ALYPTAR KETIP JATYR - ÓMIRDEN DULAT ISABEKOV TE ÓTTI…

BIR DÁUIR KÓShIP BARADY…

Qazaqtyng klassik jazushysy, Qazaqstannyng Enbek Eri, qazaq әdebiyeti men dramaturgiyasyn dýniyege tanytqan dýldýlimiz Dulat Isabekovting de songhy saghaty soghypty…

Últtyng sózin sóilep ótken úly jazushymyzben birge bir dәuir kóship barady…

Alyptardyng bizdi tastap ketui jalghasyp jatyr… Múzbalaq Múqtar Maghauin men ghúlama tarlanymyz Mekemtas Myrzahmetovten airylghanymyz keshe ghana edi…

Qayran, bitimi bólek, birtuar túlghamyz Dulat kókem-ay!

Ótkende ghana kónilin súrap barghanda sau kýnindegidey ótkir әzilimen kýldirip otyr edi…

Qaraly habardy memleket jәne qogham qayratkeri Islam Ábish aghamyz aitty. Ózi jana ghana Shymkentten belgili jurnalist Ómirzaq Aqjigittti songhy sapargha shygharyp salyp kelip, Astanadaghy ýiine kirgen beti eken…
Qayta jolgha jinalyp, Almatygha tanghy jetide jettik!

Dulat Isabekovtyng qazasyna baylanysty QR Preziydenti Q.Toqaev kónil aitu jedelhatyn joldady. “Quatty qalamynan tughan sýbeli shygharmalary, dramalyq enbekteri әlem sahnalaryn baghyndyryp, dýnie jýzine kiyeli sóz ónerimizdi dәriptedi.

Sonyna әdeby mol múra qaldyrghan Dulat Isabekúlynyng jarqyn beynesi men ardaqty esimi halqymyzdyng jýreginde mәngi saqtalady”, - dep jazushy enbegin joghary baghalady memleket basshysy. QR Parlamenti Mәjilisi tóraghasy Erlan Qoshanov, QR Premier-Ministri O. Bektenovter kónil aitu hatyn joldady.

Memlekettik kenesshi Erlan Qarin de paraqshasynda Dulat Isabekov turaly jýrekten shyqqan kónil aitu jazbasyn jariyalady.

Almaty qalasy әkimi Erbolat Dosaev jazushy shanyraghyna kirip, kónil aityp, Dulat aghasymen kezdesulerindegi qyzyqty sәtterdi әngimelep berdi.

Dulat Isabekovtyng kitaby kóliginen týspeytin, telegram kanalynda “Qazaq Shespiyrinen airyldyq” dep jazba jariyalaghan QR Parlamenti Mәjilisi deputaty, “Aq jol” partiyasy tóraghasy Azat Peruashev úly jazushymen qoshtasu ýshin Astanadan tanerteng arnayy úshyp kelip, úshyp ketti! Alla jar bolsyn!

Ádiletti Qazaqstanda aldynghy qatarda «Qazaqstannyng Enbek Eri» ataghy men «Altyn Júldyzyn» alghan jazushy-dramaturg, Memlekettik syilyqtyng laureaty Dulat Isabekov qazaqtyng aty әlemge әigili dýldýl qalamgeri edi...

ÚLY JAZUShYNY ÚLYQTAGhAN ÚLYBRITANIYa

Dulat Isabekovtyng 75 jasqa tolghan mereytoyyn Úlybritaniya Qazaqstannan búryn, aptalyq jasap atap ótti.

Úlybritaniyadaghy Lordtar palatasynda sóilegen túnghysh qazaq Dulat Isabekov.

Sonymen birge Londondaghy últtyq kitaphanagha kitaby qoyylghan túnghysh qazaq jazushysy.

Úlybritaniyada 2014 jyly jәne 2015 jyly qatarynan Dulat Isabekovke arnalghan aptalyq ótip, 2017 jyldyng 1-7 qazan aralyghynda London qalasynda jazushynyng 75 jyldyq mereytoyyna oray «Qazaq ónerining festivali» degen atpen teatr festivali úiymdastyryldy. Yaghni, Úlybritaniya qazaq jazushysyna arnap 3 ret aptalyq festivali ótkizdi.

