Preziydent Qasym-Jomart Toqaev is-sharagha qatysushylardy zauyttyng ashyluymen qúttyqtap, búl elimizdegi mashina jasau salasyn damytu baghytyndaghy óte manyzdy qadam ekenin basa aitty.

Memleket basshysy osydan eki jyl búryn Qostanaygha sapary kezinde KIA Sportage avtokóligining óndirisi iske qosylghanyn eske saldy. Býgin KIA Motors korporasiyasymen jasalghan kelisimge sәikes zauyt ashyldy.

Qasym-Jomart Toqaev KIA Corporation preziydenti Ho-sung Songqa jәne kompaniyagha shynayy rizashylyghyn bildirip, auqymdy júmys atqarylghanyn, nәtiyjesinde ózara tiyimdi jәne jemisti baylanys nyghaya týskenin atap ótti.

Jalpy, býgingi aituly oqigha Qazaqstan men Koreya arasyndaghy strategiyalyq seriktestik pen tabysty qarym-qatynastyng jarqyn kórinisi ekeni anyq. Koreya Respublikasy – Qazaqstannyng Aziyadaghy senimdi әriptesi. Biz yntymaqtastyghymyzdy kýsheyte týsuge mýddelimiz. Qazir Qazaqstanda Koreyanyng 800-den astam kompaniyasy tabysty júmys istep jatyr. Sonyng ishinde avtokólik jasau salasyn ózara tiyimdi yqpaldastyq kózi dep aitugha tolyq negiz bar. Býgin ashylyp jatqan biregey zauyt – sonyng aiqyn dәleli. KIA korporasiyasy avtomobili shygharatyn әlemdegi 10 iri kompaniyanyng qataryna kiredi. Sonday-aq KIA – Qazaqstan azamattary eng kóp satyp alatyn ýsh kólik markasynyng biri. KIA brendining atauy «kóterilip kele jatqan» jәne «Aziya» degen eki iyerogliften qúraluynyng simvoldyq mәni bar. Shyn mәninde, kompaniya Aziyanyng jana ekonomikalyq órleui men gýldenuining jarqyn kórinisine ainaldy. KIA – keleshekting korporasiyasy. Kәsiporyn shygharatyn avtokólikterde ozyq tehnologiya, tartymdy dizayn jәne joghary dengeydegi senimdilik ýilesim tapqan, – dedi Preziydent.

Qasym-Jomart Toqaev KIA kompaniyasy әleumettik jauapkershilik ayasynda adam kapitalyn damytugha belsendi týrde investisiya salyp kele jatqanyna toqtaldy.

Álemdik avtoalpauyt elimizdegi zauytty iske qospay túryp, Qazaqstan jәne Koreya uniyversiytetterimen, kolledjderimen úzaq merzimdi yntymaqtastyqty jolgha qoya bastady. Búdan bólek, bilikti kadrlardy dayarlau ýshin kompaniya korporativtik oqu ortalyghyn ashudy josparlap otyr. KIA osy arqyly qyzmetkerlerge qamqorlyq – úiym mәdeniyetining manyzdy bólshegi ekenin kórsetedi. Búl shynayy qúrmet pen niyettestik ortasyn qalyptastyrady. Júmysshy mamandargha dәl osynday qarym-qatynas qoghamda enbekqorlyq pen әleumettik әdildik qúndylyqtarynyng ornyghuyna septigin tiygizedi. Zauytta óndiris lokalizasiyasyna ekpin qoyylyp otyr. Búl shygharylatyn ónimdegi qazaqstandyq ýlesti edәuir arttyrugha mýmkindik beredi. Sarapshylardyng esebinshe, avtozauyttaghy әrbir júmys orny logistika, serviys, infraqúrylym salalarynda janama týrde bes-alty adamdy júmyspen qamtugha yqpal etedi. Búl – jay ghana óndiris jelisining keneni emes, tolyq ónerkәsip klasterin qalyptastyru ýshin jasalghan zor qadam. Múnday jýiede shaghyn jәne orta biznes túraqty damugha mýmkindik alady. Óndiristi úiymdastyrudyng osynday keshendi tәsili Qostanay oblysynyng ghana emes, tútas elimizding industriyalyq әleuetin kýsheytedi. KIA zauyty qazaqstandyq avtoónerkәsipting órkendeuine tyng serpin beretinine senimdimin. Jana kәsiporynnyng júmysy otandyq avtoparkting janaruyna septigin tiygizedi. Ol qalalar men kýre joldardaghy jol qozghalysy qauipsizdigine ong әser etedi, – dedi Memleket basshysy.

