Tәuelsizdik kýni qarsanynda «Auyl amanaty» jobasyna qatysushylar arasyndaghy ýzdik sharuashylyqqa arnalghan respublikalyq konkurs qorytyndylandy. Is-sharagha Mәjilis Spiykeri, «AMANAT» partiyasynyng Tóraghasy Erlan Qoshanov, Premier-Ministrding orynbasary Tamara Dýisenova, Premier-Ministrding kenesshisi Eraly Toghjanov, Qyzylorda oblysynyng әkimi Núrlybek Nәlibaev jәne taghy basqalar qatysty.

Óz sózinde Erlan Qoshanov osy kýni halyqtyng shamamen 40%-y auyldyq jerlerde túratynyn, sondyqtan Preziydent Qasym-Jomart Toqaev ózining saylaualdy baghdarlamasynda auyl túrghyndarynyng túrmys jaghdayyn jaqsartu jәne әl-auqatyn arttyru mәselesine erekshe nazar audarghanyn atap ótti.

Suretti týsirgen: Ály Ghalym.

«Memleket basshysynyng tapsyrmasy boyynsha «AMANAT» partiyasy el iygiligi ýshin belsendi júmys istep jatqan «Auyl amanaty» jobasyn iske qosty. Biyl bizding partiya jobagha qatysushylar arasyndaghy ýzdik sharuashylyqtar men kooperativterdi júrtqa kórsetu ýshin arnayy konkurs ótkizdi. Olardyng tәjiriybesi bolashaqta «Auyl amanaty» jobasyn jetildiru ýshin paydalanylady. Preziydent aitqanday, jahandanu dәuirinde halyqty saqtau ýshin, eng aldymen, auyldy saqtauymyz kerek. Sondyqtan konkurs ayasynda biz auyl ómirine erekshe nazar audarudy kózdedik. Auyl – bizding altyn besigimiz, mәdeniyetimizdin, dәstýrimizding jәne ruhany ómirimizding sarqylmas qaynary. Auylgha degen qamqorlyq – әrqaysymyzdyng ótkenge, býginge jәne bolashaqqa degen qamqorlyghymyz», – dedi ol.

Sonymen qatar, Erlan Qoshanov memleket tarapynan jýieli nazar audarudy talap etetin birqatar ózekti mәseleni atap ótti. Búl auyldardyng infraqúrylymyn damytu, auyl túrghyndary ýshin kepilsiz «tauarlyq nesiye» engizu, auyldyq okrugter budjetining kiris bazasyn arttyru jәne taghy basqalar.

Suretti týsirgen: Ály Ghalym.

Óz kezeginde, viyse-premier Tamara Dýisenova «Auyl amanaty» jobasy iske qosylghan sәtten bastap 16 myngha juyq auyl túrghyny jeke kәsibin bastau ýshin 2,5% jenildikpen shaghyn nesie alghanyn, búl 17 mynnan astam júmys ornyn qúrugha mýmkindik bergenin aitty. Sonday-aq ol qazir shaghyn nesie alushylar óndiretin ónimdi ótkizudi jolgha qoigha erekshe nazar audaru kerek ekenin atap ótti.

Al Premier-Ministrding kenesshisi Eraly Toghjanov joba auyldaghy júmyssyzdyq dengeyin aitarlyqtay tómendetuge arnalghanyn atap ótti. Sondyqtan jobanyng barlyq artyqshylyghy turaly túrghyndardy dúrys aqparattandyru manyzdy. Ol elimizding barlyq ónirinen bayqaugha qatysu ýshin 250-den astam ótinim kelip týskenin atap ótti. Qazylar alqasynyng sheshimimen 30 ótinim 10 nominasiya boyynsha jýldeli oryndargha ie boldy.

Mәselen, Batys Qazaqstan oblysy Qoskól auylynyng túrghyny Damir Qadirov «Ýzdik kooperatiyv» nominasiyasyn jenip aldy. «Ýzdik JQSh» nominasiyasy boyynsha birinshi oryn Manghystau oblysy Aqshúqyr auylynan Aleksandra Grigolovagha búiyrdy. Aqtóbe oblysy Sarjanay auylynyng әkimi Medet Bekjanov Ýzdik auyl әkimi atandy. «Ýzdik tauar kreditory» nominasiyasynda Aqtóbe oblysy Bayqadam auylynyng túrghyny Aygýl Tóleuova jeniske jetti. Ýzdik sýt ónimi ýshin birinshi oryn Abay oblysy Qarasu auylynyng túrghyny Dariyan Janbolatovagha búiyrdy. Qyzylorda oblysy Tasbóget kentining túrghyny Gýlzira Erniyazova et ónimderin ýzdik óndirushi atandy. «Ýzdik aspazdyq ónim» nominasiyasy boyynsha birinshi oryndy Jetisu oblysy Qarashoqy auylynyng túrghyny Nazgýl Shoqanova iyelendi. Almaty oblysy Qarakemer auylynyng azamaty Omar Limtonov «Ýzdik kókónis-baqsha jәne jiydek-jemis ónimderi» nominasiyasy boyynsha jenimpaz atandy. Auyldaghy ýzdik agrarlyq emes joba ýshin birinshi oryn demalys ýiin ashyp, kәsibin órkendetip otyrghan Shyghys Qazaqstan oblysy Jana Ýlbi auylynyng túrghyny Janna Abughaliyge berildi. Al Batys Qazaqstan oblysy Dariinsk auylynyng túrghyny Sergey Kaveriyn «Ýzdik qayta óndeu kәsiporny» nominasiyasyn jenip aldy. Sonymen qatar, Qyzylorda oblysy Besaryq auylynyng kәsipkeri Múrat Sәrsenbaev jobagha qoldau bildirgeni ýshin Alghys hatpen marapattaldy.

Suretti týsirgen: Ály Ghalym.

Bayqaugha qatysushylar «Auyl amanaty» jobasy – memleketting Enbek adamyna degen qamqorlyghynyng jarqyn ýlgisi, auyl túrghyndarynyng tabysyn arttyrudyng qarapayym әri týsinikti qúraly ekenin atap ótti. Olar Memleket basshysyna jәne «AMANAT» partiyasyna kórsetilgen qoldau ýshin alghys bildirdi.

Sonday-aq, Besaryq auylynda «Auyl amanaty» ayasynda óndirilgen auyl sharuashylyghy ónimderining kórmesi ótti. Biyl auylda atalghan joba ayasynda ýlken óndiristik ortalyq salyndy. Onda kartoptan jasalghan fri, naubayhana, kondiyterlik seh, sonday-aq jartylay dayyn ónimder, plastik ydys-ayaqtar, júmysshylargha arnalghan qolghaptar, sabyn, shúlyq jәne aghash búiymdar shygharatyn kәsiporyndar óz júmysyn bastady. Sonday-aq, «Qyzylorda» supermarketi men kafe ashyldy.

Osy kýni «AMANAT» partiyasynyng Tóraghasy Memleket basshysynyng tapsyrmasy boyynsha ashylghan Qyzylorda qalasynyng «Qorqyt Ata» әuejayyndaghy jana terminaldyng júmysymen tanysty.

«AMANAT» partiyasynyng baspasóz qyzmeti

Abai.kz