اسكەردەگى ءتارتىپ – ادامعا قۇرمەتتەن باستالادى!
قاسىم-جومارت كەمەلۇلى توقاەۆتىڭ ايتۋىنشا، اسكەري قىزمەتشىلەردىڭ ءومىرى مەن دەنساۋلىعىن ساقتاۋ – بارلىق دەڭگەيدەگى قولباسشىلىق جۇمىسىنىڭ باسىم باعىتى بولۋى ءتيىس.
اسكەري قىزمەت قاۋىپسىزدىك، ابىروي، ءتارتىپ پەن ادىلەت قاعيداتتارىنا نەگىزدەلۋى قاجەت.
وسى قاعيدالاردى باسشىلىققا الا وتىرىپ، باس اسكەري پروكۋراتۋراعا قارۋلى كۇشتەرمەن، باسقا دا اسكەرلەر مەن اسكەري قۇرىلىمدارمەن بىرلەسىپ ەكى جاڭا جوبانى ەنگىزۋدى تاپسىردىم:
• «اسكەردەگى زاڭ جانە ءتارتىپ»،
• «تسيفرلىق پروفيلاكتيكا».
ماقسات – ءاربىر اسكەري قىزمەتشى قورعالعان، ال كوماندير سەنىم مەن قولداۋعا يە بولاتىن جۇيەنى قالىپتاستىرۋ.
ەڭ الدىمەن اسكەري بولىمدەردە زاماناۋي IT-جۇيەلەرمەن بەينەباقىلاۋ ورناتىلادى. جاساندى ينتەللەكت تەحنولوگيالارىن ەنگىزۋ ارقىلى جاعدايدى اۆتوماتتى تۇردە تالداپ، جەكە قۇرامنىڭ قاۋىپسىزدىك دەڭگەيىن ارتتىرۋ كوزدەلۋدە.
كومانديرلەردى (دالالىق جاتتىعۋلاردا، اتىس كەزىندە، وقۋ-جاتتىعۋلاردا) جانە قاراۋىلداعى جانە جاۋىنگەرلىك كەزەكشىلىكتەگىمەرزىمدى قىزمەتتەگى ساربازداردى بەينەجەتوندارمەن جاراقتاندىرۋ جوسپارلانۋدا.
بۇل قىزمەتتى وتكەرۋ بارىسىندا ناقتى ءارى ۇزدىكسىز باقىلاۋ جۇرگىزۋگە مۇمكىندىك بەرەدى. قازىردىڭ وزىندە armia.kz سايتىندا تسيفرلىق كەڭەسشى ىسكە قوسىلدى. سونىمەن قاتار جاڭا بايلانىس ارنالارى ەنگىزىلۋدە — ءاربىر سارباز قايدا جۇگىنۋ كەرەكتىگىن ءبىلىپ، وعان نازار اۋدارعانىنا سەنىمدى بولۋى ءتيىس.
سونداي-اق، اشىقتىقتى قامتاماسىز ەتۋ ماقساتىندا اسكەري شاقىرۋ جانە مەديتسينالىق كوميسسيا وتىرىستارىن اۋديو-بەينە تىركەۋ، حاتتامالاردى تسيفرلاندىرۋ جانە ولاردى شاقىرىلۋشىلاردىڭ وزدەرىنە قاشىقتان قولجەتىمدى ەتۋ ماسەلەلەرى پىسىقتالۋدا.
بۇل — مەديتسينالىق قارسى كورسەتىلىمدەرى بار ازاماتتاردى مەرزىمدى قىزمەتكە شاقىرۋدىڭ الدىن الادى. بۇل جانە وزگە دە شارالار — اسكەري قىزمەت اتقارۋ كەزىندە ساربازداردىڭ قاۋىپسىزدىگىن قامتاماسىز ەتۋگە باعىتتالعان ءتيىمدى تەتىكتەر بولا الادى.
بەرىك اسىلوۆ، قر باس پروكۋرورى
Abai.kz
