Ál-Faraby atyndaghy Shymkent qalalyq ghylymiy-әmbebap kitaphanasynda jauhar jazushy, daryndy dramaturg, Qazaqstannyng enbek sinirgen qayratkeri, «Qúrmet» jәne «Parasat» ordenderining iyegeri, Halyqaralyq «Alash» jәne «Týrki әlemine qyzmeti ýshin»  syilyqtarynyng laureaty, Ontýstik Qazaqstan (qazirgi Týrkistan) oblysynyn, Týlkibas jәne Bәidibek audandarynyng Qúrmetti azamaty Marhabat Bayghúttyng 80 jyldyq mereytoyyna oray «Marhabat» atty Halyqarayq qoghamdyq-sayasi, әdebiy-kórkem, mәdeniy-әleumettik, tarihiy-tanymdyq jurnaly men «Markhabat.kz» әdebi-aqparattyq portal tanystyrylym rәsimi ótti. Osylaysha qazaq әdebiyetining alyptaryna arnalghan «Abay», «Qasym», «Múqaghali» jurnaldarynyng qataryna «Marhabat» jurnaly da qosylyp otyr.

Is-sharany respublikalyq «Egemen Qazaqstan» gazetining Týrkistan oblysyndaghy menshikti tilshisi, oblystyq mәslihattyng deputaty, «Marhabat Bayghúttyng tughanyna 80 jyl» jobasynyng jetekshisi, «Mediakratiya»  qoghamdyq birlestigining tóraghasy Ghalymjan Elshibay qysqasha sóz sóilep ashty. Jurnal últ әdebiyeti men mәdeniyetining damuyna septigin tiygizip, san aluan taqyrypta janashyl shygharmalar jariyalaugha niyet bildirip otyr. Al aqparattyq portalda jazushynyng jeke fotomúraghaty, súhbattary, shygharmalary,  qalamger jayly estelik, esseler jariyalanatyn bolady. Astanadaghy L.N.Gumiylev atyndaghy Euraziya Últtyq uniyversiytetinde jazushy Marhabat Bayghúttyng shygharmashylyghyn  zertteuge arnalghan qos birdey kandidattyq dissertasiya qorghalghany - marhabattanu ghylymynyng bastamasy ispettes.

«Marhabat» jurnalynyng Bas redaktory Oralhan Dәuitting aituynsha, búl basylym osyghan deyin jaryq kórip kelgen «Túran-Týrkistan» jurnalynyng zandy jalghasy. Sebebi múnyng bastauynda kezinde jazushy Marhabat Bayghút túrghan eken.

Basqosu barysynda Shymkent qalalyq mәslihatynyng tóraghasy, respublikalyq «Amanat» partiyasynyng Shymkent qalalyq filialynyng tóraghasy Bahadyr Mәdәliúly Narymbetov, Týrkistan oblysy әkimining orynbasary Ertay Kenjebekúly Altaev, Jambyl oblycyndaghy Sherhan Múrtaza atyndaghy «Ruhaniyat jәne tarihtanu ortalyghynyn» diyrektory Jasúlan Ábdihalyq, Shymkent qalasy әkimining orynbasary Sәrsen Abayúly Qúranbek, qalamgerding jan japy Qyzdarkýl (Qyzdan)  Pernebayqyzy, aqyn, Halyqaralyq «Alash» jәne Konstantin Simonov atyndaghy әdeby syilyqtardyng laureaty Narmahan Begalyúly  sóz sóilep, Mahang jayly oilaryn ortagha saldy.

Marhabat Bayghúttyng «Úlysymnyng úiytqysy - Ontýstik», «Yrys aldy - yntymaq», «Taupisteli taghylymy», «Bozaryqtan Boztorghaygha deyin» sekildi izgilikti de iygilikti is-sharalargha úiytqy bolghanyn bәriniz jaqsy  bilesizder. Endi Jambyl oblysynyng әkimi Erbol Shyraqbayúly Qarashókeevting bastamasymen qolgha alynghan biylghy «Kitap oqu jylynda» «Áulieata - kitap oqityn ónir» jobasynyng ayasynda qazaqtyng qos qalamgeri - Sherhan Múrtaza men Marhabat Bayghúttyng shygharmalary birdey nasihattalmaq. Egemen elimizding Ýshinshi megapoliysinde  jazushynyng ómiri men shygharmashylyghyna arnalghan ghylymiy-teoriyalyq konferensiya ótkizilip, «Marhabat oqulary» úiymdastyrylmaq. Shymkentte Marhabat Bayghút atyndaghy «Studentter ortalyghy» ashylsa, Týrkistanda «Marhabattanu ortalyghyn» ashu kózdelude.

