Qala әkimi Erbolat Dosaevtyng tóraghalyghymen ótken jedel keneste 2024-2025 jyldaghy jylytu mausymynyng barysy talqylandy.

Energetika jәne sumen jabdyqtau, kommunaldyq infraqúrylymdy damytu, bilim beru basqarmalarynyng basshylary, sonday-aq «Almaty jylu jelileri» JShS, «AlmatyJyluKommunEnergo» JShS, ShJQ «Almaty Su» MKK, «Almaty elektr stansiyalary» AQ, «Alatau jaryq kompaniyasy» AQ jәne «QazTransGazAymaq» AQ Almaty filialynyng ókilderi óz salasyndaghy jaghday turaly bayandama jasady.

Almatyda jylytu mausymy 2024 jyldyng qazan aiynyng basynda bastalyp, shtattyq rejimde ótude. Jylytu jýiesine 8 863 kópqabatty túrghyn ýi, 404 bilim beru jәne 128 densaulyq saqtau nysany qosylghan.

Jylu jәne elektr quatyn jetkizu túraqty týrde jýzege asyp jatyr. Jylu kózderi men jelilerdegi temperaturalyq rejim bekitilgen kestege sәikes qatang saqtalyp otyr.

«AlmatyJyluKommunEnergo» JShS-ning mәlimetinshe, qalada 85 qazandyq bar, olardyng barlyghy tehnologiyalyq aqausyz júmys istep túr. Jalpy, qaladaghy jylu jelilerining úzyndyghy 1 385,3 shaqyrym. Jylytu mausymy bastalghaly beri eshqanday aqau men jappay apattyq jaghday tirkelmegen. 2024 jyly qala túrghyndaryn ýzdiksiz jylumen qamtamasyz etu maqsatynda jalpy úzyndyghy 20 shaqyrym bolatyn 23 jylu jelisi nysany janartyldy.

Sonymen qatar, «Almaty elektr stansiyalary» AQ-nyng nysandarynda – 1-JEO, 2-JEO, Kaskad GES-i, Batys jylu kesheninde – energetikalyq negizgi 56 qondyrghygha jóndeu júmystary ayaqtaldy. Qazandyqtar, turboagregattar, gidroagregattar jóndeuden ótti.

«AlES» AQ-nyng energiya kózderinde (1-JEO, 2-JEO, BJK) mazut qory 140% (25,6 myng tonnadan 18,3 myng tonna), kómir qory 179% (302,8 myng tonnadan 168,6 myng tonna).

Qalada tótenshe jaghdaydyng aldyn alu maqsatynda 400-ge juyq maman men 100-den astam arnayy tehnikasy bar 104 apattyq brigada júmys isteydi. «AlmatyJyluKommunEnergo» JShS, «AlJJ», «AlES» AQ, «AJK» jәne ShJQ «Almaty Su» MKK kommunaldyq qyzmetteri joghary dayyndyq rejiyminde júmys istep túr.

Abai.kz