Qazaqstan Respublikasy Últtyq banki bazalyq mólsherlemeni jyldyq 18% dengeyinde ±1 payyzdyq tarmaq dәlizimen saqtau turaly sheshim qabyldady, dep habarlaydy BAQ.KZ tilshisi.

Últtyq bankting Aqsha-kredit sayasaty komiytetining sheshimine sәikes, bazalyq mólsherleme ózgerissiz qaldy. Búl sheshim inflyasiyalyq qysymnyng әli de joghary boluymen týsindirildi.

2026 jylghy nauryzda jyldyq inflyasiya 11%-gha deyin bayaulady (aqpanda – 11,7%). Azyq-týlik inflyasiyasy 11,7%-gha, azyq-týlikke jatpaytyn tauarlar – 11,3%-gha, al qyzmetter inflyasiyasy 10,0%-gha deyin tómendegen.

Inflyasiyanyng bayaulauyna qatang aqsha-kredit sayasaty, tenge baghamynyng túraqtylyghy, tútynushylyq súranystyng birqalyptanuy jәne Ýkimetting inflyasiyagha qarsy sharalary әser etti. Sonymen qatar, kommunaldyq qyzmetter men janar-jagharmay baghasyna engizilgen moratoriy de yqpal etti.

Aylyq inflyasiya da tómendep, nauryzda 0,6%-dy qúrady (aqpanda – 1,1%). Degenmen, bazalyq inflyasiya dengeyi әli de 5% maqsatty kórsetkishten joghary qalyp otyr.

Halyqtyng inflyasiyalyq kýtuleri joghary dengeyde saqtalghan – 14,6%. Al naryq qatysushylary 2026 jyly inflyasiyany 10% dengeyinde boljaydy.

Syrtqy faktorlar da qysym jasap otyr. Tayau Shyghystaghy geosayasy jaghdaydyng shiyelenisui energiya, azyq-týlik jәne tynaytqysh baghasynyng ósuine әser etip, importtyq inflyasiya tәuekelderin arttyrdy.

Sonymen qatar, retteletin tarifterding ósui, salyq ózgeristeri jәne kvazifiskaldyq sayasat inflyasiyagha qosymsha qysym týsirui mýmkin.

Aldyn ala derekter boyynsha, 2026 jyldyng alghashqy toqsanynda Qazaqstan ekonomikasy 3,0%-gha ósti. Ósim negizinen qúrylys, kólik, óndeu ónerkәsibi jәne sauda salalaryndaghy belsendilik esebinen qamtamasyz etilgen.

Últtyq bank qazirgi dezinflyasiyalyq ýrdisti saqtau ýshin qatang aqsha-kredit sharttaryn jalghastyratynyn mәlimdedi. Sonymen birge, eger inflyasiya bayaulau ýrdisi saqtalsa, aldaghy uaqytta bazalyq mólsherlemeni tómendetu mýmkindigi qarastyryluy mýmkin.

Kelesi sheshim 2026 jylghy 5 mausymda jariyalanady.