Elimizding ónirlerindegi túrghyn sektorda órt qauipsizdigi erejelerin saqtau jәne jylytu mausymynda uly gazben ulanudyng aldyn alu baghytyndaghy auqymdy profilaktikalyq júmystar jalghasuda. Basty nazar әleumettik osal toptargha tiyesili ýilerge audarylghan.

Jylytu mausymy bastalghannan beri әleumettik osal toptargha tiyesili túrghyn ýilerge 34 876 órt qauipsizdigi datchiygi ornatyldy. Profilaktikalyq is-sharalargha aula aralau, halyq arasynda týsindiru júmystaryn jýrgizu, uly gaz datchiygin ornatu, sonday-aq peshpen jylytu jýiesin tekseru jәne jóndeu kiredi.

Shyghys Qazaqstan oblysynda TJD qútqarushylary túrghyn ýilerdi shamamen 34 800 ret aralady. Túrghyndargha órt qauipsizdigi talaptary egjey-tegjeyli týsindirilude. Ónirde dauyldy eskertu jariyalanghan: suyq antisiklon saqtalyp, aua temperaturasy tómendeude. Osyghan baylanysty qútqarushylar azamattardy elektr jylytu qúraldaryn qoldanghanda qauipsizdik sharalaryn qatang saqtaugha shaqyrady: elektr jelisin shamadan tys jýktemeu, qúraldardyng júmys isteuin baqylau, әsirese týnde olardy qarausyz qaldyrmau qajet. TJD qyzmetkerleri aqauly jәne órt qaupi bar peshterdi jóndeuge de kómek kórsetedi. Glubokovskoe audany boyynsha әleumettik osal otbasylardyng ýilerinde peshpen jylytu jýiesin qalpyna keltiru júmystary jýrgizildi.

(Suret:https://www.gov.kz/)

Jambyl oblysynda profilaktikalyq is-sharalar Shu audanynyng aumaghynda jýrgizildi. Júmys barysynda qútqarushylar 130 uly gaz datchiygin ornatyp, 20 múrjany tazalady. Áleumettik osal toptargha tiyesili ýilerge erekshe nazar audaryldy.

Jetisu oblysynda órt habarlaghysh tragediyanyng aldyn aldy. 2025 jylghy 2 jeltoqsanda Sarqan qalasynda 112 pulitine túrghyn ýidegi týtindi órt habarlaghysh iske qosylghany turaly habar týsti. Ýide ýy iyesi men onyng tórt nemeresi bolghan. Oqigha ornyna kelip jetken órt sóndiru bólimsheleri peshting janynda bólme aralyq qabyrghanyng byqsyghanyn anyqtady. Órt uaqytynda sóndirildi, ottyng taraluy men bólmelerdi týtin basuyna jol berilmedi, zardap shekkender joq. Habarlaghysh TJM qyzmetkerlerining aldyn alu júmystary ayasynda qarasha aiynda ornatylghan edi. Dәl onyng uaqytyly iske qosyluy qauipti erte kezende anyqtaugha mýmkindik berdi.

TJM azamattargha túrghyn ýilerdi týtindi órt habarlaghyshpen jabdyqtaudyn, peshterdi, múrjalardy jәne elektr symdaryn ýnemi tekserudin, sonday-aq balalardy qarausyz qaldyrmaudyng manyzdylyghyn eske salady.

Abai.kz