«Marhabat» jurnaly Ghalymjan Elshibay men Oralhan Dәuitting alghysózimen ashylghan. Jazushy, dramaturg, Qazaqstannyng Enbek Eri, Memlekettik syilyqtyng laureaty  Dulat Isabekov, Qazaqstan Respublikasy Preziydentining kenesshisi Mәlik Núrjanúly Otarbaev, jazushy, Qazaqstan Jazushylar odaghy basqarmasynyng tóraghasy Mereke Ábdeshúly Qúlkenov, memleket jәne qogham qayratkeri Darhan Qamzabekúly Mynbay, Qazaqstan Respubikasy Parlamenti Senatynyng deputaty Darhan Quandyqúly Qydyrәli, aqyn, Qazaqstanyng enbek sinirgen qayratkeri, Qazaqstan Respublikasy Parlamenti Mәjilisining deputaty Janarbek Sadyqanúly Áshimjanov, Shymkent qalasy әkimining orynbasary Sәrsen Abayúly Qúranbek, Týrkistan oblysy әkimining orynbasarlary – Beysen Dәuletúly  Tәjibaev, Ertay Kenjebekúly Altaev, Jambyl oblysy әkimining orynbasary Serik Sәlemov, aqyn, Qazaqstannyng enbek sinirgen qayratkeri, Halyqaralyq TÝRKSOY týrki mәdeniyeti úiymynyng janynan qúrylghan Týrki dýniyesi Jazushylar odaghynyng tóraghasy, Memlekettik syilyqtyng laureaty Úlyqbek Orazbayúly Esdәuletov, jazushynyng jan jary Qyzdarkýl (Qyzdan) Pernebayqyzynyng aqjoltay tilekteri jariyalanghan. Jazushy, Memlekettik syilyqtyng laureaty Sherhan Múrtaza, jazushy, dramaturg, Qazaqstannyng Enbek Eri, Memlekettik syilyqtyng laureaty Dulat Isabekov, jazushylar - Qaly Sәrsenbay, Kósemәli Sәttibayúlynyng Marhabat Bayghút jayynda oi-tolghamdary berilgen.

Jurnal jastar shygharmashylyghyna da edeuir oryn ajyratypty. Mamandyghy - kinoteledramaturg, orda búzar otyz jastaghy jazushy  «Mahabbatym - Constant», Paralleli» kitaptarynyng avtory Álisher Rahattyng «Ádebiyetke keluime marqúm әpkemning kýndeligi әser etti» dep atalatyn súhbaty men «Ýzdiksiz әuez» әngimesi jariyalanghan. 26 jasar aqyn, filolog, jurnalist, qalalyq, oblystyq, respublikalyq jyr mýshәiralary men әdeby bayqaulardyng jenimpazy Azamat Álibekting «Mahabbat degen - osynday bolady eken» súhbaty men «Qúlap kettik kónilsizdeu ghasyrgha» taqyrybymen berilgen toptama ólenderi de jýrek tebirentedi. Jazushy Ardaq Ýseyinovanyng «Jalghyz-jarym» әngimesi de әseri oqylady. Aqyn, «Men torghaymyn» jyr jinaghynyng avtory Mehriddin Ótegenovting ólenderi de eleuli. Audarmashy, Ontýstik Qazaqstan (qazirgi Týrkistan) oblystyq audarmashylar bayqauynyng Gran-pry iyegeri (2006), «Tarazy ómir» atty tuyndysy respublikalyq «Altyn qalam» bayqauynda «Jyldyng ýzdik prozasy» atalymyn jenip alghan (2019) Gýlnar Iztaeva «Áyel adam - biologiyalyq robot» degen taqyryppen ontýstikkoreyalyq jazushy, segiz roman, jiyrma shaqty әngime, hikayattyng avtory, tórt Halyqaralyq syilyqtyn, sonyng ishinde Buker syilyghynyng (2016), Nobeli syilyghynyn  (2024) iyegeri Han Gannyng «Vegetarian әiel» shygharmasyna taldau jasaghan. Al jazushy, audarmashy Lira Qonys osy korey qalamgerining «It kóilek», «Kýrish bәlish», «Aq» degen mótek әngimelerin qazaq tiline audarghan.

Endi jauhar jazushy jayly ózimning jeke oi-pikirimdi bildire keteyin. Marhabat Bayghút aghamyz 70 jәne 75 jasqa tolghanda mereytoylyq maqala jazghanmyn. Qúday qalasa, 80 jyldyq mereytoyyna oray da qalam tartu niyetindemin.

Mәrtebeli Mahannyng ruhany inilerinin, talantty shәkirtterining birimin. Kózi tiri kezinde ózara syilastyghymyz bolghan. Onyng qolynan «Shynayy til janashyry» syilyghyn (noutbuk) alghanmyn. Ádilqazy retinde әdeby shygharmashylyq bayqauda «Miyghúla» atty әngimemdi joghary baghalaghan. «Ádebiyet әlemi» seriyasymen jaryq kórgen aqyn Toqash Berdiyarov jayly jazylghan «Talantymen talaydy tamsandyrghan tylsym taghdyr turaly tolghanystar» atty estelik, esseler kitabyma, jazushy, memleket jәne qogham qayratkeri Q.Naymanbaev jayly jazylghan «Qalyng qazaqtyng Qaldarbegi: qalamgerlik, qayratkerlik qasiyetteri» dep atalghan әdebiy-syn, ghylymiy-zertteu enbegime, týlkibastyq tarlanboz, at sportynan Kenestik Sosialistik Respublikalar Odaghy halyqtary spartakiadasynyng toghyz dýrkin chempiony Ábilhan qajy Dauylbaev jayly jazylghan «Bәige bermes bahadýr» degen derekti hikayatyma izgi tilekke toly alghysóz jazghan.

Sóz sonynda aitarymyz, oily oqyrman qatary biz de «Marhabat» jurnalymen tanysyp shyqtyq. Redaksiya újymyna shygharmashylyq tabys tileymiz!

Ábdisattar Álip,

jurnalist, aqyn, audarmashy, Qazaqstan Jurnalister jәne Halyqaralyq Jazushylar odaqtarynyng mýshesi, respublikalyq «Shymkentim, shyraylym!» әdebiy-kórkem alimanaghynyng Bas diyretory - Bas redaktory.

Shymkent qalasy

Abai.kz