2025 jylghy 16 shildede Memleket basshysy qylmystyq zannamany ontaylandyru mәseleleri jónindegi Zangha qol qoydy.

Atap aitqanda, azamattardyng qauipsizdigin qamtamasyz etu sharalaryn kýsheytu, sonyng ishinde jeke ómirge qol súghatyn, biraq kýsh qoldanusyz jasalatyn qúqyqqa qarsy әreketterding asa auyr qylmystargha úlasuyn boldyrmau maqsatynda Qylmystyq kodekske stalking ýshin qylmystyq jauaptylyq engizildi (QK-ting jana 115-1-baby).

Stalking - zorlyq-zombylyqpen baylanysty emes adamnyng zansyz qudalanuy retinde aiqyndalghan. Múnday әrekette zorlyq belgileri bolmaghandyqtan stalking qylmystyq teris qylyqtar sanatyna jatqyzyldy.

Búl baptyng maqsaty - fizikalyq kýsh qoldanugha nemese ashyq qauip-qaterge barmaghan qudalaushylardan yqtimaly joghary qúrbandardy qorghau. Qoldanyqsa engizilgennen bastap (16.09.2025j. bastap) elimizde stalking faktileri boyynsha 2 qylmystyq is tirkeldi (Atyrau jәne Pavlodar oblystarynda).

Ayta ketu kerek, stalking jasaghan adamdargha 200 AEK-ke deyin aiyppúl salu, ne sol mólsherde týzeu júmystaryna, ne 200 saghatqa deyingi merzimge qoghamdyq júmystargha tartu, ne 50 tәulikke deyin qamaugha alu týrindegi jaza kózdelgen.

Sonday-aq әielderding qúqyqtaryn qorghaudy kýsheytu sharalary ayasynda osy Zanmen neke qiigha mәjbýrleu ýshin de qylmystyq jauaptylyq engizildi (QK-ting jana 125-1-baby).

Eger әiel adam úrlanyp, kýsh qoldanu qaupimen nemese mýlkin joi ne býldiru qaterimen neke qiigha mәjbýrlense, kinәli adamgha 2000 AEK-ke deyin aiyppúl salu, ne dәl sol mólsherde týzeu júmystaryna tartu, ne 2 jylgha deyingi merzimge bostandyghyn shekteu, ne sol merzimge bas bostandyghynan aiyru týrindegi jaza kózdelgen.

Abaysyzda auyr zardaptar tuyndaghan jaghdayda - kinәli adam 5 jyldan 10 jylgha deyin bas bostandyghynan aiyru jazasyna tartylady.

Neke qiigha mәjbýrleu faktileri boyynsha alghashqy qylmystyq ister Shymkent qalasynda, Qyzylorda, Aqtóbe jәne Manghystau oblystarynda tirkeldi.

Ayta keterligi, eki jaghdayda jәbirlenushiler kәmeletke tolmaghandar bolghan. Atalghan faktiler boyynsha tergeu jalghasuda jәne prokuratura organdarynyng baqylauynda túr.

Abai.kz