Almatyda qogham belsendilerining qatysuymen LGBT nasihatyna qarsy baspasóz konferensiyasy ótti.

Almaty qalasynda azamattyq belsendiler men qúqyq qorghaushylardyng qatysuymen «Últqa balta shabar LGBT úiymdardyng nasihatyna jol joq!» atty baspasóz konferensiyasy ótti. Sharanyng maqsaty - Qazaqstan Respublikasy Parlamenti Mәjilisi deputattary úsynghan dәstýrli emes jynystyq qatynastardy nasihattaugha tyiym salu turaly zang jobasyn qoldau jәne qoghamdy aqparattandyru.

Baspasóz jiynyn qogham belsendisi әri qúqyq qorghaushy Baghila Baltabaeva úiymdastyrdy. Onyng aituynsha, búl bastamagha qazaqstandyqtardyng basym bóligi qoldau bildirip otyr.

«2019 jyldan beri qaray birjynysty qarym-qatynasty qoldaushylar óz belsendilikterin kýsheytip, týrli alandarda jalaularyn kóterip jýr. Búl bizdi beyjay qaldyrmady. Men qogham belsendisi әri ana retinde múnday nasihatqa qarsy әreket etuge mәjbýr boldym. Jastardyng osynday úiymdardyng jiyndarynda jýrgenin kórip, ýnsiz qala almadym. Sol sebepti dәstýrli emes qatynastardy nasihattaugha tolyq tyiym salu maqsatynda petisiya jariyaladyq. Nәtiyjesinde 50 mynnan astam qol jinalyp, úsynys Ýkimetke jetkizildi. Qazir ol Senattyng qarauynda. Memleket basshysy qol qoysa, zang tolyq kýshine enedi», – dedi Baghila Baltabaeva.

Konferensiyagha belgili qogham qayratkerleri men shygharmashyl túlghalar qatysyp, óz pikirlerin bildirdi. Olardyng arasynda jazushy, Qazaqstan Jazushylar Odaghynyng mýshesi Marat Toqashbaev ta bar.

«Biz eng aldymen keleshek úrpaq ýshin alandaymyz. Mening 12-13 nemerem bar. Sol balalardyng últtyq bolmysqa jat, arsyz dýniyelerding yqpalyna týskenin qalamaymyn. Birjynysty úiymdar halyqtyng nebәri 1 payyzyn qúraydy. Sol azshylyq ýshin qalghan 99 payyz halyq zardap shekpeuge tiyis», – dedi ol.

Belsendi, qogham qayratkeri Sholpan Bostanqyzy da zannyng shyghuyn qoldap, búl keleshek úrpaq ýshin manyzdy týitkil ekenin basa aitty.

«LGBT ókilderi óz qúqyqtary taptaldy dep jii mәlimdeme jasaydy. Biraq biz olardyng jeke ómirine aralasyp jatqan joqpyz. Biz tek olardyng ashyq týrde nasihat jýrgizuine, keleshek úrpaqtyng sanasyn ulauyna qarsymyz. Osyny dúrys týsingen jón», – dep atap ótti ol.

Jiyn barysynda qatysushylar әleumettik zertteulerding nәtiyjelerin de úsyndy. Zertteuler qazaqstandyqtardyng basym bóligi dәstýrli emes qatynastargha qarsy ekenin kórsetti. «Qazaqstandyq qoghamdy damytu institutynyn» dereginshe, respondentterding 90,5 payyzy gomoseksualdyq qatynastardy óz balalaryna qabyldaugha dayyn emes ekenin aitqan. Al halyqaralyq zertteulerde múnday qatynastardyng «aqtalu dengeyi» nebәri 2,2 ball bolghan.

Baghila Baltabaevanyng aituynsha, zang jobasy sóz bostandyghyna shekteu emes, qogham men jastardyng psihikalyq jәne ruhany densaulyghyn qorghaugha baghyttalghan.

«Búl bastama últtyng ruhany qauipsizdigin qorghaugha baghyttalghan. Maqsat – bireudi qudalau emes, jastardyng sanasyn teris nasihattan saqtau, – dedi ol jiyndy qorytyndylay kele.

Dәstýrli emes jynystyq qatynastardy nasihattaugha tyiym salu turaly zang jobasy qazirgi tanda Senat qarauynda. Zang qabyldanghan jaghdayda, ol «Bala qúqyqtary turaly», «Jarnama turaly», «Mass-media turaly» jәne basqa da birqatar zandargha engizilmek.

Abai.kz