Qazaqstan 2027 jyly Astanada ótetin dzudodan әlem chempionatynyng tuyn resmy týrde qabyldap aldy, dep habarlaydy «24KZ».

Kelesi әlem chempionatyn qabyldaytyn el retinde Qazaqstangha Halyqaralyq dzudo federasiyasynyng (IJF) tuyn tabystau rәsimi Bakude әlem chempionaty ayasynda ótti.

Halyqaralyq dzudo federasiyasynyng bas hatshysy Liza Allan IJF tuyn Qazaqstan dzudo federasiyasynyng preziydenti Quanyshbek Esekeevke tabystady.

Dzudodan әlem chempionaty 2027 jylghy 7-14 mausym aralyghynda Astanada ótedi. Ol 2028 jyly Los-Andjeleste ótetin Olimpiada oiyndaryna irikteuding negizgi kezenderining biri bolmaq. Álem chempionaty ayasynda sportshylar Olimpiadagha beriletin joldamalardy bólu kezinde eskeriletin manyzdy reytingtik úpaylar ýshin kýresedi.

«Qazaqstanda dzudodan әlem chempionatyn ótkizu – otandyq sport ýshin airyqsha manyzdy oqigha әri halyqaralyq sport qauymdastyghynyng bizge degen joghary senimining belgisi. Búl biz ýshin ýlken mәrtebe ghana emes, sonymen qatar zor jauapkershilik. Bizding mindetimiz – chempionatty Halyqaralyq dzudo federasiyasynyng talaptaryna say, eng joghary dengeyde ótkizu. Últtyq qúramany dayyndaugha erekshe kónil bólemiz. Óz jankýierlerining aldynda, tatamiyde óner kórsetu sportshylarymyzgha qosymsha jauapkershilik jýkteydi. Biz layyqty nәtiyjelerge qol jetkizemiz dep ýmittenemiz jәne barlyq qajetti jaghdaydy jasaymyz. Dayyndyq jýiesin jetildirip, sapaly jattyghu ýderisin úiymdastyryp, sportshylardyng halyqaralyq jarystargha qatysuyna mýmkindik beremiz. Alda auqymdy әri keshendi júmys túr. Biz aldaghy chempionatty Qazaqstannyng әlemdik sport arenasyndaghy ornyn nyghaytugha ghana emes, elimizde dzudony odan әri damytugha da paydalanudy kózdep otyrmyz», – dedi Qazaqstan dzudo federasiyasynyng preziydenti Quanyshbek Esekeev.

2027 jyly Qazaqstan óz tarihynda dzudodan әlem chempionatyn ekinshi ret qabyldaydy. Búghan deyin elimizde әlemdik doda 2015 jyly ótken. Sonymen qatar 2023 jyldan 2026 jylgha deyingi tórt jyl boyy Qazaqstan Halyqaralyq dzudo federasiyasynyng (IJF) resmy kýntizbesine engen әri Olimpiada oiyndaryna irikteu jýiesinde manyzdy oryn alatyn bedeldi halyqaralyq Qazaqstan Barysy Grand Slam turniyrin úiymdastyrdy. Osynday joghary dengeydegi jarystardy ótkizu Qazaqstannyng әlemdik dzudodaghy ornyn nyghaytyp kele jatqanyn jәne elimizding iri halyqaralyq sporttyq is-sharalardy qabyldaugha dayyn ekenin kórsetedi.

Abai.kz