Mәjilis tóraghasy Erlan Qoshanov pen bir top deputat Úlytau oblysyna júmys sapary ayasynda Jezqazghan jәne Sәtbaev qalalarynyng túrghyndarymen kezdesti.

Sapar ayasynda Erlan Qoshanov Sәtbaev qalasyndaghy №1 jylu stansasynyng júmysymen tanysyp, enbek újymymen jәne qala júrtshylyghymen kezdesip, olarmen ekologiya jәne «qara qar» mәselelerin talqylady.

Mәjilis spiykeri atap ótkendey, Sәtbaevtaghy ekologiyalyq mәselelerding basty sebebi – kómir sapasy men jylu elektr stansiyasyndaghy filitrlerding nashar júmys isteui. Sonday-aq, ol Memleket basshysynyng búl jaghdaydan habardar ekenin jәne qalanyng ekologiyasyn lastaudyng jýieli sebepterin joi ýshin keshendi tekseru jýrgizudi tapsyrghanyn atap ótti. Erlan Qoshanov oblys әkimdigi men «Qazaqmys» kompaniyasynyng ókilderine jaghdaydy jaqsartu jәne ekologiyalyq problemalardy, sonyng ishinde Sәtbaevtaghy jylu elektr stansiyasyn gazgha kóshiru boyynsha keshendi sharalardy shúghyl týrde qabyldau turaly talap qoydy.

– Eski filitrler sapasyz kómirden shyqqan kýl qaldyqtaryn ústap túrugha shamasy jetpey otyr. Búl qala ekologiyasyna jәne túrghyndardyng densaulyghyna keri әser etude. Múnday mәseleni qysqa merzimde sheshu mýmkin emes ekeni týsinikti. Biraq qazir barlyq sebepti tolyq anyqtap, kelesi jylytu mausymyna deyin naqty sharalar qabyldauymyz qajet. Kәsiporyn basshylyghy, Energetika ministrligi jәne әkimdik búl mәseleni birlesip, uaqyt sozdyrmay sheshuge tiyis. «Qara qar» siyaqty kelensiz qúbylystardan týbegeyli arylugha bar kýshimizdi saluymyz qajet. Óz kezeginde, Mәjilis deputattary jaghdaydy baqylauda ústaytyn bolady, – dedi Mәjilis tóraghasy.

Kezdesu qorytyndysy boyynsha oblys әkimdigi men «Qazaqmys» kompaniyasynyng basshylyghy kelesi jylytu mausymyna deyin Sәtbaev jylu stansiyasynyng tazartu jýielerin janghyrtu boyynsha barlyq josparlanghan júmystardy ayaqtaugha mindetteme aldy. Is-sharagha qatysqan Energetika ministrligining ókilderi Úlytau oblysynda jylu elektr stansiyasyn janghyrtuda «investisiya ornyna tariyf»» tәsili arqyly qoldau kórsetuge dayyn ekenin habarlady.

Sonday-aq Mәjilis spiykeri halyqty jylumen ýzdiksiz qamtamasyz etu songhy jyldardaghy eng manyzdy mәselening biri ekenine nazar audardy. Injenerlik infraqúrylymnyng jaghdayy Memleket basshysynyng údayy baqylauynda. Eldegi tozyghy jetken qazandyqtardy, injenerlik-kommunaldyq jelilerdi jappay janghyrtu júmystary esh pafossyz jәne kózboyaushylyqsyz jýrip jatyr. Ol turaly Qasym-Jomart Toqaev jaqynda «Ana tili» gazetine bergen súhbatynda aitty.

Mәjilis deputattary Jezqazghan qalasyndaghy gidrosehtaghy júmys barysymen de tanysty. Erlan Qoshanov atap ótkendey, Jezqazghandy  auyz sumen qamtamasyz etu әli kýnge deyin eng ózekti mәselening biri bolyp otyr. 2021 jyly Memleket basshysy búl týitkildi sheshudi tapsyrghan bolatyn. Qazirgi uaqytqa deyin birqatar sharua atqarylghanymen, әli de kóptegen mәsele bar.

– Jezqazghan túrghyndary sapaly  auyz sugha mýmkindiginshe tezirek qol jetkizui kerek. Ol halyqtyng densaulyghy men ónirdegi ahualgha tikeley әser etedi. Búl – barlyq taraptardyn, ministrlikter men әkimdikting ortaq mindeti. Óz kezeginde deputattar da osy júmysqa belsene atsalysugha dayyn, – dedi Erlan Qoshanov.

Palata spiykeri Jezqazghandy auyz sumen qamtamasyz etu mәselesin jer asty su kózderin paydalanu arqyly eki su qúbyry – Esqúla jәne Ýitas-Aydos su jýieleri esebinen sheshu josparlanyp otyrghanyn atap ótti. Býgingi tanda qajetti jobalyq qújattardyng bәri әzirlenip, naqty júmys kólemi belgilengen, bastapqy qarjy bólingen. Kezdesu barysynda Su resurstary jәne irrigasiya ministrligi men oblys basshylyghy ókilderining qatysuymen barlyq mәsele jan-jaqty talqylandy. Kezdesu qorytyndysy boyynsha Mәjilis tóraghasy 2025 jyly barlyq mәseleni sheshuge jәne Jezqazghandy auyz sumen qamtamasyz etuge baghyttalghan naqty qadamdar jasalugha tiyis ekenin erekshe atap ótti.

Sapar barysynda deputattar Sәtbaev qalasyndaghy Oqushylar sarayynyng júmysymen tanysyp, Jezqazghanda salynyp jatqan dene shynyqtyru-sauyqtyru kesheninde oblys belsendilerimen, sonday-aq Jezqazghan júrtshylyghymen kezdesti.

Abai.kz