Úlybritaniya premier-ministri Starmer jeksenbide (2 nauryz) Úlybritaniya men Fransiya Ukrainamen birlesip soghysty toqtatu turaly beybitshilik kelisim jobasyn әzirleytinin әri dayyn bolghan song AQSh preziydenti Donalid Trampqa úsynatynyn jetkizdi.

Ol «búl – Zelenskiy men Tramp Aq ýide kelisimge kele almay, eki aiyrylghannan keyin dúrys baghytqa jasalghan manyzdy qadam», - dedi.

Starmer búl sózdi Londonda 18 europalyq kóshbasshylardyng qatysuymen Ukraina bitimgershilik kelisimin qayta jandandyru maqsatynda ótken shúghyl sammitten keyin aitty. Onyng sózinshe, Europadaghy odaqtastary óz erkimen Ukrainany qoldau ýshin bas qosty, biraq kez kelgen Putindi auyzdyqtap soghysty toqtatu bitimi Amerikanyng qoldauynsyz jýzege asuy mýmkin emes. Ol sol oiyn talqylau ýshin Tramppen 2 ret kezdeskenin, Makron da sol maqsatta Aq ýige barghanyn, Tramptyng da úzaq beybitshilik ornatudy qalap otyrghanyn jetkizdi.

VVS Starmerdin: «Basqasha aitqanda, biz búl mәselede belsendi bolugha dayyn ózge de Europa elderin qatargha qosuymyz kerek», - degen sózin keltirdi.

Starmer «Europanyng bitimgershilik kýshteri AQSh-tyng kepildigin alghanda ghana, Ukrainanyng beybitshiligi bayandy bolatynyn» taghy da qaytalaghan.

Ol sammitten keyingi baspasóz jiynynda ózderining 4 týrli ortaq kelisimge kelgenin jariyalady:

Birinshi: Ukrainagha әskery kómekti jalghastyru, Reseyge sanksiyany qataytu.

Ekinshi: Kez kelgen úzaq merzimdi beybit kelisimning Ukrainanyng egemendigin men qauipsizdigin qamtamasyz etetin boluy, oghan Ukrainanyng tikeley qatysuy.

Ýshinshi: Kelisimge kelgen jaghdayda Ukrainanyng qorghanys quatyn arttyru, bolashaqta basqynshylyqqa úshyramauyna kepil bolu.

Tórtinshi: «Erikti odaq» qúru arqyly Ukrainanyng kelisimin qorghau әri bayandy boluyna kepil bolu.

London sammiytine qatysqan elder arasynda Úlybritaniya, Germaniya, Fransiya, Daniya, Italiya, Týrkiya jәne NATO men Euroodaq basshylary bar.

Italiya premier-ministri Djordjiya Melony Tramp pen Zelenskiy arasyndaghy janjaldan keyin AQSh, Euroodaq jәne Batys odaqtastary arasynda Ukraina mәselesin talqylau ýshin dereu sammit ótkizuge shaqyrdy.

Melony Londonda Ukrainagha mәselesine baylanysty «Batys elderining alauyz bolmay, birligin saqtauy» «óte manyzdy» ekenin eskertti.

Reuters agenttigining habarlauynsha, jeksenbi kýni Londonda bas qosqan europalyq kóshbasshylar Kiyevti Ukraina taghdyry sheshiletin beybit kelissózderge qatysugha, Ukrainanyng ústanymyn nyghaytugha jәne túraqty beybitshilikti qamtamasyz etu jәne Reseyding jana agressiyasyna tosqauyl qoi ýshin qajetti qauipsizdik kepildikterin beruge qajettining bәrin jasaugha kelisken.

Reuters agenttigining habarlauynsha, NATO bas hatshysy Mark Rutter men Polisha preziydenti Andjey Duda Zelenskiydi Tramppen qatynasyn qayta qalpyna keltiruge ýndegen. Zelenskiy jauap retinde jeke paraqshasynda Amerikany basty odaqtasy retinde sanaytynyn, siyrek metall qoryn birlesip iygeru kelisimine qol qoiydan әlide ýmitti ekenin jazghan.

Alda ótetin Euroodaq kenesining mәjilisinde Europa basshylary Qorghanys qarjysyn kóbeytudi talqylaugha kelisken.

AQSh tarabynan Memleket ister hatshysy Rubio júma kýngi kónilsiz kezdesuden keyin Ukraina tarappen eshqanday baylanys ornatylmaghanyn jetkizgen.

Abai.kz