D.Isabekovting «Eski ýidegi eki kezdesu» atty qoyylymyn túnghysh ret qazaq tilinde aghylshyn kórermenine kórsetildi.

2017 jyly 4-qazan kýni Pajarito teatry D.Isabekovting «Aqqu-Jibek» piesasyn aghylshyn tilinde sahnalady.

Jalpy, 2014 jyldan 2023 jylgha deyin tek Úlybritaniyada, Londonda Dulat Isabekovtyng 7 ret shygharmalary aghylshyn tilinde basylyp shyqty. 2 ret spektakli qoyyldy. Yaghni, Úlybritaniya 9 jylda 9 ret Dulat Isabekovtyng shygharmasyn shygharyp, 3 ret aptalyq festivali ótkizdi.

ÁLEMDI ShARLAGhAN ShYRAYLY ShYGhARMALAR

2023 jyly Týrkiyada «Biz soghysty kórgen joqpyz» atty kitaby týrik tilinde shyghyp, oghan 4 povesti endi.

Týrkiyada shyghatyn tanymal «Temrin» әdeby jurnalynyng bir sany týgeldey D.Isabekovting shygharmashylyghyna arnaldy.

2020 jyly Shvesiyanyng astanasy Stokgolim qalasynda shved tilinde «Aptapty kýn, ýskirik jel, dýrbirli dala» degen atpen túnghysh ret shygharmalar jinaghy «Gun Förlag» baspasynan jaryq kórdi.

Jazushynyng shygharmalaryn tәrjimalaghan belgili shvedtik audarmashy Bengt Samuelison. Stokgolimdegi túsau keseri 2021 jyldyng mamyr aiynda ótti.

Qazirgi qazaq әdebiyetin shet elder Dulat Isabekov esimi arqyly tanuda…Dulat Isabekov shygharmashylyghyna qyzyghushy elder jyl sayyn artyp keledi.

Byltyr 2024 jyly da Shvesiya astanasy Stokgolim qalasynda «Isabekov әlemi» atty әdeby kesh ótti.

Búghan deyin Úlybritaniya,, Avstraliya, Koreya, Týrkiya, Bolgariya, Gruziya, Resey elderin bauraghan tuyndylar, endigi jerde Skandinaviya elderinde de óz baghasyn aldy.

“BÓRTE” ÁLEMDI ARALAP, “GAUHARTAS” REKORD JASADY

IYә, Dulat Isabekovtyng dramalary Euraziyany erkin aralap jýr. Álem nazaryn audaryp otyrghan ýzdik dramasy «Bórte» spektakli Avstraliyada da qoyyldy.

Búl drama qazir birneshe el sahnasyna dayyndalyp jatyr. Kezinde jarty әlemdi jaulaghan Shynghys han qaharly qylyshymen jetpegen jerge Dulat Isabekting qúdyretti qalamymen jetude Bórte ekeui.

«Gauhartas» piesasy qoyyla salysymen bir jarym jylda 222 ret qoyyldy, barlyq qoyylym anshlagpen ótti. Búnday kórsetkish Qazaqstan ýshin rekord bolyp sanalady.

Qazir qanshasynshy ret qoyylyp jatqanyn bir qúday biledi… Parlament deputattary, biz әli biylet tappay jýrmiz, eki-ýsh ay búryn alyp qoymasanyz, biylet joq…

BIYL NOBEL SYILYGhYNA ÚSYNYLGhAN EDI…

Tәuelsizdik alghan osy jyldarda әlemdik Nobeli syilyghyna 2016 jyly úsynylghan qazaq әdebiyetining klassiygi, KSRO memlekettik syilyghynyng laureaty Ábdijәmil Núrpeyisovten keyin biyl Dulat Isabekov úsynylyp otyr edi… Qazaq әdebiyetinen basqa eshkim bola qoyghan joq… Óitkeni, 30 jyl boyy biylik bir adamnyng ghana Nobeli syilyghyn aluy ýshin júmys istegeni belgili ghoy...

