?!

Osy tústa Stiyven Spilbergting «Qatardaghy jauynger Rayandy qútqaru» filimi eriksiz eske týsedi. Filimning eng ýlken súraghy – soghystyng ózi emes.

Adam ómirining qúny qansha?

Bir jauyngerdi aman alyp qalu ýshin qansha adamnyng ómirin qaterge tiguge bolady?

Búl – kinonyng súraghy emes. Búl – adamzattyng súraghy. Býgin bizde de osy súraq.

Býgin teatrlar ýnsiz. Konsert zaldary bos. Sahnalarda muzyka estilmeydi. Býgin eshkimning kýlgisi joq. Býgin – kýletin emes.

Býgin – qaryz ben paryzdy payymdaytyn kýn. Býgin – adam ómirining qadiri men qasiyeti turaly oilanatyn kýn.

Qadirli aghayyn, qúrmetti tuystar!

Sizderding qayghylarynyzgha qalyng qazaq ortaq. Búl – bir otbasynyng ghana emes, bir әuletting ghana emes, býkil Qazaq elining qayghysy.

Biz sizdermen birgemiz. Memleket basshysy Qasym-Jomart Kemelúly Toqaevtyng býgingi kýndi Aza tútu kýni dep jariyalauy – osy ortaq qasiretting Halyqtyq dengeydegi belgisi.

Aynalayyn aghayyn…

Osy auyr syn saghatta sizderge sabyr men kýsh, jýrekterinizge medet tileymin. Qyrshyn ketken bozdaqtardyng jany jәnnatta, ruhtary peyishte shalqysyn. Allanyng isine shara bar ma? Arty qayyrly bolsyn..

Al biz tiriler… Olardyng armanyn, esimin úmytpaugha tiyispiz.

Suret: el.kz saytynan alyndy.

Olardyng әrqaysysy - bir әuletting ýmiti, bir otbasynyng tiregi edi...

Bekjan Túrys:

Býgin - jalpyúlttyq aza tútu kýni. Aydyn-kýnning amanynda oqu-jattyghu kezinde on tórt sarbazdan aiyrylu - jay ghana qaraly habar emes, qogham bolyp ýnsiz óte salugha bolmaytyn auyr qasiret. Osy habardy estigende oiyma eriksiz Arqankergen oqighasy oraldy. Ol kezde de el on bes sarbazynan bir kýnde aiyryldy. Arada jyldar ótti. Resmy tergeu jýrgizilip, sot boldy. Keybir saualdargha jauap berilgenimen, halyqtyng kókeyinde jauaby tabylmaghan súraqtar әli de bar. On tórt sarbazdyng qazasy da erteng kezekti janalyqtyng kólenkesinde qalyp qoymauy tiyis.

Áskery tәrtipte keyde qatelikting qúny adam ómirimen ólshenedi. Sondyqtan «tosyn jaghday boldy», «tabighattyng minezi ózgerdi» degen týsinikteme qoghamnyng barlyq saualyna jauap bola almaydy. Sarbazdardyng ómirin saqtap qalugha mýmkindik boldy ma? Bolsa, nege ol mýmkindik paydalanylmady? Oqu-jattyghudy toqtatugha nemese keyinge qaldyrugha ne kedergi boldy? Qanday sheshim qabyldandy jәne sol sheshimge ne negiz boldy? Halyq osy súraqtardyng jauabyn bilgisi keledi. Búl - jay qyzyghushylyq emes, on tórt azamattyn, olardyng ata-anasy men tughan-tuystarynyng aldyndaghy elding saualy.Sarbazdyng ómiri - statistika emes. Onyng artynda ata-ana, bala-shagha, bauyr, býtin bir shanyraq túr. Sondyqtan әrbir sarbazdyng qazasyna qatysty shyndyq tolyq aitylyp, qogham jauap alugha layyq.

On tórt sarbaz…

On tórt taghdyr…

Olardyng әrqaysysy - bir әuletting ýmiti, bir otbasynyng tiregi edi. Býgingi júma kýni meshitterde jas sarbazdardyng ruhyna Qúran baghyshtalyp, dúgha jasalsa eken. Jatqan jerleri jayly bolsyn. Artynda qalghan ata-anasyna, tughan-tuysyna, bala-shaghasyna Alla sabyr bersin. Qara jamylyp, qayghy jútyp otyrghan barsha jaqyndaryna kónil aitamyn.

Suret: adebiportal.kz saytynan alyndy.

Tas - týsken jerine auyr!

