Ázerbayjan Ortalyq Aziyadan halyqaralyq naryqtargha energoresurstar tranziytinde manyzdy ról atqarady.

El aumaghy arqyly Týrikmenstan men Qazaqstannan múnay tasymaldanady jәne búl tasymal kólemi artyp keledi. Búl turaly Týrkimenbashy qalasynda ótken Ázerbayjan men Ortalyq Aziya memleket basshylarynyng 8-shi Konsulitativtik kezdesuinde Preziydent Áliyev mәlimdedi. Sonymen qatar ol Bakuding Qazaqstan jәne Ózbekstanmen birlesip, jasyl energetikalyq dәliz qúru boyynsha júmys jýrgizip jatqanyn aitty.

Memleket basshysynyng sózinshe, ótken jyly Ázerbayjannyng Ortalyq Aziya elderimen tauar ainalymy 50%-dan astam ósken. Ol elde Ortalyq Aziya kapitaly bar 400-den astam kompaniya belsendi júmys istep jatqanyn atap ótip, Ázerbayjannyng Qazaqstan, Ózbekstan jәne Qyrghyzstanmen birlesken investisiyalyq qorlary bar ekenin eske saldy.

Preziydent Ortalyq Aziya men Ázerbayjan yntymaqtastyghynyng basty baghyttarynyng biri kólik salasy ekenin de qosa aitty: «Býginde Kaspiy tenizi elderimizding kóliktik ózara yqpaldastyghynda barghan sayyn manyzdy ról atqaryp keledi. Kaspiyding qos jaghalauyndaghy kólik infraqúrylymy Ortalyq Aziyany Ázerbayjanmen, ary qaray halyqaralyq naryqtarmen baylanystyruda airyqsha mәnge iye». Ol qazirgi tanda Kaspiy arqyly tasymaldau kólemining aitarlyqtay óskeni bayqalatynyn atap ótti.

Sonday-aq Áliyev beybitshilik, qauipsizdik, sayasy әri ekonomikalyq túraqtylyq Ortalyq Aziya elderi men Ázerbayjannyng tabysty damuynyng negizi bolyp tabylatynyn basa aitty.

Abai.kz