Ótken sәrsenbi kýni (5 nauryz) Fransiya preziydenti Makron telearnalar arqyly qazirgi әlemdik kýrdeli geosayasy jaghdaygha baylanysty halqyna joldau joldady.

Aldymen Tramp Aq ýige kelgennen keyin, NATO-daghy odaqtastarynyng qauipsizdigin endigәri moynyna almaytynyn, Europa elderine kedendik salyq salamyn degenin, Reseymen qarym-qatynasyn qayta qalpyna keltiruge úmtylyp jatqanyn júrttyng esine salyp, Europanyng qauipsizdigi men túraqty damuy kýshti synaqqa tap bolyp otyrghanyn atap ótti. Ukrainany mysalgha keltirip, Europagha basty qauip Reseyden kelip otyrghanyn naqtylady. Reseyding Ukrainany qangha bóktirgennen syrt, Rumyniya men Moldovadaghy saylaugha aralasqanyn, Fransiyanyng Medesinalyq saqtandyru jýiesine hakkerlik shabuyl jasaghanyn, aqparattyq shabuyldar arqyly Europa halqynyng arasyna iritki salyp otyrghanyn tizip shyqty. Putinning «Minski kelisimin» oryndamaghanyn da tilge tiyek etti. Kremliding el budjetining 40 payyzyn әskery óndiristi damytugha júmsap, taghy da 300 myng әsker jasaqtap, 500 tank, 300 әskery úshaq jasaudy josparlap otyrghanyn jetkizdi. Reseydi Europanyng qauipsizdigine basty qater dep sipattady.

Úzaq merzimdik kauipsizdikti qamtamasyz etudi Ukraina mәselesin sheshuden bastaudy - Ukrainagha әskery kómekti kýsheytip, endi bir jaghynan bitimgerlik kýshterin jiberudi, Sonday-aq, Europanyng ózin qorghanu qabiletin kýsheytudi, Amerika bas tartqan jaghdayda ózin-ózi qorghaugha dayyn boludy algha qoydy. Ózining Europa qauipsizdigin ózderi qamtamasyz etu iydeasyn 2017 jyly ortagha qoyghanyn, arada 8 jyl ótkende búghan qarsy bolyp kelgen Germaniya men Daniya da qoldaghanyn jetkizdi. Sonynda ol әlemdik iri yadrolyq derjava retinde Europa elderine qorghan bolugha sheshim qabyldaghanyn, yadrolyq qarudyng kilti ózderinde qala beretinin aityp, halyqty bolashaq úshin biriguge shaqyrdy.

Makronnyng joldauy Europada qoldau tauyp, әlemning nazaryn audarghanymen Reseyde erekshe qarsylyq tudyrdy. Birinshi bolyp Medvedov Makronnyng preziydenttik merzimining eki jyldan keyin bitetinin menzep: «Ol eshqanday qauip tudyra almaydy. 2027 jyly 14 mayda mansabynan ketedi. El nazarynan mәngilikke joghalady, eshkim ony izdemeydi», - dedi. Peskov pen Lavrov ta Makrondy: «Beybitshilikti qoldaytyn adamgha úqsamaydy, Europa elderin júmyldyryp Reseyge yadrolyq qauip tóndirmekshi», - dep aiyptady. Putin de kezindegi Napoleonning Reseyge shabuylyn eske alyp, «jenilispen ayaqtalady» dedi.

Qazaq júrty ýshin tosyn estilgen Imanghaly Tasmaghanbetovting mәlimdemesi boldy.

«Ukrainada Europanyng bitimger әskerin ornalastyru aimaqtaghy jaghdaydy qiyndatyp jiberui mýmkin», - dedi Újymdyq qauipsizdik sharty úiymynyng (ÚQShÚ) Bas hatshysy Imanghaly Tasmaghambetov.

«Múnday qater tuynday qalsa, ÚQShÚ úiymnyng jarghylyq qújattary ayasynda, úiymgha mýshe memleketterding barlyghymen kelise otyryp týrli kómek núsqalaryn úsynugha dayyn bolady», - dedi Qazaqctan atynan saylanghan úiymnyng bas hatshysy.

Tasmaghambetov súhbatynda Fransiyanyng Europa elderine yadrolyq qorghan bolu bastamasyn «Fransiyanyng sayasy biyligining Europadaghy ózining pozisiyasyn nyghaytqysy  keletin әreketi» dep baghalady.

Keshe ótken (6 nauryz) Europa komisiyasynyng shúghyl otyrysynda Euroodaqqa mýshe 27 memleket Europanyng qauipsizdigin ortaq qamtamasyz etu, Ukrainagha әskery kómekti kýsheytu ýshin «800 milliard euro bólu» jobasyn bir auyzdan maqúldady. Vengriya basshysy Orban әdettegidey Ukraina mәselesine baylanysty kelispeushiligin bildirgen.

Abai.kz