Aqmola oblysy biylghy oraq nauqanynda songhy jyldardaghy eng joghary nәtiyjege qol jetkizip, astyqtyng jalpy jinalymy boyynsha eldegi kóshbasshylardyng birine ainaldy.

Auyl sharuashylyghy ministrligining mәlimetinshe, ónirde ortasha ónimdilik 16,3 s/ga bolyp, 7,6 mln tonnadan astam astyq bastyryldy. Jinalghan ónimning 70%-dan astamy ýshinshi sanat talaptaryna sәikes keledi. Búl oblystyng dәstýrli jәne jana eksporttyq naryqtardaghy bәsekelestigin arttyra týsedi.

Qazaqstanda shygharylghan «Aqmola-2», «Astana-2» jәne «Ayna» túqymdaryn qoldanghan sharuashylyqtar gektarynan 30 sentnerden joghary ónim aldy. «Maksimovskoe» JShS-de eng joghary kórsetkish tirkeldi – 41,2 s/ga. Múnday nәtiyjeler miyneraldy tynaytqyshtardy, elitalyq túqymdar men ósimdikterdi qorghau qúraldaryn tiyimdi qoldanudyng arqasynda mýmkin boldy.

Biyl oblysta egis alqaptaryn әrtaraptandyru da serpin aldy: mayly daqyldar kólemi alghash ret 500 myng gektargha jetti, búl ótken jylmen salystyrghanda 2,5 ese kóp.

Jyl basynan beri ónirde 1 trln tengening auyl sharuashylyghy ónimi óndirildi. Jyl sonyna deyin búl kórsetkish 1,2 trln tengege jetui mýmkin.

Ónirde halyqaralyq kompaniyalardyng qatysuymen auyl sharuashylyghy ónimderin tereng óndeu baghytynda iri jobalar iske asyrylyp jatyr. Solardyng biri – Dalian Hesheng Holdings kompaniyasy jýzege asyryp jatqan jylyna 3 mln tonnagha deyin astyq óndeytin zauyt qúrylysy. Investisiya kólemi – $1,8 mlrd, jobany 2028 jyly iske qosu josparlanghan.

Sonymen qatar qazan aiynda Shortandy audanynda Hopefull Grain kompaniyasynyng $1,5 mlrd túratyn taghy bir tereng óndeu keshenin salu turaly kelisim jasaldy. Esil audanynda bidaydy óndeu, jem óndiru zauyttary men elevator qúrylysy josparlanuda.

Abai.kz