سۋ رەسۋرستارى جانە يرريگاتسيا مينيسترلىگى سۋ سالاسىن دامىتۋعا 12 ملن دوللاردان استام گرانت تارتتى.

سۋ رەسۋرستارى جانە يرريگاتسيا مينيسترلىگى قۇرىلعاننان بەرى سۋ سالاسىن دامىتۋعا 12 ملن دوللاردان استام گرانت تارتتى.

مىسالى، فرانتسيانىڭ دامۋ اگەنتتىگى بالقاش كولىن ساقتاپ قالۋعا ارنالعان ماستەر-جوسپاردى دايىنداۋعا 1,35 ملن ەۋرو كولەمىندە گرانت ءبولدى. ال «قازاقمىس» كورپوراتسياسى بالقاش كولىنىڭ ەكوجۇيەسىن قورعاۋ ءۇشىن 5 ملن دوللار بولەدى.

جاپونيا ۇكىمەتىمەن بوگەتتەردى كەشەندى باسقارۋ ارقىلى قازاقستانداعى سۋ تاسقىنىنا قارسى كۇرەس شارالارىن جاقسارتۋ ءۇشىن شامامەن 2 ملن اقش دوللارىن بەرۋ تۋرالى كەلىسىم بار.

يسلام دامۋ بانكى «قازسۋشار» رمك-نى تەحنيكالىق جابدىقتاۋعا، قازاق سۋ شارۋاشىلىعى عىلىمي-زەرتتەۋ ينستيتۋتىنىڭ سۋ جانە وزەن باسسەيندەرىنىڭ ماسەلەلەرىن زەرتتەۋ مەن باعالاۋىنا، سونداي-اق سۋ رەسۋرستارىنىڭ اقپاراتتىق-تالداۋ ورتالىعى ءۇشىن ەرتە ارەكەت ەتۋ جۇيەلەرىن ەنگىزۋدى باعالاۋعا 3,5 ملن دوللار بولەدى.

«گرانت قاراجاتى سۋ شارۋاشىلىعىنىڭ ءتۇرلى سالالارىندا ءىرى جوبالاردى ازىرلەۋگە جۇمسالادى. سونىمەن قاتار شەتەلدىك سەرىكتەستەر مەن حالىقارالىق قارجى ۇيىمدارى دا ساپالى تالداۋ مەن ساراپتامانى ءجيى ۇسىنادى. گرانتتاردان بولەك، ينۆەستيتسيا تارتۋ بويىنشا بەلسەندى جۇمىس جۇرگىزىلىپ جاتىر. بۇگىندە بىرقاتار ءىرى قازاقستاندىق جانە حالىقارالىق كومپانيامەن كەلىسىمدەر بار»، – دەدى سۋ رەسۋرستارى جانە يرريگاتسيا ۆيتسە-ءمينيسترى ەربولات يبرايحانوۆ.

Abai.kz