Qasym-Jomart Toqaev elordadaghy "Atameken" etnomemorialdy kesheninde ótken Memlekettik tu kóteru rәsimine qatysty. Qúrmet qarauylynyng bastyghy saltanatty is-sharagha dayyndyghy turaly Preziydentke raport berdi. Sodan keyin elimizding әnúrany shyrqalyp, kók bayraghymyz kóterildi.

Qasym-Jomart Toqaev jiyngha qatysushylardy Memlekettik rәmizder kýnimen qúttyqtap, búl elimiz ýshin mәn-manyzy airyqsha mereke ekenine toqtaldy.

«Últ rәmizderi – Tәuelsizdigimizding kiyeli boytúmary. Eltanba, Tu jәne Ánúran – myzghymas memlekettigimizding belgisi. Qasterli nyshandarymyz Qazaqstannyng egemen el, enseli júrt ekenin jer jýzine әigileydi. Bayraghy biyik elding ruhy asqaq bolady. Sondyqtan biz osy meyramgha oray jyl sayyn kók Tuymyzdy biyikke kóteremiz. Babalarymyz "Tuyndy tik ústa!" dep ósiyet qaldyrdy. Osy amanatqa adal bolu – barshagha ortaq paryz. Býginde kók bayraghymyz qasterli Otanymyz – Qazaqstannyng beybit aspanynda jelbirep túr. Ony keyingi úrpaqqa tabystau – qasiyetti borysh», – dedi Preziydent.

Memleket basshysynyng aituynsha, qazir kók Tuymyzdyng bedelin býkil әlem moyyndaydy. Bayraghymyz Birikken Últtar Úiymynyng tórinde túr. Ony alipinisterimiz jer sharyndaghy eng biyik shyndargha kóterdi. Sportshylarymyz talay mәrte jenis túghyryna shyghardy.

«Biyl jauyngerlerimiz bitimgerlik missiyasyn kók bayraqtyng astynda túnghysh ret derbes oryndap keldi. Azamattarymyzdyn, memleketimizding osynday jetistikteri Qazaqstannyng quatty әri jasampaz el ekenin kórsetedi. Memlekettik rәmizder – el maqtanyshy. Eltanbamyz, kók Tuymyz ben Ánúranymyz әr azamattyng jýreginen erekshe oryn alady. Búl – naghyz otanshyldyq belgisi. Últ nyshandary – halqymyzdyng bolmys-bitimining ainasy, jarqyn bolashaghymyzdyng kepili», – dep jalghady sózin Memleket basshysy.

Sonymen birge memlekettiligimizding berik tiregi – Ata Zanymyzdyng qabyldanghanyna 30 jyl tolatynyn eske saldy.

«Negizgi zang bizding qogham arqa sýieytin basty qaghidattardan túrady. Konstitusiya arqyly zang men tәrtipting ýstemdigin qamtamasyz etip, auqymdy ózgeristerdi kezen-kezenimen qolgha alyp jatyrmyz. Qazaqstannyng ósip-órkendeuine әrqaysysymyz ýles qosyp kelemiz. Bizdi kók pasportymyz, reformalardyng jasampaz quatyna degen ortaq maqsat pen myzghymas senim biriktiredi. Qazaqta "Tuy birding – týbi bir, joly birding – jýgi bir" degen sóz bar. Elimizdegi týrli etnos ókilderi kók bayraqtyng astynda tútasyp, tatu-tәtti ómir sýrip jatyr. Bizding mýddemiz de, jolymyz da, múratymyz da – ortaq. Búl – Ádiletti, Qauipsiz әri Taza Qazaqstandy qúru. Osy bereke-birligimizdi saqtap, nyghayta bersek, kez kelgen biyikti baghyndyramyz», – dedi Qasym-Jomart Toqaev.

Sodan keyin Preziydent oquyn ýzdik bitirgen kursanttargha tu týbinde shen tapsyru jaqsy dәstýrge ainalghanyn aita kelip, jas sarbazdargha sóz arnady.

«Kók bayraq jauyngerlerge airyqsha kýsh-jiger beredi, otanshyldyq ruhyn kóteredi. Osynday sәtterde әr azamat tughan elge qyzmet etu perzenttik paryzy ekenin tereng úghynady. "Túlpar minip, tu alghan" jaujýrek batyrlardyng úrpaghy ekenin sezinedi. Otan kýzetinde túrghan úlandarymyzdy bahadýr babalardyng býgingi izbasary deuge bolady. Qasterli Tuymyzdy әrdayym tik ústanyzdar! Men búghan kәmil senemin! Bayraghymyz biyikte jelbiresin! Elimiz aman, júrtymyz tynysh bolsyn!», – dedi Memleket basshysy.

Tu kóteru rәsimine memlekettik organdardyng basshylary, Parlament deputattary, Últtyq qúryltay mýsheleri, "Halyq qaharmany" men "Qazaqstannyng Enbek Eri" ataghynyng iyegerleri, joghary әskery oqu oryndarynyng kursanttary men olardyng tuystary qatysty.

Abai.kz