قالا اكىمى ەربولات دوساەۆتىڭ توراعالىعىمەن وتكەن جەدەل كەڭەستە 2024-2025 جىلداعى جىلىتۋ ماۋسىمىنىڭ بارىسى تالقىلاندى.

ەنەرگەتيكا جانە سۋمەن جابدىقتاۋ، كوممۋنالدىق ينفراقۇرىلىمدى دامىتۋ، ءبىلىم بەرۋ باسقارمالارىنىڭ باسشىلارى، سونداي-اق «الماتى جىلۋ جەلىلەرى» جشس، «الماتىجىلۋكوممۋنەنەرگو» جشس، شجق «الماتى سۋ» مكك، «الماتى ەلەكتر ستانتسيالارى» اق، «الاتاۋ جارىق كومپانياسى» اق جانە «قازترانسگازايماق» اق الماتى فيليالىنىڭ وكىلدەرى ءوز سالاسىنداعى جاعداي تۋرالى بايانداما جاسادى.

الماتىدا جىلىتۋ ماۋسىمى 2024 جىلدىڭ قازان ايىنىڭ باسىندا باستالىپ، شتاتتىق رەجيمدە وتۋدە. جىلىتۋ جۇيەسىنە 8 863 كوپقاباتتى تۇرعىن ءۇي، 404 ءبىلىم بەرۋ جانە 128 دەنساۋلىق ساقتاۋ نىسانى قوسىلعان.

جىلۋ جانە ەلەكتر قۋاتىن جەتكىزۋ تۇراقتى تۇردە جۇزەگە اسىپ جاتىر. جىلۋ كوزدەرى مەن جەلىلەردەگى تەمپەراتۋرالىق رەجيم بەكىتىلگەن كەستەگە سايكەس قاتاڭ ساقتالىپ وتىر.

«الماتىجىلۋكوممۋنەنەرگو» جشس-ءنىڭ مالىمەتىنشە، قالادا 85 قازاندىق بار، ولاردىڭ بارلىعى تەحنولوگيالىق اقاۋسىز جۇمىس ىستەپ تۇر. جالپى، قالاداعى جىلۋ جەلىلەرىنىڭ ۇزىندىعى 1 385,3 شاقىرىم. جىلىتۋ ماۋسىمى باستالعالى بەرى ەشقانداي اقاۋ مەن جاپپاي اپاتتىق جاعداي تىركەلمەگەن. 2024 جىلى قالا تۇرعىندارىن ۇزدىكسىز جىلۋمەن قامتاماسىز ەتۋ ماقساتىندا جالپى ۇزىندىعى 20 شاقىرىم بولاتىن 23 جىلۋ جەلىسى نىسانى جاڭارتىلدى.

سونىمەن قاتار، «الماتى ەلەكتر ستانتسيالارى» اق-نىڭ نىساندارىندا – 1-جەو، 2-جەو، كاسكاد گەس-ءى، باتىس جىلۋ كەشەنىندە – ەنەرگەتيكالىق نەگىزگى 56 قوندىرعىعا جوندەۋ جۇمىستارى اياقتالدى. قازاندىقتار، تۋربواگرەگاتتار، گيدرواگرەگاتتار جوندەۋدەن ءوتتى.

«الەس» اق-نىڭ ەنەرگيا كوزدەرىندە (1-جەو، 2-جەو، بجك) مازۋت قورى 140% (25,6 مىڭ توننادان 18,3 مىڭ توننا), كومىر قورى 179% (302,8 مىڭ توننادان 168,6 مىڭ توننا).

قالادا توتەنشە جاعدايدىڭ الدىن الۋ ماقساتىندا 400-گە جۋىق مامان مەن 100-دەن استام ارنايى تەحنيكاسى بار 104 اپاتتىق بريگادا جۇمىس ىستەيدى. «الماتىجىلۋكوممۋنەنەرگو» جشس، «الجج»، «الەس» اق، «اجك» جانە شجق «الماتى سۋ» مكك كوممۋنالدىق قىزمەتتەرى جوعارى دايىندىق رەجيمىندە جۇمىس ىستەپ تۇر.

Abai.kz