JIBEK JOLY radiosynyng «V kontekste» tok-shouynda Energetika ministrligi Memlekettik energetikalyq baqylau jәne qadaghalau komiytetining Elektr jәne jylu energiyasyn óndiru stansalaryn qadaghalau departamentining basshysy Ashat Jaqypov jylu beru mausymyna dayyndyq turaly bayandap berdi.

Bayandamashy ótken jylytu mausymynan beri toghyz JEO-nyng qyzyl aimaqtan sary aimaqqa ótkizilgenin atap ótti. Taghy 10-y tәuekel aimaghynda qalyp otyr. Búl rette JEO-lardaghy jabdyqtardyng tozuy 61%-gha deyin tómendetildi.

— Bizde jalpy 37 JEO bar. Biz olardy kriyteriyler boyynsha bóldik. Onyng 19-y qyzyl aimaqta, 11-i sary aimaqta, jeteui jasyl aimaqta boldy. Qyzyl, bylaysha aitqanda problemalyq aimaqtaghy osy 19 JEO-gha basa nazar audaryldy. …Mәselen, tozu dengeyi, yaghny bizding jabdyqtar, ózderiniz biletindey, ótken ghasyrdyng 1960 jyldary shygharylghan. Tiyisinshe, olar jyl sayyn tozyp keledi. Biraq jóndeu kompaniyasynyng arqasynda biz jalpy tozudy 61 payyzgha deyin tómendettik. Ol 64 payyz bolghan. Osy 19 JEO-nyng toghyzyn ótken jylytu mausymynyng sonyna qaray sary aimaqqa auystyrdyq, — dep bayandady Ashat Jaqypov.

Onyng aituynsha, Semey, Temirtau, Petropavl, Aqtau, Pavlodar, Stepnogorsk, Oral, Qyzylorda, Arqalyq, Taraz siyaqty qalalardaghy elektr nysandary qyzyl aimaqta qalyp otyr.

Energetika ministrligi ókilining bayandauynsha, qazir búl uchaskelerde josparly júmys jýrgizilip jatyr jәne olar kelesi jyldyng basynda sary aimaqqa auystyryluy mýmkin.

Bayandamashy ónirlerding kómirmen qamtamasyz etiluine qatysty saualgha da jauap berdi.

— Sharuashylyqtar men kommunaldyq qyzmetterge qajetti jyl sayynghy 7,4 mln tonna kómirding shamamen 4,5 mln tonnasy saqtalyp otyr. Búl jalpy normanyng 62 payyzy. Jeke sharuashylyqtargha jetkizude eshqanday ýzilis bolmaydy, — dedi Ashat Jaqypov.

Ayta ketelik Astana әkimdigi JEO-lardy antidronmen jabdyqtaugha budjetten aqsha bólmeytin boldy.

Abai.kz