Su resurstary jәne irrigasiya ministrligi Qazaqstannyng saghalary men kólderine shamamen 16 mlrd tekshe metr erigen qar suyn jiberdi.

Byltyrghy qazan aiynan bastap Su resurstary jәne irrigasiya ministrligi su az bolghan kezenderde toltyrylmaghan saghalar men kólderge 15,7 mlrd tekshe metr erigen qar suyn jiberdi. Vedomstvo basshysy Núrjan Núrjigitov Ýkimet otyrysyna qatysyp, elimizdegi suaru kezeni turaly aitty.

Mәselen, Úlytau oblysyndaghy Kengir su qoymasynan jәne Qaraghandy oblysyndaghy Jezdi su qoymasynan 331 mln tekshe metr su jiberilip, Qyzylorda oblysyndaghy Telikól kólder jýiesine baghyttaldy.

Vegetasiyalyq kezende Jambyl oblysyndaghy Tasótkel su qoymasynan 1,5 mlrd tekshe metr su jiberildi. Búl su Týrkistan oblysy Sozaq audany aumaghyna deyin ótip, songhy 10 jylda bayqalmaghan 100 shaqyrym aumaqqa jetken.

Pavlodar oblysyndaghy Ertis ózenining jayylmasyna tabighatty qorghau ýshin Abay oblysyndaghy Shýlbi su qoymasynan 6,3 mlrd tekshe metrden astam su jiberildi. Búl júmystar Ertis ózenining jayylmasyndaghy flora men faunanyng biologiyalyq ónimdiligi men tirshilik etu ortasyn saqtaugha baghyttalghan.

2025 jyldyng basynan býginge deyin Qapshaghay su qoymasynan Balqash kóline 3,8 mlrd tekshe metr su jiberildi. Bir jyl ishinde Balqash kólining dengeyi Baltyq jýiesi boyynsha 341,52 metrden 341,64 metrge kóterilip, 12 santiymetrge ósti. Al su kólemi 2 mlrd tekshe metrge artty.

Qazirgi uaqytta Almaty jәne Jetisu oblystaryndaghy su qoymalary 99%-gha toldy. Búl byltyrghy dengeymen shamalas. Jambyl oblysyndaghy su qoymalary 90,3%-gha toldy. Búl bir jyl búrynghydan 43 mln tekshe metrge artyq.

Shu-Talas su sharuashylyghy komissiyasynyng 35-otyrysynda Su resurstary jәne irrigasiya ministrligi qyrghyzstandyq әriptesterimen elimizge jetkiziletin sudyng kólemi jóninde kelisimge kelgenin aita keteyik. Suaru mausymynda Shu ózeni arqyly 180 mln tekshe metr su, Talas ózeni arqyly 400 mln tekshe metr su keledi dep josparlanyp otyr.

Búghan deyin Su resurstary jәne irrigasiya ministrligi Tәjikstan, Týrikmenstan jәne Ózbekstan elderining su salasyndaghy mekemelerimen kelisimge keldi. Nәtiyjesinde suaru mausymynda Týrkistan oblysyndaghy Shardara su qoymasyna Syrdariya ózeni arqyly 3,7 mlrd tekshe metr su baghyttalatyn boldy.

Vegetasiyalyq kezende Shardara su qoymasyna Syrdariya arqyly 12,6 mlrd tekshe metr su kelip týsti. Búl bastapqy boljamnan 1,7 mlrd tekshe metrge artyq.

Jaqyn arada Qazaqstan, Tәjikstan jәne Ózbekstannyng su sharuashylyghy mekemeleri «Bahry Tochiyk» su qoymasynan biylghy mausymnan tamyz aiyna deyingi kezende sudy bólu mәselesin talqylaydy. Vegetasiyalyq kezenning sharyqtau sheginde Qazaqstangha 491 mln tekshe metr su jetkiziledi dep kýtilip otyr.

Suaru mausymynyng túraqty ótui ýshin ministrlik 627 km irrigasiyalyq kanaldy mehanikalyq jolmen tazartyp, 488 gidrotehnikalyq nysandy jóndeu júmystaryn jýrgizdi. Jalpy 517 gidrotehnikalyq qúrylymdy jóndep, 2000 km-den astam kanaldy tazartu josparlanghan. Byltyr 1147,7 km kanal tazartylghan bolatyn.

Búl júmystardy jýzege asyru maqsatynda ministrlik «Qazsushar» filialdary ýshin 757 arnayy tehnika satyp aludy bastady. Qazirgi tanda 303 tehnika jetkizilip, olar kanaldardy mehanikalalyq jolmen tazartu jәne gidrotehnikalyq nysandardy jóndeu júmystaryna belsendi qoldanylyp jatyr.

«Jyl sayyn suarugha paydalanylatyn 12 mlrd tekshe metr sudyng 98%-yn elimizding bes ontýstik óniri - Almaty, Jambyl, Týrkistan, Qyzylorda jәne Jetisu oblystary tútynady. Su shyghynyn azaytu ýshin biz su ýnemdeytin tehnologiyalardy engizudi yntalandyratyn sharalar qabyldadyq. Atap aitqanda, múnday tehnologiyalardy ornatugha beriletin subsidiyalar jәne olardy qoldanatyn sharualargha sugha beriletin subsidiyalar qarastyrylghan. Sonymen qatar ósiriletin daqyl týrine jәne olardyng sudy qanshalyqty tútynatynyna qaray suarmaly sugha saralanghan tarif engizu mәselesi qaralyp jatyr»,  – dedi Su resurstary jәne irrigasiya ministri Núrjan Núrjigitov.

Abai.kz