Dulat Isabekovty Nobeli syilyghyna sol Nobeliding otany Shvesiyadan bastap, Koreya, Týrkiya, Gruziya, Týrksoy Jazushylar odaghy sekildi sheteldik úiymdar bastap, Qazaqstan Jazushylar odaghy qostap, 9 úiym atynan úsynylghan edi...

Dulat Isabekovtyng dramalaryn oqyghan Gruziyanyng Machabely atyndaghy Schinvaly kәsiby memelekettik drama teatrynyng rejisseri Gocha Kapanadze: «Isabekovtyng tek «Aktrisa» piesasynyng ózine ghana Nobeli syilyghyn beruge bolady», - dep jazdy.

Endi, mine, qazaq jazushysy әlemdik Nobeli syilyghyn alyp, dýniyeni dýbirge bólep jatsa, eng aldymen El men Erding mereyi bolady emes pe dep qazaq halqy taqymyn qysyp jýrgen edi, ajalgha amal joq, ýmitimizdi ýzip ketti...

QAZAQTYNG MÝDDESIN QORGhAP, SÓZIN SÓILEDI

Últtyq mýddemizding qorghany bolghan Dulat Isabekov qay kezde de aqiqatty aita bildi. Halyq sózin sóiledi. Elimizdi, jerimizdi, tilimizdi, dilimizdi qorghady.

2011 jyly Janaózen qyrghynynda eng alghashqy bolyp, elding sózin aitty…
“Aylyghyn súraghan júmysshyny atu degen qaydan shyqqan?!” - dep aiqay saldy…

Memlekettik tilding zandy qaqyn talap etti! Anau bir jyly Mongholiyadan kelgen qandastarymyz elden pana tappay qayta kóshpek bolghanda Dýniyejýzi qazaqtary qauymdastyghy qúryltayynda sol kezdegi preziydentke “Elim dep kelgen qandastarymyz elinen pana tappay, osylay qayta bere me? Búghan kinәliler qatang jauap berui tiyis!”-dep әdilettilikti talap etti. Qazaq kóshine qayta qarqyn bite bastady sodan son…

KÓRDEN AP QALGhAN KÓRShI KEMPIRGE QARYZ EL…

Dulat Isabekovtyng ómirinde oqys oqighalar kóp. Solardyng biri - ol bir-eki jasynda qatty auyryp, demi shyqpay qalyp, el óldige sanaghany. Kórin de qazyp dayyndap qoyyp, endi jerleuge alyp shyghar aldynda bir kórshi kempir kebinge orap tastaghan kishkentay sәbiydi kórgisi kelip, betin ashypty. Sóitse, sәby kempirding betine qarap kýlipti… Shalqasynan qúlay jazdaghan kempir ýige aiqaylap kirip kelip, quanyshty jariya etipti. Solay qaraly jiynnyng ayaghy toygha ainalypty.

Men Dulat aghamyz 70 jasqa tolghanda jazghan “Isabekov әlemi” degen ólenimde osy oqigha da aitylady:

Sәbiydi jansyz túrsa da kýtip kәri jer,
Tәnirden ýkim bolmasa, ólmes tәrizi er...
Jerlemes búryn...
Kórem dep seni songhy ret,
Kórden ap qalghan.. kórshi kempirge qaryz el...

IYә, kóri qazylyp, jerlegeli túrghanda, bolashaq úly jazushyny aman alyp qalghan kórshi kempirge qazaq eli qaryzdar… Negizi sol keyuananyng aty-jónin aiqyndau kerek edi… Peyishte ruhy shalqy bersin.

AJALDY DA QASQAYYP QARSY ALDY…

Ótkende kónilin súray barghanda, saumal iship, basyn kóterip, tәuir bop qalghan eken. Sholpannan bastap, saumal tasyp jýrgen inisining úly Aytjan bauyrymyz barlyghy quanyp jýr, tósekten túrdy dep.

