Almatyda 18-19 tamyz kýnderi Týrki memleketteri úiymynyng (TMÚ) IV Halyqaralyq jastar festivali ótip jatyr.

Is-sharagha Týrki memleketteri úiymyna mýshe elder – Qazaqstan, Ázerbayjan, Qyrghyzstan, Týrkiya jәne Ózbekstannan delegattar qatysuda. Festivali ayasynda jastar sayasaty, kәsipkerlik, azamattyq belsendilik jәne әleumettik bastamalardy damytu baghyttarynda seminalar úiymdastyrylyp, jas kóshbasshylar men kәsipkerler bas qosady.

Jiynnyng resmy ashyluy barysynda Almaty qalasyna «2025 jylghy Týrki әlemining jastar astanasy» mәrtebesi berildi. Saltanatty sharagha Memleket basshysy Qasym-Jomart Toqaev arnayy qúttyqtau hatyn joldady. Ony Qazaqstan Respublikasynyng Mәdeniyet jәne aqparat ministri Aida Balaeva oqyp berdi.

«Almaty – azattyghymyzdyng altyn besigi, jasampaz jastardyng qútty mekeni. Órkeniyetimizding órisin keneytuge ólsheusiz ýles qosqan kóptegen úly túlghalarymyz osy qalada ósip-óngen. Shyn mәninde, tól mәdeniyetimizding temirqazyghyna ainalghan shejireli shahar qazaq elining ghana emes, týrki memleketterining de ruhany ordasy sanalady.

Býgin asqaraly Alataudyng baurayynda týbi bir týrki júrtynyng bilimpaz, daryndy әri belsendi jastary bas qosyp otyr. Irgeli is-shara ayasynda jana dostar tauyp, tyng iydeyalar men jobalardy jýzege asyrasyzdar dep senemin. Órenderimizding birligi bekem bolsa, týrki әlemining túghyry myghym, bolashaghy jarqyn bolary sózsiz», – delingen Memleket basshysynyng qúttyqtauynda.

Sonday-aq 2024 jylghy jastar astanasy - Lenkorani qalasy, Ázerbayjan elining ókilderi jastar astanasy kiltin Almaty jastaryna tabystap, bauyrlastyq estafetasyn jalghady.

Abai.kz