Últtyq statistika burosynyng aldyn ala derekterine sәikes, 2025 jyldyng qantar-jeltoqsan ailarynyng qorytyndysy boyynsha Qazaqstannyng jalpy ishki ónimi ótken jyldyng osy kezenimen salystyrghanda 6,5%-gha ósti.

Memleket basshysynyng tapsyrmasy boyynsha Ýkimet ekonomikany әrtaraptandyru jóninde jýieli sharalar qabyldauda. Ótken jyly ekonomikalyq ósimge negizgi ýlesti kólik, qúrylys jәne sauda salalary qosty.

Ónerkәsip óndirisining indeksi jyl qorytyndysy boyynsha 7,4%-dy qúrady. Óndeu sektory 6,4% dengeyinde túraqty ósimdi kórsetude. Kórsetkishter azyq-týlik óndirisining 8,1%-gha, óndelgen múnay ónimderin óndeu 5,9%-gha, himiya ónerkәsibi ónimderining 9,8%-gha, metallurgiyanyng 1,2%-gha, mashina jasau ónimderining 12,9%-gha úlghangyna baylanysty qamtamasyz etildi. Ósim Aqtóbe, Almaty, Atyrau, Batys Qazaqstan, Jambyl, Jetisu, Qaraghandy, Qostanay, Manghystau, Pavlodar, Soltýstik Qazaqstan, Úlytau, Týrkistan oblystarynda, Astana, Almaty jәne Shymkent qalalarynda bayqaldy.

Jyl qorytyndysy boyynsha kólik jәne qoymalau salasyndaghy ósim 20,4%-dy qúrady (qantar-qarashada – 20,3%). Búl jýk tasymaly kóleminin, eng aldymen avtomobili jәne temirjol kóligi arqyly tasymaldaudyng úlghangyna, sonday-aq birqatar ónirde jolaushylar tasymalynyng artuyna baylanysty boldy. Qosymsha kólik qyzmetterinin, onyng ishinde jýkterdi ekspedisiyalau, әue qozghalysyn basqaru qyzmetterinin, әuejaylardyn, qoymalar men pakgauzdardyng qyzmetterinin, astyq saqtau qyzmetterining jәne salqyndatylghan jýkterding kólemining artuy bayqalady.

Qúrylys salasynda ósim 15,9%-dy qúrady, búl 2025 jylghy qantar–qarasha (14,7%) kórsetkishinen joghary. Ósim jayly mektepter, medisinalyq nysandar, kólik jәne injenerlik infraqúrylymdar saludy qosa alghanda, infraqúrylymdyq jәne әleumettik jobalardy jýzege asyrumen qamtamasyz etilgen. 2025 jylghy qantar-jeltoqsanda paydalanugha berilgen túrghyn ýiding jalpy audany 20,1 mln sharshy metrdi qúrady, búl 2024 jylghy dengeyden 5,1%-gha joghary.

Sauda salasynda da ong serpin saqtaldy: 2025 jyldyng qantar–jeltoqsan ailarynda ósim 8,9%-dy qúrady (qantar-qarashada – 8,8%). Negizgi ýles jalpy kólemning ýshten ekisinen astamyn qúraghan kóterme saudagha tiyesili boldy. Kóterme sauda kólemining ósu qarqynyna astyq, túqym jәne mal azyghyn satatyn kәsiporyndar – 2,6 ese, mashinalar men jabdyqtar – 99,8%, farmasevtikalyq tauarlar – 44,1%, avtomobilider men jenil avtokólik qúraldary – 33%, sýt ónimderi, júmyrtqa men maylar – 25,8%, qant, shokolad jәne qantty kondiyterlik ónimder – 21,2%, keng assortiymenttegi tauarlar – 12,5% әser etti.

Auyl, orman jәne balyq sharuashylyghyndaghy kórsetkishter 5,9% qúrady. Ósim ósimdik sharuashylyghynda (7,8%) jәne mal sharuashylyghynda (3,3%) ong dinamika qamtamasyz etilgen.

Aqparat jәne baylanys salasynda ósim 3,6%-dy qúrady.

Jalpy alghanda, 2025 jyldyng qorytyndysy boyynsha ekonomikanyng jiyntyq ósimi negizgi salalardyng túraqty damuyn kórsetti.

Abai.kz