Qasym-Jomart Kemelúly Toqaevtyng aituynsha, әskery qyzmetshilerding ómiri men densaulyghyn saqtau – barlyq dengeydegi qolbasshylyq júmysynyng basym baghyty boluy tiyis.

Áskery qyzmet qauipsizdik, abyroy, tәrtip pen әdilet qaghidattaryna negizdelui qajet.

Osy qaghidalardy basshylyqqa ala otyryp, Bas әskery prokuraturagha Qaruly Kýshtermen, basqa da әskerler men әskery qúrylymdarmen birlesip eki jana jobany engizudi tapsyrdym:

• «Áskerdegi zang jәne tәrtip»,

• «Sifrlyq profilaktika».

Maqsat – әrbir әskery qyzmetshi qorghalghan, al komandir senim men qoldaugha ie bolatyn jýieni qalyptastyru.

Eng aldymen әskery bólimderde zamanauy IT-jýielermen beynebaqylau ornatylady. Jasandy intellekt tehnologiyalaryn engizu arqyly jaghdaydy avtomatty týrde taldap, jeke qúramnyng qauipsizdik dengeyin arttyru kózdelude.

Komandirlerdi (dalalyq jattyghularda, atys kezinde, oqu-jattyghularda) jәne qarauyldaghy jәne jauyngerlik kezekshiliktegimerzimdi qyzmettegi sarbazdardy beynejetondarmen jaraqtandyru josparlanuda.

Búl qyzmetti ótkeru barysynda naqty әri ýzdiksiz baqylau jýrgizuge mýmkindik beredi. Qazirding ózinde http://armia.kz saytynda sifrlyq kenesshi iske qosyldy. Sonymen qatar jana baylanys arnalary engizilude — әrbir sarbaz qayda jýginu kerektigin bilip, oghan nazar audarghanyna senimdi boluy tiyis.

Sonday-aq, ashyqtyqty qamtamasyz etu maqsatynda әskery shaqyru jәne medisinalyq komissiya otyrystaryn audio-beyne tirkeu, hattamalardy sifrlandyru jәne olardy shaqyrylushylardyng ózderine qashyqtan qoljetimdi etu mәseleleri pysyqtaluda.

Búl — medisinalyq qarsy kórsetilimderi bar azamattardy merzimdi qyzmetke shaqyrudyng aldyn alady. Búl jәne ózge de sharalar — әskery qyzmet atqaru kezinde sarbazdardyng qauipsizdigin qamtamasyz etuge baghyttalghan tiyimdi tetikter bola alady.

Berik Asylov, QR Bas Prokurory

Abai.kz