Preziydent memleketting mashina jasau salasyna basa mәn beretinin jetkizdi.

Byltyr osy salagha 290 milliard tengeden astam investisiya tartyldy. Búl – aldynghy jylmen salystyrghanda eki jarym ese kóp. Osy ýrdis biyl da jalghasuda. Jyl basynan beri osy salagha 178 milliard tenge qarajat salyndy. Investorlar Qazaqstangha zor qyzyghushylyq tanytyp otyr. Auqymdy sharalardyng nәtiyjesinde búl baghytta birqatar tabysqa qol jetkizdik. Ótken jyly elimizde 145 mynnan astam kólik shygharyldy. Astana, Almaty, Semey, Oral, Kókshetau, Qostanay jәne Saran qalalarynda avtokólik óndirisine qatysty kәsiporyndar júmys istep túr. On mynnan astam azamatymyz osy salada enbek etedi. Onyng jartysyna juyghy – jastar. Al Qostanaydaghy zauytta bir jarym myng adam júmys isteytin bolady. Júmysshylar jana daghdylardy iygerip, bilikti maman retinde qalyptasady. Aldaghy uaqytta kәsiporyn injenerlerding naghyz sheberhanasy bolady dep senemin, – dedi Qasym-Jomart Toqaev.

Preziydent jaqynda Ýkimetke ekonomikalyq ahualdy túraqtandyru ýshin naqty sharalar әzirleu turaly tapsyrma berilip, osyghan baylanysty birqatar manyzdy sheshim qabyldanghanyn aitty.

Soghan sәikes endi azamattargha avtokólikti lizingpen alu mýmkindigi úsynylady. Sonyng arqasynda avtokólikter halyqqa meylinshe qoljetimdi bola týspek. Elimizde KIA Qazaqstan zauytynyng iske qosyluy osy salany tehnologiyalyq túrghydan janghyrtugha zor serpin bereri sózsiz. Kәsiporyn bolashaqta basqa da jana kólik týrlerin shygharady dep senemin. Osylaysha, әlemdik ozyq talaptargha say kólikterimizdi syrtqy naryqqa, yaghny shetelge shygharugha mýmkindik bolmaq. Qazaqstan jahandyq avtokólik ónerkәsibining damuyna bar kýsh-jigerin salugha dayyn, – dedi Preziydent.

Memleket basshysy Qasym-Jomart Toqaev KIA Corporation preziydenti Ho-sung Songty II dәrejeli «Dostyq» ordenimen marapattady.

Biz Sizding qazaq-korey yntymaqtastyghynyng damuyna, qos halyqtyng arasyndaghy dostyqtyng nyghangyna qosqan ýlesinizdi joghary baghalaymyz. Shyn mәninde, elimizding avtokólik salasyn damytugha sinirgen enbeginiz mol, – dedi Preziydent.

KIA Qazaqstan zauytyn salu turaly sheshim 2023 jyly qabyldandy. Kәsiporyn Qostanay qalasynyng industriyalyq aimaghyndaghy 62,95 gektar aumaqta ornalasqan. Zauyt jylyna 70 myng kólik óndire alady. Investisiya kólemi – 131,5 milliard tenge. Kәsiporynda 1500 júmys orny ashylghan. Al onyng ónimi Qazaqstangha, Ortalyq Aziya jәne EAEO elderining naryqtaryna shygharylady.

Abai.kz