Mәjilis deputaty Ábutәlip Mýtәli Premier-Ministrding orynbasary – Últtyq ekonomika ministri Serik Júmangharinge memlekettik qarjynyng naqty nәtiyje bermeytin baghdarlamalargha júmsalu sebebi, oghan kim jauap beretini, sonday-aq qarajatty shyn mәninde múqtaj kәsipkerlerge baghyttau sharalary turaly deputattyq saual joldady.

Biz atalghan deputattyq saualdy oqyrman nazaryna úsynamyz...

DEPUTATTYQ SAUAL

Qúrmetti әriptester, Joghary auditorlyq palatanyng jýrgizgen audiyti myna bir manyzdy jýielik mәseleni anyq kórsetti: biznesti qoldaugha arnalghan memlekettik sharalardyng qomaqty bóligi naqty ekonomikalyq nәtiyje bermey otyr, soghan qaramastan olar iske asyryluyn jalghastyruda.

2019–2024 jyldar aralyghynda kәsipkerlikti qoldaugha shamamen 4,5 trln tenge bólingen. Alayda kәsipkerlerding 80 payyzdan astamy búl qoldaudyng naqty jaqsaru әkelgenin bayqamaghan, 66 payyzy qarjylyq emes qoldau sharalary turaly mýlde habarsyz bolghan. Al ekonomikanyng qúrylymyndaghy orta biznesting ýlesi әli de 6–7 payyz dengeyinde qalyp otyr.

Últtyq ekonomika ministrligi men «Atameken» Últtyq kәsipkerler palatasy arasyndaghy ózara júmys tiyimsiz bolyp otyr. Sonyng saldarynan milliardtaghan budjet qarajaty kәsipkerlerge naqty payda әkelmey, qaghaz jýzindegi eseppen ghana shektelude.

2024 jylgha arnalghan «Isker aimaq» baghdarlamasy boyynsha 93,5 mlrd tenge bólingenimen, onyng 60 payyzdan astamy bes iri qalagha baghyttalyp, shaghyn jәne shalghay audandar qoldausyz qaldy.

Qalyptasqan jaghday jýiedegi tensizdikti aiqyn kórsetip otyr: negizgi qoldau iri qalalargha baghyttalyp, shaghyn qalalar men eldi mekender is jýzinde nazardan tys qalyp otyr. Qomaqty budjet qarajaty bólingenine qaramastan, kәsipkerler qoldau sharalarynyng qoljetimdiligi men tiyimdiligi tómen ekenin aityp otyr.

Súraq: Últtyq ekonomika ministrligi men «Atameken» nege milliardtaghan qarjyny naqty nәtiyje bermeytin formaldy baghdarlamalargha júmsap otyr? Búl ýshin kim jauap beredi jәne memlekettik qoldau elding barlyq ónirindegi kәsipkerlerge shyn mәninde jetui ýshin qanday naqty sharalar qabyldanady?

Ábutәlip Mýtәli

Abai.kz