Býgin Memleket basshysy Qasym-Jomart Toqaev «Jasandy intellekt dәuirindegi Qazaqstan: ózekti mәseleler jәne ony týbegeyli sifrlyq ózgerister arqyly sheshu» atty Qazaqstan halqyna Joldauyn jariyalady.

Joldauda el basshysy aldaghy josparlar turaly ashyp aitty.

«Men Senatqa on jyl basshylyq ettim. Búl júmysty qashanda zor mәrtebe әri ýlken jauapkershilik dep sanadym. Sondyqtan maghan osy minberden parlamenttik reforma turaly aitu onay emes. Soghan qaramastan men dәl býgin elimizde kóp úzamay bir palataly Parlament qúru turaly bastama kótergim keledi.

Birden aitayyn, búl – óte manyzdy mәsele. Ony asyghys jýzege asyrugha bolmaydy. Búl reforma azamattyq sektorda, sarapshylar ortasynda, sonday-aq, әriyne, qazirgi Parlamentte jan-jaqty talqylanuy qajet», - dedi.

Sonymen birge alda ótetin Reformanyng mәn-manyzy airyqsha ekenin eskeru kerektigin, ony talqylaugha bir jyl uaqyt qajet ekenin aitty.

Biz atalghan Joldauda aitylghan key mәseleler turaly Parlament Mәjilisining deputaty Jarqynbek Amantayúlynyng pikirin nazarlarynyzgha úsynamyz.

Jarqynbek Amantayúly:

– Býgin Memleket basshysy Qasym-Jomart Toqaev Parlament palatalarynyng birlesken otyrysynda dәstýrli Joldauyn jariyalap, elding býgini men bolashaghyn aiqyndaytyn negizgi mindetterdi saralap berdi. Áriyne, strategiyalyq basymdyqtarmen birge naqty sheshimdi qajet etetin týitkilder de kóterildi. Solardyng biri – turizm salasy.

Býginde turizm – әlemdegi eng tabysty salanyng biri. Dýniyejýzilik kórsetkish boyynsha ol jahandyq ekonomikanyng shamamen 10 payyzyn qúraydy. Búl – milliardtaghan qarjy ainalymy men milliondaghan júmys orny. Qazaqstan da osy baghytty damytugha talpynyp keledi. Alayda jyldar boyy qúiylghan qarjynyng qaytarymy mardymsyz, nәtiyje әli kýnge deyin kónil kónshitpeydi.

Álem tәjiriybesi aiqyn dәlel. Mәselen, Makao, Malidiyv, Grenada elderi tabysynyng 80 payyzdan astamyn turizmnen tabady. WTTC, UNWTO syndy halyqaralyq úiymdarynyng esebi boyynsha, 2023 jyly Orta Aziyada Qyrghyzstan ekonomikasynyng 22 payyzy, Tәjikstannyng – 14 payyzy, Ózbekstannyng – 10 payyzy turizm esebinen qalyptasty. Qazaqstanda búl kórsetkish bar bolghany 5 payyz.

Ózbekstan songhy jyldary infraqúrylymdy jýieli týrde damytyp, servisti jaqsartyp keledi. Tashkent pen Samarqandy jalghaghan joghary jyldamdyqty poyyz – sonyng aiqyn mysaly. Bizde, ókinishke qaray, jol sapasy, әue qatynasy, qonaqýy qyzmeti siyaqty mәseleler әli kýnge sheshimin tappay otyr.

Qazaqstanda turisterdi tartugha әleueti zor Alakól, Burabay, Balqash, Altay, Alatau siyaqty birqatar baghyt bar. Tabighaty kórkem, tarihy bay mekenderimizding mýmkindigi mol. Biraq basty týitkil – jetu qiyndyghy, biylet tapshylyghy jәne qymbat bagha.

Mәselen, Alakólde eki adam bir apta demaluy ýshin 500 mynnan 1 million tengege deyin shyghyndalady. Búl Týrkiya, Mysyr nemese Tailandtaghy kurorttargha júmsalatyn qarjymen shamalas. Biraq qyzmet sapasy salystyrugha kelmeydi: Antaliyadaghy qonaqýy men Alakóldegi demalys ortalyghynyng dengeyi jer men kóktey.

Osydan baryp bir súraq tuyndaydy: eger bagha birdey bolghanda sapa nege teng emes? Búl – ishki turizmning basty qayshylyghy.

Biylghy jazda Alakól aimaghyndaghy birqatar týiindi mәseleler tikeley Preziydent nazaryn audardy. Memleket basshysy Ýkimetke mәseleni shúghyl sheshudi tapsyrdy. Búghan deyin de Qasym-Jomart Toqaev turizmdi damytu jónindegi keneste infraqúrylymdy týbegeyli jaqsartpay, sapaly servis engizbey, turizm salasynyng damuy mýmkin emestigin ashyq aitqan bolatyn. Býgin taghy Preziydent ózining Joldauynda turizm salasyna arnayy toqtalyp, salany keshiktire bermey damytu kerektigin eskertti.

Turizm – tek ekonomikalyq tabys kózi ghana emes, ol – elding imidji, mәdeniyeti men tarihyn tanytatyn manyzdy sala. Sondyqtan Qazaqstandaghy turizmning tirilui eng aldymen infraqúrylym men qyzmet sapasyn týbegeyli jaqsartugha baylanysty. Jol, әue qatynasy, qonaqýy mәdeniyeti, qoljetimdi bagha, sapaly servis – osy tórttaghandy sheshpeyinshe, Qazaqstan turizmning jana tynysyn asha almaydy.

Abai.kz