Berik Jýsipov:

Tas - týsken jerine auyr! Ata-ana ýshin bauyr eti balasyn Otan-Ana aldyndaghy boryshyn óteuge ýkili ýmitpen shygharyp salyp, ornyna tabytyn kýtip aludan asqan qasiret bolsayshy?! Qúday betin әri qylsyn, dýnie didaryn órt qapqan soghystyng kezi bolsa bir sәri, qoy ýstine boztorghay júmyrtqalaghan beybit kýnde sóngen shyraqtyng ókinishi esten keter me, múnday qayghynyng sirә, orny tolar ma? E, amal qansha, qanday qaghaju kórip, opyq jegizgen isinen de qorytyndy shygharyp, pәm almaytyn beyqam elge ainaldyq. Keyingi jyldary osynday, oigha siymsyz nәrselerden kóz ashpaytyn bolyp kettik. Sóitip otyryp qarapayym halyqqa ókpeleymiz-au, keyde. Aytshy, onyng ólgen balasynyng oisyraghan ornyn nemen toltyrmaqsyn? Bolary bolyp, boyauy singennen keyin júmylghan, «júmyldyrghan» әreket-әrkannyng kimge keregi bar endi? Jan Alla Qazaqiyanyng basyndaghy azat kýnin shuaqty etkey! Amal neshik, ata-babalary ansaghan azat memleketining beybitshiligin, qazaq elining shyryn úiqysynyng tynyshtyghyn kýzetemin dep kóz shyrymyn almay, kirpik ilmey jýrip, bolmashydan opat bolghan qyrshyn sarbazdardyng qazasyna qayghyryp, qapiyada jay týskendey bolghan әrbir qaraly shanyraqqa, anyrap qalghan ata-anagha, tuys-bauyrgha, kýlli qargha tamyrly qazaqqa kónil aitamyn. Múnday jaghdaydyng jayyn basyna týsken jan ghana biledi…

Suret: Avtordyng jeke múraghatynan alyndy.

Ýzilgen 12 ómirdin, 12 ýmitting qayghysy auyr...

Quanyshbek Qariy:

Ásker, qorghanys salasyndaghy jyr tausylatyn emes. Qaytalay estiletin kisi ólimi auyr.

Sovet odaghy ydyraghanda tәuelsizdikti kesh jariyalaghan preziydent Nazarbaev әuelde «ortaq әsker» iydeyasynan ajyramay jýrip aldy.

Qazaqstannyng qaruly kýshteri tәuelsizdikten keyin 5 aidan song qúryldy. Qúrylghanda da salany basqaru tәuelsizdikke senbeytin adamdardyng qolyna tapsyryldy. Keyin olardy almastyrugha tura keldi. Salanyng qalyptasuy osylay bastalghan.

Taghy bir jyl ótkende teniz kýshteri qúryldy.

Keshe, 11 jyldan keyin qaytalanghan tragediyany tekseruge әuelde ministr bastatqan komissiyanyng baratyny habarlandy. Keyin premierding orynbasary Qanat Bozymbaevtyng ýkimettik komissiyasy belgili boldy.

Onyng lauazymdyq mindetine qarasaq, resmy reti mynanday: ónirlik sayasat mәseleleri; túrghyn ýi-kommunaldyq sharuashylyqty damytu mәseleleri; su resurstary jәne irrigasiya mәseleleri; tótenshe jaghdaylardyng aldyn alu jәne jong mәseleleri.

Kaspiy jaghalauynda kem degende 12 jastyng qaza tapqany - dәshtining biyligi ýshin tótenshe jaghday. Áuelde oghan qay komissiyany jibererin bilmey daghdarghan әreketting ózi kóp nәrseden habar beredi.

Beybit kýndegi әsker ólimi jýiening apaty retinde tanylmay, osy ketkeni ketken. «Únamasa, kóship ket» degen tekserilui kerek eks-ministr tayauda jana qúrylymgha mýshe boldy. Onday jalghyz emes, eks-ministrlerding ishinde múrtyn balta shapqany joq.

Al saladaghy qúrylymdyq tartystyng ózi jeke taqyryp.

Qazaqstanda Kaspiy tenizi jalghyz bolsa, eldegi әskery teniz floty da jalghyz. Jogharghy bas qolbasshy saray terezesinen baqylamay, oqigha bolghan jerge ózi baratyn, óz kózimen kórip, óz janymen sezinip, jaghdaymen tanysatyn jóni bar.

Ýzilgen 12 ómirdin, 12 ýmitting qayghysy auyr. Estirtuding týri anau.

Abai.kz