2025 jylghy jeltoqsanda Kaspiy qúbyr konsorsiumy (KTK) jýiesindegi shekteulerge baylanysty Qazaqstan shamamen 300 myng tonna múnaydy ózge eksporttyq baghyttargha qayta baghyttady, dep habarlaydy BAQ.KZ.

QazMúnayGaz kompaniyasynyng baspasóz qyzmetining mәlimetinshe, ótken jyldyng sonynda qazaqstandyq múnaydy KTK arqyly qabyldaugha qoyylghan shekteulerge baylanysty shiykizat "QazTransOyl" AQ jýiesi arqyly balama eksporttyq baghyttargha jóneltilgen.

– QazTransOyl jýiesi arqyly shamamen 300 myng tonna múnay eksporttyq baghytta jetkizildi. Atap aitqanda, Germaniyagha, Qytaygha, Baku–Tbilisiy–Djeyhan baghytymen, sonday-aq Novorossiysk pen Usti-Luga porttary arqyly tasymaldandy. 2026 jyldyng qantar aiynda KTK tarapynan múnay qabyldau shekteuleri saqtaluyna baylanysty múnaydy qayta baghyttau sharalary jalghasady. Qosymsha tasymaldau baghyttary pysyqtaluda, – dep habarlady kompaniyada.

Sonymen qatar, 2025 jyldyng qorytyndysy boyynsha qazaqstandyq múnaydy Germaniyagha jetkizu kólemi artqany atap ótildi. Atap aitqanda, Shvedt qalasyndaghy múnay óndeu zauytyna 2,1 mln tonna múnay jóneltilgen. 2026 jyly búl kórsetkishti 2,5 mln tonnagha deyin úlghaytu josparlanyp otyr.

Aqtau portynan Baku–Tbilisiy–Djeyhan baghytymen tasymaldanghan múnay kólemi 1,3 mln tonnany qúrady. Al 2026 jyly atalghan baghyttaghy jetkizilim 1,6 mln tonnagha deyin jetui mýmkin.

Búdan bólek, Qazaqstan múnayyn Qytay Halyq Respublikasyna eksporttau túraqty dengeyde saqtaluda. 2025 jyldyng qorytyndysy boyynsha QHR-gha 1,1 mln tonna múnay eksporttalghan.

Eske salsaq, búghan deyin Qara tenizde Resey jaghalauyna jaqyn ornalasqan Kaspiy qúbyr konsorsiumy (KQK) terminaly manynda múnay tankerlerine belgisiz úshqyshsyz úshu apparattary shabuyl jasaghan edi.

Dron shabuylyna úshyraghan tankerlerding biri – Delta Harmony kemesi grek kompaniyasy Delta Tankers basqaruynda bolghan jәne ol Tengizchevroil kompaniyasynyng qazaqstandyq múnayyn tieui tiyis edi. Al taghy bir keme – Matilda – Thenamaris kompaniyasyna tiyesili jәne Qarashyghanaq ken ornynan múnay tasymaldaugha dayyndalghanyn aita keteyik.

QR Syrtqy ister ministrligining resmy ókili Erlan Jetibaev Qara tenizdegi múnay tankerlerimen baylanysty oqighalar jóninde mәlimdeme jasady. Ministrlik 13 qantarda Qara teniz akvatoriyasynda Kaspiy qúbyry konsorsiumynyng teniz terminalyna bet alghan ýsh tankerge úshqyshsyz úshu apparattary arqyly jasalghan shabuyldargha baylanysty aytarlyqtay alandaushylyq bildiretinin jetkizdi.

Mәjilis deputaty Aydos Sarym atalghan jaghdaygha baylanysty Shevronmen kelissóz jýrgizudi úsyndy.

BAQ.KZ tilshisine ekskluziv súhbat bergen Qazaqstan múnay servistik kompaniyalary odaghy prezidiumynyng tóraghasy Rashid Jaqsylyqov KQK-nyng túraqsyz júmysy úzaqqa sozylsa, onyng saldary budjetten bastap, valuta naryghyna deyin seziletinin aitady.

Abai.kz