Su resurstary jәne irrigasiya ministrligi su salasyn damytugha 12 mln dollardan astam grant tartty.

Su resurstary jәne irrigasiya ministrligi qúrylghannan beri su salasyn damytugha 12 mln dollardan astam grant tartty.

Mysaly, Fransiyanyng damu agenttigi Balqash kólin saqtap qalugha arnalghan master-jospardy dayyndaugha 1,35 mln euro kóleminde grant bóldi. Al «Qazaqmys» korporasiyasy Balqash kólining ekojýiesin qorghau ýshin 5 mln dollar bóledi.

Japoniya Ýkimetimen bógetterdi keshendi basqaru arqyly Qazaqstandaghy su tasqynyna qarsy kýres sharalaryn jaqsartu ýshin shamamen 2 mln AQSh dollaryn beru turaly kelisim bar.

Islam damu banki «Qazsushar» RMK-ny tehnikalyq jabdyqtaugha, Qazaq su sharuashylyghy ghylymiy-zertteu institutynyng su jәne ózen basseynderining mәselelerin zertteu men baghalauyna, sonday-aq Su resurstarynyng Aqparattyq-taldau ortalyghy ýshin erte әreket etu jýielerin engizudi baghalaugha 3,5 mln dollar bóledi.

«Grant qarajaty su sharuashylyghynyng týrli salalarynda iri jobalardy әzirleuge júmsalady. Sonymen qatar sheteldik seriktester men halyqaralyq qarjy úiymdary da sapaly taldau men saraptamany jii úsynady. Granttardan bólek, investisiya tartu boyynsha belsendi júmys jýrgizilip jatyr. Býginde birqatar iri qazaqstandyq jәne halyqaralyq kompaniyamen kelisimder bar», – dedi Su resurstary jәne irrigasiya viyse-ministri Erbolat Ibrayhanov.

Abai.kz