Qaljyrap otyrsa da, qaljyndap otyrdy әdettegidey. Ózi qinalyp otyryp, elding jaghdayyn, tilding jaghdayyn súrap qoyady. Men 2022 jyly parlamentte Memlekettik til turaly zang qabyldaudy talap etken deputattyq saual jasaghanda, qoldaghan últ ziyalylarynyng ishinde eng aldymen Dulat Isabekov maqala jazyp edi. Til tәuelsizdigin talap etip talay maqala jazdy. Ángime osy taqyrypqa auysqanda «Búryn kenes odaghy dedik. Endi, Tәuelsizdigimizge otyz jyldan assa da, Memlekettik tilimiz turaly zang qabyldanyp, qazaq tilining tórge shyqqanyn kóre almay ketip baramyn» dedi kýrsinip.

«Memlekettik til turaly zandy jýzge juyq jasqa deyin kýtse de, Ábdijәmil aghanyz da kórmey ketti... Endi erteng barghanda sizden eng aldymen sony súraytyn shyghar... El aman bolsa, bosaghadaghy tildi de tórge shygharamyz»-dedim men aghamyzdy júbatyp.

Ómiri auzynan tastamaytyn dostaryn da әdettegidey әzilmen qaghytyp ótti.

- Osy bir auru qaydan payda boldy? Ol nege Tólen men Beksúltangha barmay, tike maghan keldi? Sony oilap, bas qatyryp otyrmyn-dep, taghy bir kýldirdi.

- Qay kezdegidey de, qúrdastarynyzdy qimay otyrsyz ba? - dep biz de qaljyngha ainaldyryp jatyrmyz…

Biraz uaqyttan keyin belgili qalamgerler, ózi basqarghan “Mәdeniyet” jurnalynda talay jyl orynbasary bolghan Myrzan Kenjebay inisi men Núrlybek Samatúly bauyrymyz da kónilin súrap keldi. “Basqa kelse de, sen kelmeytin shygharsyn” dep edim”, - dep Myrzekene qaljyndady. Bәrimiz shýiirkelesip әngimelesip qalghanymyzdy Aytjan inimiz suretke týsire qoyyp edi, “Týsip qalyndar, erteng tiri kýninde týsken edik” dep jýresinder”, - dep bir kýldirdi. Qoshtasyp ketip bara jatqanymda, “Erteng “Dulat Isabekov qaytys boldy”, - degendi gazetten oqymay, jii kelip túryndar osylay, Sholpangha telefon soghyp…”, - dedi taghy da әzil-shynyn aralastyryp…

Maghan aitqan búl әzilin Dulat Isabekovpen qoshtasu jiynynda kóz jasyna erik berip, tolqyp túryp sóilegen jan dosy Tólen Ábdikov qaytalap:

“Sonday jaghdayda jatyp әzildey bilui degen adamnyng qanshalyqty ruhy biyiktigin kórsetedi!” dep, elge tarap ketti.

IYә, Dulat Isabekov ajaldyng ózin osylay qasqayyp qarsy aldy! Qaharly sәtterin de qaljyngha ainaldyrugha tyrysty.

“Búl fәny dýniyedegi songhy kýnder men songhy saghattardyng suyq syrtyly jaqyndap kele jatqanyn sezip túrsa da, ajaldyng ózin әjua etip otyrghan qayran ór ruhty, er kókem-ay” dep, ishtey kýrsinip túrsam da, kýlimsirep qoshtasqan edik. Sol songhy kóruimiz eken ghoy qazaq әdebiyetining qara naryn.

NAGhAShYLY-JIYENNING ÁZILDERI

Negizi, Dulat Isabekovting anasy bizge tuys, yaghny men naghashy, ol kisi maghan jiyen bolady. “Alyp-anadan” degen dep, ózimizge tartyp, әzildesip qoyatynymyz bar. Ondayda әkesi Isabek maydanda qaytys bolghasyn, qiyn zamanda ómir boyy beynet pen joqshylyq kórip, bes-alty balany asyrap, jetkizgen ayauly anasy Kýmiskýlge arnalghan sheksiz perzenttik sezimin әdemi de әserli әngimeley jóneledi. Elu jyldan assa da, әli sahnadan týspey kele jatqan әigili “Ápke” dramasyna keyipker bolghan әpkesi turaly aitqanda, qyzdardyng bauyrlaryna degen erlikke barabar qamqorlyghyn jyr qylghanda tipti úzaqqa silteytin…

Endi bizge onday ómirlik mәni zor, syry teren, tәlimdi әngimelerdi kim aitady?!. Nege bәrin jazyp ala bermedik dep, ókinip otyrghan týrimiz mynau.

