Mәjilis tóraghasy Erlan Qoshanov bastaghan Parlament delegasiyasy Volgogradta «Úly múra – ortaq bolashaq» atty halyqaralyq forumgha qatysty. Is-shara Úly Otan soghysyndaghy Jenisting 80 jyldyghyna arnaldy.

Forumgha Qytay, Qyrghyzstan, Ózbekstan, Tәjikstan, Týrikmenstan, Ázerbayjan, Armeniya, Vietnam, Kuba, Mongholiya, Serbiya, Slovakiya jәne basqa da elderding Parlament delegasiyalary qatysty.

Suretti týsirgen – T.Tanybaev.

Qorytyndy sessiya Resey Federasiyasynyng Preziydenti Vladimir Putin men Belarusi Respublikasynyng Preziydenti Aleksandr Lukashenkonyng qatysuymen ótti.

Forumnyng ashyluynda sóz sóilegen Erlan Qoshanov Ekinshi dýniyejýzilik soghys adamzat shejiresindegi eng qayghyly oqighanyng biri retinde kópúltty Qazaqstannyng ortaq tarihynyng bir bóligi bolyp qalghanyn atap ótti.

Suretti týsirgen – T.Tanybaev.

– Biz osynau qasiyetti jerde Úly Otan soghysyndaghy Jenisting 80 jyldyghy qarsanynda jinalyp otyrmyz. Búl Jenis – dýniyejýzilik manyzy zor tarihy oqigha. Soghysty, qaharmandardy, olardyng erligin mәngi este saqtau – bizding qasiyetti boryshymyz. Osy orayda Qazaqstan Respublikasynyng Preziydenti Qasym-Jomart Toqaevtyng «Qazaqstan әrqashan tarihy shyndyqtyng jәne adamzat jylnamasyndaghy eng qandy qasap turaly shynayy kózqarastyng saqtalghanyn qalaydy» degen sózine nazar audarghym keledi, – dedi Mәjilis spiykeri.

Ol sonday-aq Úly Jenisting 80 jyldyghyna oray Qazaqstan boyynsha eki myngha juyq eske alu, ghylymiy-zertteu, aghartushylyq jәne basqa da is-sharalar ótkiziletinin aitty. Astanadaghy әskery sheru eng auqymdy oqigha bolmaq. Memleket basshysynyng bastamasymen elimizding týkpir-týkpirindegi eldi mekenderde bes jýzden astam kóshege soghysqa qatysqan jergilikti qaharmandardyng esimi beriledi.

Suretti týsirgen – T.Tanybaev.

Erlan Qoshanov soghys jyldarynda Qazaqstanda barlyq maydanda shayqasqan ondaghan әskery bólim qúrylghanyn aitty. Jalpy maydangha 1,7 millionnan astam qazaqstandyq attandy. Búl sol kezdegi respublika halqynyng tórtten bir bóligi bolatyn. Olardyng jartysynan astamy úrys alanynan oralmady. 500 qazaqstandyq Kenes Odaghynyng Batyry ataghyn aldy, 100-den astamy Danq ordenining tolyq kavaleri boldy. Al tórteui eki mәrte Kenes Odaghynyng Batyry ataghyn iyelendi.

Mәjilis spiykeri Stalingrad maydanynda – Ekinshi dýniyejýzilik soghys tarihyndaghy eng iri әri qantógisti úrystardyng birinde ýsh jýz mynnan astam qazaqstandyq jauynger erlikpen shayqasqanyn eske saldy. Solardyng tórteui – Núrken Ábdirov, Qarsybay Sypataev, Timofey Pozolotin jәne Ghayaz Ramaev Kenes Odaghynyng Batyry ataghyna ie boldy.

Suretti týsirgen – T.Tanybaev.

Sapar barysynda Mәjilis delegasiyasy Mamaev qorghanyndaghy eske alu is-sharalaryna qatysty. Múnda deputattar Stalingrad qorghanysy kezinde erlikpen shayqasqan qazaqstandyqtargha arnalghan eskertkishke jәne 1942 jyly jeltoqsanda 23 jasynda shayqasta erlikpen qaza tapqan Kenes Odaghynyng Batyry, qazaqstandyq әskery úshqysh Núrken Ábdirovting eskertkish taqtasyna gýl shoqtaryn qoydy.

«Stalingrad shayqasy» muzey-panoramasyn aralau kezinde Erlan Qoshanov Mәjilis atynan muzeyge Núrken Ábdirovting tughan jeri Qaraghandyda ornatylghan eskertkishining shaghyn kóshirmesin syigha tartty.

Sonday-aq Qazaqstan deputattary forumnyng panelidik sessiyalaryna jәne Batyrlar alleyasyndaghy Mәngilik alau jaghu rәsimine qatysty.

Abai.kz