Býgingi kýn Semey tarihyndaghy jana beles.

12 qazan semeylikter ýshin tarihy data. Kýn shyqpay jatyp saylau uchaskelerining aldyna aghylghan júrttyng qimylynan-aq búl kýnning qarapayym emes ekeni bayqaldy.

Úiymdastyrushylardan alyndy

Býgin qala túrghyndary óz әkimin alghash ret tikeley dauys beru arqyly tandauda.

Olar ýshin tanghy saghat 07:00-de qaladaghy barlyghy 128 saylau uchaskesi esigin aiqara ashty. Olardyng ishinde 110-y ashyq, al 18-i jabyq uchaske, yaghny auruhana, әskery bólim sekildi azamattar uaqytsha túryp jatqan oryndarda úiymdastyrylghan.

Qalanyng saylau komissiyalarynda 929 adam júmys istese, 220 761 saylaushy óz tandauyn jasaugha qúqyly.

Tanmen kelgen saylaushylardyng jýzinde jauapkershilik pen ýmit. Qarttar men jastar iyq tirestirip, bir maqsatty kózdegen qalyng júrt qalanyng bolashaghy ýshin dauys beruge asyqty.

“Býgin auanyng ózi erekshe”, deydi zeynetker Rahimash Musinova.  “Ózim elu jyl Semeyde túramyn. Qansha jyldar boyy keyinge shegerilgen dýniyelerding songhy jyldary birinen song biri sheshilip jatqanyn kóremin-au degen ýmit te bolmaghan edi… Biraq jaqsylyqtyng jarshysy bolyp, jana bastamagha ózimiz sebepker bolyp, saylaugha qatysyp jatyrmyz. Biz kóp jyl boyy osynday әdil saylaudy kýtkenbiz”, - deydi zeynetker.

Osy bir tarihy kýni keybir uchaskelerde saylaushylardy jyly shyraymen qarsy alyp, bauyrsaq pen shay úsynghan túrghyndar da bar. Al erte kelgen alghashqy dauys berushilerge estelik syilyqtar tabystaldy.

Tarihy nauqangha el aghalary da ýn qosty. Mәdeniyet qayratkeri Qúsmiliya Núrqasym tanghy uaqytta kelip, óz tandauyn jasady.

“Búl saylau elimizding demokratiyalyq damuyndaghy airyqsha kezen. Ásirese jastardyng belsendiligi quantady. Olardyng otansýigishtigi men jauapkershiligi elding bolashaghyna degen senimdi nyghaytady”, -dedi ol.

Saylau dodasynda ýsh kandidat baq synauda. Olar: Geodeziya, kartografiya jәne qúrylys kolledjining diyrektory Qanysh Tóleuov, Abay oblysy Kókpekti audanynyng әkimi Ádilet Qojanbaev jәne Semey túrghyny, búrynghy IIB qyzmetkeri Aybolat Bekjasarov.

Árbiri saylaualdy baghdarlamasynda qalanyng infraqúrylymyn jaqsartu, jastardy qoldau jәne әleumettik salany damytu baghyttaryn úsyndy.

Abay oblysynyng әkimi Berik Uәly de Semey halqymen birge saylau uchaskesine kelip, óz tandauyn jasady. Ol №93 uchaskede dauys berip, jurnalisterge qysqasha pikir bildirdi.

“Býgin Semey ýshin tarihy kýn. Halyqtyng belsendiligi elding sayasy mәdeniyetining óskenin kórsetedi. Semeylikter óz qalasynyng taghdyryna beyjay qaramaytynyn dәleldep otyr”, - dedi aimaq basshysy.

Kýn sayyn janaryp, órkendep kele jatqan Semeyding taghdyry endi óz halqynyng qolynda.

Halyq jýzinde bir ghana sezim bayqalady - senim.

Abai.kz