Ekeumizding naghashyly-jiyendikke baylanysty taghy bir qyzyqty oqighamyz esime týsip otyr.

2012 jyly kýzde mening elu jasymdy el toylap bitkenin kýtip jatqanday, eki aidan keyin әkem qaytys boldy. Auylda arulap attandyryp, jetisin ótkizgesin, Almatygha kelip, meyramhanada ýlken as berdim. Astanada «Aq jol» partiyasy búrynnan josparlap qoyghan Alashqa arnalghan respublikalyq konferensiya ótui tiyis bolatyn. Jauaptylardyng biri jәne bayandama jasauym tiyis bolghandyqtan Astanagha barugha tura keldi. Bir kezde Dulat kókem telefon soqty. Allynda biraz qonyraulatqan eken, bayqamappyn…

- Osy sender telefondaryndy qúdyqqa tastap jiberesinder me, nege ala qoymaysyndar telefon soqqanda? - dep biraz úrsyp aldy.

- Erteng kelin ekeuing ýige kelip, soghymnan dәm tatyndar. Ákeng qaytys bolghasyn, naghashym ghoy ol kisi menin, saghan kónil shәy bereyin dep edim.

Islam da keledi Shymkentten, oghan da aityp qoydym, - dep qarap túr...

- Oibay-au, kóke, erterek aitpaysyz ba, men Astanadamyn ghoy?! Kóp rahmet niyetinizge. Alla razy bolsyn!

- Onda neghyp jýrsin?

- Erteng respublikalyq konferensiyamyz bar, men jauaptymyn ghoy, bayandama jasauym kerek onyng ýstine, - dep Astanagha ózimning júmysyma barghanym ýshin aqtalyp әlek bolyp jatyrmyn.

- Oi, sen de bir? Ákesi ólgen adam ýide otyrmay ma eken? Neng bar Astanada? Oibau-au, erteng bolatyn Ánes Saraydyng 75 jasqa tolghan toyyna da barmay qaldym ghoy men «Qazybek Isanyng әkesi qaytys boldy, ol mening naghashym, sonda baruym kerek» dep. Endi astanada sening jiyn ótkizip jýrgenindi Ánes kórse, ne bolady?

- Oi, ondayynyzdy aityp qoymaysyz ba aldyn ala? Men sol Ánes aghanyng 75 jyldyghyna baram dep jýrgenmin, bilmey qalyp, barsam ne bolar edi?-dep, odan sayyn naghashymdy qorqytyp, bir kýlip alghanymyz endi eske týsip otyr...

QAYTALANBAS QALAMGERMEN QALYNG EL QOShTASTY…

Abyz bolyp, anyz bolyp ómirden ótken Dulat Isabekovpen qoshtasu Qazaqstan Jazushylar Odaghynyng Ádebiyetshiler zalynda ótti. Búl zalda jazushymen qoshtasu tarihta túnghysh ret bolyp otyr. Búnyng da biraz syry bar… Aldynda Dulat Isabekovtey birtuar túlgha, Enbek Erimen qoshtasu búrynghy dәstýrge say Abay opera-balet teatrynda ótuin qalaghan edik. Dulat aghanyng ýiinde otbasymen bolghan әngimede Qazaqstan Jazushylar odaghynyng tóraghasy Mereke Qúlkenov pen Almaty qalasy әkimining orynbasary Azamat Qaldybekovke búl talabymyzdy qoyghanbyz.

- Qatardaghy jazushy qaytys bolghanda da, Jazushylar odaghynyng holy tarlyq qylyp jatady. Erteng el sýiiktisi Dulat Isabekovke qalyng el keledi qoshtasugha, sonda júrt syimay qalady ghoy?!. Abay teatrynda Abaydyng inilerimen qoshtasu ótkizuge bolmaytynday, ol ghimarat nege túr?”- degen edik.

