Shymkent qalasynda alghash ret Halyqaralyq «MIRAS» týrki sәndik etnodizaynerler forumy ótti. Shara Shymkent qalasy әkimdigi men Týrki mәdeniyeti jәne múrasy halyqaralyq qory (Ázerbayjan Respublikasy) birlesuimen úiymdastyrylyp, týrki dýniyesining kiyim mәdeniyetin, sәndik-qoldanbaly ónerin jәne etnodizayndaghy zamanauy baghyttardy talqylaugha arnalghan iri alangha ainaldy.

Suret: gov.kz saytynan alyndy.

Forumgha Týrkiya, Ázerbayjan, Qyrghyzstan, Ózbekstan memleketterinen, sonday-aq Qazaqstannyng Astana, Almaty jәne Shymkent qalalarynan kelgen dizaynerler, qolóner sheberleri, ghalymdar men ónertanushylar qatysyp, últtyq múranyng mәn-manyzy men zamanauy sәn industriyasyndaghy orny jóninde oy bólisti. «Qyzghaldaq» sarayynda ótken «Týrki kiyimtanuy jәne órnek semiotikasy» atty ghylymiy-tanymdyq konferensiya forumnyng alghashqy bólimi boldy. Ashylu saltanatynda Shymkent qalasy әkimining orynbasary Sәrsen Qúranbek qatysty. Ol óz sózinde qonaqtardy qúttyqtap, múnday forumnyng týrki halyqtarynyng mәdeny baylanysyn nyghaytyp, etnodizayn salasyndaghy kәsiby seriktestikti arttyruda manyzdy ról atqaratynyn atap ótti. Ol últtyq kiyim men dәstýrli ónerdi dәripteu – jas úrpaqtyng ruhany dýniyesin bayytyp, últtyq biregeylikti kýsheytetinin aitty.

Suret: gov.kz saytynan alyndy.

Konferensiya barysynda Halyqaralyq týrki mәdeniyeti jәne múrasy halyqaralyq qorynyng preziydenti Aqtoty Rayymqúlova týrki halyqtarynyng kiyim mәdeniyeti – últtyng tarihy kody, ruhany tamyry ekenin atap ótti. Onyng aituynsha, әrbir oi-órnekting astarynda halyqtyng dýniyetanymy men filosofiyasy jatyr jәne etnodizaynnyng jana tolqyny osy qúndylyqtardy zamanauy ýlgide tanytugha tiyis.

Ázerbayjan últtyq tarih muzeyining Erekshe qorynyng mengerushisi, filosofiya ghylymdarynyng doktory Afet Rustambaeva da týrki әlemindegi kiyim dәstýrlerining ortaqtyghyn sóz etti. Ol etnodizayn – ótkendi saqtap qana qoymay, ony janasha mәnmen tolyqtyratyn shygharmashylyq baghyt ekenin aitty.

Suret: gov.kz saytynan alyndy.

Úiymdastyrushylardyng aituynsha, «MIRAS» forumy keleshekte dәstýrli týrde ótkizilip, týrki halyqtarynyng mәdeny baylanysyn odan әri nyghaytugha, etnodizayn salasyndaghy kәsiby biliktilikti damytugha baghyttalmaq.

Abai.kz