Qazaqstanda materialdyq jaghdayy túraqty azamattar memlekettik jәrdemaqylardan óz erkimen bas tartu turaly sheshimderin әleumettik jelilerde jariyalauda. Olar memleket tarapynan kórsetilgen qoldaugha alghys bildirip, әleumettik kómekting shyn mәninde múqtaj otbasylargha baghyttaluy manyzdy ekenin atap ótude.

Kópbalaly ana Janat әleumettik jelidegi jazbasynda memleketten beriletin jәrdemaqynyng otbasy ýshin, әsirese balalary kishkentay kezinde, ýlken kómek bolghanyn jetkizgen. Qazirgi uaqytta balalary ósip, otbasynyng jaghdayy jaqsarghanyn aitqan ol keybir tólemderding toqtauyna qarsylyq bildirmeytinin atap ótken. Onyng pikirinshe, balany dýniyege әkeludegi basty maqsat jәrdemaqy alu emes, úrpaq jalghastyryp, balalardy aman-esen ósirip, jaqsy azamat etip tәrbiyeleu.

Sonday-aq Leshan Shaymerjenov Facebook әleumettik jelisindegi jazbasynda qazirgi jaghdayynyng jaqsy ekenin aityp, alyp jýrgen jekelegen memlekettik jәrdemaqylardan óz erkimen bas tartu turaly sheshim qabyldaghanyn habarlady. Ol osy uaqytqa deyin kórsetilgen kómek ýshin alghys bildirip, «Ár nәrsening óz reti bar. Elimiz aman bolsyn!» dep jazghan.

Atalghan azamattardyng jazbalary qoghamdaghy әleumettik jauapkershilik pen ózara qoldau mәselesin kýn tәrtibine shygharuda. Olardyng ústanymy boyynsha, otbasynyng materialdyq jaghdayy óz qajettilikterin óz betinshe qamtamasyz etuge mýmkindik berse, memlekettik qoldaudan bas tartu arqyly kómekke múqtaj azamattargha basymdyq beruge bolady.

Sonymen qatar zannamada belgilengen talaptargha sәikes jәrdemaqy alugha qúqyghy bar azamattardyng memlekettik qoldaudy paydalanuy zandy ekenin atap ótken jón. Al tólemderden óz erkimen bas tartu – әr azamattyng jeke sheshimi. Múnday bastamalar qoghamdaghy әleumettik yntymaqtastyq pen azamattyq jauapkershilikting manyzyn kórsetedi.

Abai.kz