Sol kezde Qazaqstan Jazushylar odaghynyng Ádebiyetshiler zalynda ótkizu oigha kelip, aqyry Dulat Isabekov qalamgerlerding qarashanyraghynan shyghatyn boldy. Búdan keyin barlyq jazushylar osy Odaqtan shyghatyn bolyp sheshilipti.

400 adamdyq zalgha halyq syimay ketip, tik túryp, qalghany syrtta túrdy.

Qaraly jiyndy Qazaqstan Jazushylar Odaghy basqarmasynyng tóraghasy Mereke Qúlkenov jýrgizdi. Alghashqy sózdi QR Memlekettik kenesshisi Erlan Qarin sóilep, QR Preziydenti Q.Toqaevtyng kónil aitu jedelhatyn jetkizdi. Sonymen birge Dulat Isabekovtyng túlghasy turaly terennen tolghap sóiledi.

«Dulat Isabekov qazaq әdebiyetine erekshe qúbylys bolyp keldi. Shyn mәninde shoqtyghy biyik shygharmalar jazyp, qalyng oqyrmannyng jýregine jol tapty. Onyng qalamynan shyqqan әrbir tuyndy júrtshylyq izdep jýrip oqityn klassikalyq dýniyege ainaldy», - dedi.

Qazaqstannyng Enbek Eri, әrtis Asanәli Áshimov sóz sóiledi. Dulattyng qúrdas, dostary, Qazaqstannyng Halyq jazushylary Tólen Ábdik pen Beksúltan Núrjekening sózderi eldi tolqytty. Kónili bosap, kózine jas alghan Tólen Ábdik “Qazaq halqyn jarty ghasyrdan astam uaqyt ózining shygharmalarymen kýldire de bilgen, jylata da bilgen, oilandyra da bilgen ghajayyp talant iyesi ómirden ótti. Qazaq aman bolsa, talay talanttardy әkeletin shyghar, biraq Dulattyng ornyn almastyru mýmkin emes. Qazir “úly” degendi kóp aityp jýrmiz ghoy. Biraq Dulat shyn mәninde úly jazushy edi” dedi.

Ádebiyettegi inileri atynan belgili aqyn, memlekettik syilyqtyng laureaty Núrlan Orazalin sóiledi.

Dulat Isabekovtyng tuystary atynan sóilegen jazushynyng ózi jaqsy kóretin inisi, 2022 jyly 80 jasynda Almatyda ótken halyqaralyq teatr festivalyn ótkizuge zor ýles qosqan memleket jәne qogham qayratkeri Islam Ábishev jýrekten shyqqan qoshtasu sózin tolqyp túryp aitty. «Qazaqta danalyq sóz bar. «Bergenindi alsa da, bererin almasyn» degen. Alla qazaqqa Dulat Isabekovtey talay túlghalardy syilasyn dep tileymin» dedi.

Álemning bir top elderinen kónil aitu haty kelgenin jetkizdi. Oblys әkimderining bәri kónil aitu jedelhatyn joldap, Týrkistan oblystyq, Shymkent qalalyq, Qyzylorda, Shyghys Qazaqstan oblystarynan arnayy delegasiya kelipti.

Almatydaghy Qabyldau ýiinde ótken asta da kóptegen qalamgerler men qayratkerler Dulat Isabekov turaly sóz sóiledi. Dulattyng qúrdasy, jazushy, memlekettik syilyqtyng laureaty Qadirbek Segizbaev “Diymekender, Ghabit Mýsirepovter ketkennen keyin býgin Dulatpen qoshtasuda osylay qalyng elding jinalghanyn kórdik”-dedi. Aqyn, memlekettik syilyqtyng laureaty Aqúshtap Baqtygereeva, aqyn, Qazaqstannyng enbek sinirgen qayratkeri, Halyqaralyq S.Esenin atyndaghy syilyqtyng laureaty, QR Parlamenti Mәjilisi deputaty Qazybek Isa, Qazaqstannyng Halyq әrtisi Túnghyshbay Jamanqúlov, belgili aqyn, Halyqaralyq Alash syilyghynyng laureaty Hanbiybi Esenqaraqyzy Dulat Isabekovtay sanlaq túlghanyng san týrli qyrlaryn beynelep berdi.

