Memleket basshysynyng memlekettik nagradalar tizimine «Shәmshi Qaldayaqov» medali men «Qazaqstannyng enbek sinirgen suretshisi» qúrmetti ataghyn engizu turaly sheshimi - elimizding mәdeny ómirindegi asa manyzdy, kópten kýtken oqigha.

Búl - tek jana marapattyng payda boluy emes.

Búl - últtyq beyneleu ónerine, suretshi enbegine jәne onyng halyqtyng tarihy jady men ruhany bolmysyn qalyptastyrudaghy ornyna berilgen memlekettik bagha.

Keskindeme, grafika, mýsin - bir sәttik әser ýshin jasalatyn óner emes. Teatr qoyylymy bir keshte ótedi, konsert bir kýnde tyndalady. Al kórkem tuyndy últtyng uaqytpen tildesetin jady bolyp, ondaghan, jýzdegen jyldargha qalady. Sondyqtan suretshini qoldau - jeke adamgha ghana jasalghan qamqorlyq emes, últtyq ruhany qorgha salynghan investisiya.

Men búl mәseleni tek suretshi retinde emes, ústaz әri ónertanushy retinde de talay ret kóterip keldim. Óitkeni suretshining enbegi kóbine kórmede ghana kórinedi. Al sol kórmege deyingi jol - jyldar boyghy izdenis, material izdeu, sheberhana jaldau, shәkirt tәrbiyeleu, ýnsiz enbek.

Suretshi qauymy úzaq uaqyttan beri kәsiby mәrtebe, shygharmashylyq kenistik, qoljetimdi kórme zaldary, memlekettik satyp aludyng ashyqtyghy jәne jas avtorlardy qoldau mәselelerin aityp keledi. Búl - bir adamnyng emes, tútas kәsiby ortanyng ýni.

Sheberhana suretshi ýshin jay ghana bólme emes - shygharmashylyqtyng tynysy.

Kórme zaly jay ghana qabyrgha emes - avtor men halyqtyng arasyndaghy kópir.

Al enbekti memlekettik dengeyde moyyndau - ataq qana emes, óner adamyna beriletin senim.

Osy qoghamdyq súranysty estip, mәdeniyet salasynyng mәselelerin ashyq kýn tәrtibine shygharyp, shygharmashylyq industriyany damytugha baghyttalghan zannamalyq bastamalardy qoldaghan Mәdeniyet jәne aqparat ministri Aida Ghalymqyzy Balaevanyng enbegin erekshe atap ótkim keledi.

Ministrding mәdeniyet qayratkerlerimen tikeley kezdesui, kәsiby ortanyng pikirine qúlaq asuy, tarihiy-mәdeny múrany saqtau men óner adamdarynyng enbegin baghalaudy memlekettik sayasattyng manyzdy baghytyna ainaldyruy - býgin naqty nәtiyjesin berip otyr.

Búl rette Memleket basshysy Qasym-Jomart Kemelúly Toqaevtyng mәdeniyetke degen kóregen kózqarasy men jýieli qoldauy airyqsha mәnge iye. Mәdeniyet pen tarihy múrany saqtau memlekettik dengeydegi basymdyq retinde tanylyp, ony naqty sheshimdermen bekitu - elding ruhany bolashaghyna jasalghan qadam.

Áriptesterimiz de oryndy úsynystar aityp otyr: suretshi mәrtebesin, kәsiby enbek jaghdayyn jәne әleumettik kepildikterin arnayy әri tolyq aiqyndaytyn jýieli tetikter qajet; «Halyq suretshisi» ataghyn qayta janghyrtu mәselesi de kýn tәrtibinde túruy tiyis; jas avtorlargha sheberhana, kórme mýmkindigi jәne әdil kәsiby qoldau qajet.

Búl úsynystar býgingi quanyshqa kólenke týsirmeydi. Kerisinshe, «Qazaqstannyng enbek sinirgen suretshisi» ataghy mәdeny sayasattaghy ýlken, jýieli ózgeristerding bastauy bolaryna senim bildiredi.

Búl ataq suretshige, grafikke, mýsinshige jәne beyneleu ónerining barlyq ókilderine:

«Sening enbeging memleketke kerek. Sening ónering halyqqa qajet. Sen qaldyrghan múra - elding ruhany baylyghy», degen senim beredi.

Býgingi tarihy sheshim ýshin Memleket basshysy Qasym-Jomart Kemelúly Toqaevqa jәne osy baghytta tabandy enbek etip jýrgen Mәdeniyet jәne aqparat ministri Aida Ghalymqyzy Balaevagha suretshi qauymy atynan shynayy rizashylyghymdy bildiremin.

Búl bastama «Qazaqstannyng enbek sinirgen suretshisi» ataghymen toqtap qalmay, suretshi mәrtebesin, shygharmashylyq kenistigin jәne últtyq kórkem múrany saqtaudyng tútas jýiesin qalyptastyrugha jol ashsyn.

Óner iyesin moyyndau - últtyng ózin moyyndauy.

Ónerdi qoldau - Qazaqstannyng ruhany bolashaghyn qoldau.

Toqqoja Qojaghúlov,

suretshi, ústaz, ghalym

Abai.kz