«Bizding qala – bizding maqtanyshymyz»: Almatyda 5000 aghash otyrghyzylady.

Almatyda 1 nauryz ben 1 sәuir aralyghynda «Taza Qazaqstan» respublikalyq baghdarlamasy ayasynda «Almaty – bizding ortaq ýiimiz» atty auqymdy qalalyq nauqan ótedi. Búl nauqan qala infraqúrylymyn janartu men jaqsartugha, ekologiyalyq mәdeniyetti arttyrugha jәne túrghyndardy qalany damytugha tartugha baghyttalghan.

Suret: almaty.kz saytynan alyndy.

«Qúrmetti túrghyndar! «Almaty – bizding ortaq ýiimiz», al әr ýide tazalyq pen jaylylyq boluy kerek. Árqaysynyzdy ózinen keyin qoqys qaldyrmaugha, tabighatty ayalaugha jәne tazalyq saqtaugha shaqyramyn. Bizding nauqangha atsalysynyzdar! Qalamyz barshagha ýlgi bolsyn! Almatygha degen qamqorlyqtarynyz ben sýiispenshilikteriniz ýshin rahmet!» – dep ýndeu jasady Almaty qalasy әkimining orynbasary Álisher Ábdiqadyrov.

«Almaty – bizding ortaq ýiimiz» nauqany qaladaghy barlyq audandy qamtidy. Chellendj, bayqau, eko-kvest jәne fleshmob siyaqty týrli is-sharagha әrbir almatylyq pen qala qonaghy qatysa alady.

Suret: almaty.kz saytynan alyndy.

Sonday-aq, nauqan barysynda ekologiyalyq aksiyalar ótedi. Olardyng qatarynda jýgiru men qoqys jinaudy biriktiretin plogging, mektep jәne balabaqsha oqushylary arasynda plastik qaqpaqtaryn jinaugha arnalghan «Meyirimdi qaqpaq» bastamasy, qaldyqtardan óner tuyndylaryn jasaugha baghyttalghan «Qoqysty ónerge ainaldyr» bayqauy, plastik bótelkelerdi qayta óndeuge tapsyrugha arnalghan Plastic Reboot, jaramdylyq merzimi ótken dәri-dәrmekterdi jinau jәne taghy basqa is-sharalar bar.

Suret: almaty.kz saytynan alyndy.

«Byltyr bastalghan ekologiyalyq bastamalardy jalghastyryp, qalamyzdy odan әri taza әri jayly etuge talpynamyz. 2024 jyly Almatyda jana kóriktendiru erejeleri bekitilip, 6 mynnan astam kәsipkerlik nysany ýshin kóriktendiru tólqújattary jýiesi engizildi. Qazirgi tanda 4918 tólqújat rәsimdeldi, búl jospardyng 82%-yn qúrap otyr. Tólqújattau irgeles aumaqtargha, onyng ishinde ghimarat qasbetteri, trotuarlar, jasyl aimaqtar jәne basqa da nysandar ýshin jauapkershilikti naqtylaugha mýmkindik beredi», – dedi Almaty qalasy әkimining orynbasary Beybit Shahanov.

Suret: almaty.kz saytynan alyndy.

Nauqan tórt taqyryptyq aptagha bólingen:

• «Taza kósheler» (1–9 nauryz) – ayaldamalar men jol belgilerin tazalau, qoqys jәshikterin ornatu, magistralidardy kórkeytu.
• «Taza sayabaqtar, skverler men taular» (10–16 nauryz) – tabighy aimaqtarda senbilikter ótkizu jәne qoqys jinau sharalary.
• «Taza aulalar» (17–23 nauryz) – «Ýzdik kommunaldyq qyzmetker» bayqauy, qorshaular men kórkeytu elementterin, balalar jәne sport alandaryn boyau (20–29 nauryz aralyghynda).
• «Bizding qala – bizding maqtanyshymyz» (24 nauryz–1 sәuir) – eskertkishterdi kórkeytu jәne jappay aghash otyrghyzu.

Suret: almaty.kz saytynan alyndy.

Nauqan ayasynda qala infraqúrylymyn tolyqtay retke keltiru, 4 mynnan astam aula aumaghyn tazalau, 445 sayabaq pen skverde senbilik ótkizu, ózen jaghalaularyn tazartu, 12 myngha deyin antivandaldyq qoqys jәshikterin ornatu, 600-den astam zansyz ornatylghan nysandardy búzu, sonday-aq 5000 aghash pen búta otyrghyzu josparlanghan.

Tolyq aqparat almaty.kz saytynda jariyalanady.

Abai.kz