Jazushynyng otbasy atynan úly Estiyar sóilep, qayghysyn bólisken qalyng elge, auyrtpalyqty kóterisken Almaty qalalyq әkimdigi men Qazaqstan Jazushylar odaghyna rahmet aitty.

IYә, Tólen Ábdik aghamyz aitqanday, shygharmalary arqyly shyn mәnindegi әlemdik dengeydegi qaytalanbaytyn qúbylystar jasaghan úly jazushy Dulat Isabekov te dýniyeden ótti…

Dulat Isabekov Kensaygha, eki jyl búryn dýniyeden ótken asyl jary Núrghaysha jengeyding janyna qoyyldy.

Saghynyp qalghan, qaranghydan qorqatyn asyl jaryna jaryq syilap, qauyshyp, ishi pysyp qalghan Ábdijәmil aghasyna әzilin bastap ta jibergen bolar…

Alla aldynan jarylqaghay! Qalyng qazaqqa kónil aitamyz… Otbasyna, úly Estiyar bauyrymyz ben qyzdary Sholpan men Ayman qaryndastarymyzgha, balalaryna, tughan-tuystaryna kónil aitamyz…

Peyishte ruhy shalqy bergey! Qosh, Dulat kóke!

ISABEKOV ÁLEMI

«Tirshilik» mynau, tiride bitpes óleni,
«Qarghyn» bop ómir qarqynyn taba beredi.
Shyndyqty aitqan shygharmalaryng shynayy,
«Dermene» shóptey demeu bop elge keledi…

Aqtarylghanda aq shulan tolqyn aq teniz,
Jauharly әlem – janynmen tauyp jatty egiz…
Danany kórdim baladay kónili bosaghan,
Ananyng ornyn basady asyl «Ápkeniz»

Ózine qarap týzeydi boyyn kil óskin,
Kókke boylaghan kókeme men de jyr estim.
Kiyepan shalday sýiegin umen sýiregen
Keseldi qogham kesirimenen kýrestin.

Úrysy myqty, bolady kileng iyeng mert,
Úlysy tipti úmtylar qolgha sýiem dep…
«Bonapart» emes … kesh bolsa daghy… kestirer,
Sýndetten ketip... sýiekke jetti sýiel dert…

«Soghysty biz de kórmedik», endi ne deyik,
Soghystan beter soyqandy dep pe ek kóreyik…
Sahnada emes… sayasatynda jatyr ghoy,
Múradan júrday «Múragerler» de kóbeyip…

Tәuelsiz elding bolsa dep berik túghyry,
Shyrymyn búzdyng , shydatpay jannyng shyryly…
Eskertseng daghy es ketken mynau qoghamgha,
«Eskertkish» salghysh bir kýndik ghana ghúmyry…

Tumysy bólek tuypsyng kóke, kýzde sen,
Tuyndylaryng iz salar jangha izgi әsem.
Bәrine qoldy bir siltep ketip qalar en,
«Gauhartasty» aityp, Saltanat ómir izdesen…

Sәbiydi jansyz túrsa da kýtip kәri jer,
Tәnirden ýkim bolmasa, ólmes tәrizi er...
Jerlemes búryn...
Kórem dep seni songhy ret,
Kórden ap qalghan.. kórshi kempirge qaryz el...

Myndardyng bәri mynsayram bolghan myna shaq,
Auqymy tarlar auzymen ghana jýr asap…
Aqyry biz de armangha bir kýn jetermiz,
«Aqyramashtan Nauryzgha deyin» shydasaq…

Boyynnan kórdi el Biyiktik penen Terendi,
Myqty emes Sizden alghandar anau Nobelidi.
Arysta tuyp, Alysqa shapqan tarlanym,
Qalamynmenen sharlay ber býkil әlemdi!

Qazybek Isa

Abai.kz