Mәjilis tóraghasy Erlan Qoshanov Energetika ministrligi Parlament Mәjilisimen birlesip Aqtau qalasynda úiymdastyrghan Múnay-gaz mashina jasau forumynda sóz sóiledi. Is-sharagha memlekettik organdardyn, biznestin, «QazMúnayGaz» últtyq kompaniyasynyn, salalyq qauymdastyqtar men damu instituttarynyn, sonday-aq otandyq jәne sheteldik múnay-gaz mashina jasau kәsiporyndarynyng ókilderi qatysty.

Suretti týsirgen – J.Júmabekov.

Forumdy ashqan Mәjilis tóraghasy Tәuelsizdik jyldary Qazaqstan jahandyq múnay naryghyndaghy jetekshi elderding birine ainalghanyn atap ótti. Sheteldik beldi kompaniyalarmen birlesip iri múnay-gaz jobalaryn iske asyrudyng arqasynda elimizde myndaghan joghary bilikti injenerler men tehnikter dayarlandy, eng ozyq tehnologiyalar iygerildi. Býginde biz múnay men gazdy óndirip qana qoymay, belsendi týrde óndeymiz. Elimizde ýsh múnay óndeu zauyty bar, múnay-himiya salasy qarqyndy damyp keledi.

Endigi kezekte Qazaqstannyng aldynda jana strategiyalyq mindet túr, ol – sapaly tauar óndirushi әri eksporttaushygha ainalyp, el ekonomikasyn shiykizatqa tәueldilikten aryltu. Osy orayda, múnay-gaz sektory erekshe ról atqarugha tiyis. Mәjilis spiykeri búl forum aldaghy maqsatqa barlyq mýddeli taraptardyng atsalysuymen birlese qol jetkizu ýshin ortaq sheshim әzirleuge baghyttalghanyn aitty.

– Aldymyzda  Qazaqstandy industriyalyq quatty memleketke ainaldyru mindeti túr. Búl mәsele Memleket basshysynyng erekshe nazarynda. Osy jolda Parlament zannamalyq túrghyda qoldaudy jalghastyra beredi. Ýkimet júmysty sapaly úiymdastyryp, biznes óz ónimin halyqaralyq standarttargha say bәsekege qabiletti etuge úmtylsa, jana júmys oryndary ashylyp, Qazaqstannyng ekonomikalyq derbestigi nyghayady, halqymyzdyng әl-auqaty jaqsarady, –  dedi Erlan Qoshanov.

Suretti týsirgen – J.Júmabekov.

Jýrgizilip jatqan júmystar óz nәtiyjesin berude. Energetika ministrligining dereginshe, forum ayasynda 440 million AQSh dollarynyng kelisimsharttary jasalady dep josparlanghan.

Saladaghy jalpy ahualgha toqtalghan Mәjilis spiykeri byltyrghy jyldyng qorytyndysy boyynsha tek energetika sektorynda jer qoynauyn paydalanushylardyng jalpy qyzmet pen tauar satyp alu kólemi 6 trillion tengeden asqanyn jetkizdi. Onyng 62 payyzy ýsh iri kompaniyagha – Tenizshevroyl, KPO jәne NCOC ýsheuine tiyesili. Sóitip, otandyq ýlesting kólemi arta bastady. Búl – Parlament pen Ýkimetting birlesken júmysynyng nәtiyjesi.

Suretti týsirgen – J.Júmabekov.

– Osy baghytta Energetika ministrligi men Mәjilis deputattary eki jyl boyy jýieli júmys jýrgizip keledi. 2 jylda ýsh iri kompaniyamen arada shamamen 900 million dollardyng kelisimsharty jasaldy. Jýieli nәtiyje bar – tenderlik rәsimderge ishinara ózgerister engizildi, úzaq merzimdi kelisimsharttar jasaugha basymdyq berildi. Degenmen, búl jerde әli de ýlken perspektivalar bar, yaghny birlesip júmys isteudi jalghastyru kerek, – dep atap ótti Mәjilis tóraghasy.

Onyng pikirinshe, múnay-gaz mashina jasau óndirisin odan әri keneytu ýshin birqatar naqty sharalar qabyldau qajet. Birinshisi – otandyq óndirushilerge satyp alu rәsimderin jenildetip, úzaq merzimdi kelisimder men ofteyk-kelisimsharttar jasau. Ekinshisi – otandyq múnay-gaz mashina jasau kәsiporyndaryn kýrdeli jabdyqtar shygharugha yntalandyru. Ýshinshisi – iri múnay kompaniyalarynyng qazaqstandyq tauar men azyq-týlik salasyndaghy qyzmetterge kóshui. Búl qazirgi qajettilikterding birazyn ótep, sonyng ishinde «Auyl amanaty» jobasy boyynsha jospardaghy mindetterdi jabady. Atalghan mәselede Qarashyghanaq operatorynyng jaqsy tәjiriybesi bar.

Mәjilis spiykeri memleketting múnay-gaz salasyn keshendi qoldauy turaly aita kele, «Jer qoynauy jәne jer qoynauyn paydalanu turaly» kodekske engizilgen jana týzetulerge toqtaldy. Endi iri jer qoynauyn paydalanushylar otandyq mamandargha basymdyq beruge mindetti. Búghan qosa, kýrdeli jobalargha elishilik qúndylyqtyng ýlesin anyqtau bekitildi, Of-teyk kelisimsharttarda otandyq ýlesting eng tómen dengeyi boyynsha talaptar kýsheytildi. Sonymen qatar otandyq óndirushilerding birynghay reestri zanmen bekitildi.

Erlan Qoshanov ótken sessiya barysynda Mәjilisting Ekologiya mәseleleri jәne tabighat paydalanu komiyteti jergilikti qamtudy arttyru boyynsha auqymdy әri jýieli júmys atqarghanyn eske saldy. Múnay-gaz salasyndaghy iri operatorlardyng esebi tyndaldy, olardyng qorytyndysy boyynsha arnauly hattamalar jasaldy. Ósimning naqty indikatorlary aiqyndalyp, oryndau nәtiyjelerin deputattar túraqty týrde tyndaytyn bolady.

Suretti týsirgen – J.Júmabekov.

Forumda Manghystau oblysynyng әkimi Núrdәulet Qilybay, Energetika viyse-ministri Qúdaybergen Arymbek, «QazMúnayGaz» ÚK AQ basqarma tóraghasy Ashat Hasenov, «Nord Kaspian Opereyting» kompaniyasynyng basqarushy diyrektory Ruiy Djankarlo, «Qarashyghanaq Petrolium Opereyting B.V.» Bas diyrektory Marko Marsily jәne basqalar sóz sóiledi.

Forum alanynda qazaqstandyq óndirushilerding kórmesi ótip, 45 kompaniya metall qúrylymdar, qúbyrlar, sorghylar, múnay-himiya, himiyalyq jabdyqtar jәne t.b. ónimderin úsyndy.

Ónirge júmys sapary ayasynda deputattar Manghystau atom energetikalyq kombinaty men «QazAzot» kompaniyasyna bardy. Búghan deyin olar Janaózendegi «Kaskor-Mashzavod» múnay jabdyqtaryn óndiretin jana zauyttyng qúrylysymen tanysty, sonday-aq Jetibay auylynda su tazartu stansasyn salu júmystaryn qarap shyqty.

 Abai.kz