Qazaqstan Respublikasynyng Últtyq Olimpiadalyq komiyteti jasandy intellektini damytu jóninde QazAI qauymdastyghymen resmy kezdesu ótkizdi.

Kezdesuge QR ÚOK bas hatshysy Álimjan Aqaev, QR ÚOK bas diyrektory Núrlan Nógerbek, QazAI qauymdastyghynyng tóraghasy Temirlan Ziyatov jәne tóragha orynbasary Anar Tóleubaeva qatysty.

Jiyn barysynda sport salasyna zamanauy sifrlyq tehnologiyalar men jasandy intellektke negizdelgen sheshimderdi engizu mәseleleri keninen talqylandy. Atalghan baghyttardy damytu memleket dengeyindegi basymdyqtargha tolyq sәikes keledi.

Ayta keteyik, Qazaqstan Respublikasynyng Preziydenti Qasym-Jomart Toqaevtyng tapsyrmasymen 2026 jyl elimizde Sifrlandyru jәne jasandy intellekt jyly bolyp jariyalanghan. Yntymaqtastyqtyng alghashqy praktikalyq qadamdarynyng biri retinde QazAI sarapshylary Halyqaralyq Olimpiadalyq komiytetting Olympic Solidarity baghdarlamasy ayasynda jýzege asyrylatyn sport menedjerlerine arnalghan bilim beru baghdarlamalaryna qatysady.

Atap aitqanda, 22–23 qantar aralyghynda Nazarbaev Uniyversiytetining Medisina mektebinde sporttaghy jasandy intellektini qoldanu jәne sifrlyq transformasiya taqyrybyna arnalghan dәris ótkizu josparlanghan.

Sonymen qatar taraptar QR ÚOK qyzmetin Halyqaralyq Olimpiadalyq komiytetting jasandy intellekt salasyndaghy jahandyq kýn tәrtibimen ýilestiruge erekshe nazar audardy. HOK Olimpiadalyq qozghalystyng negizgi ýderisterine jasandy intellektini jýieli týrde engizip keledi. Búl baghyttargha sporttyq derekterdi taldau, basqarushylyq sheshimderdi qoldau, sifrlyq servisterdi damytu, sportshylardyng aqparattyq qauipsizdigin qamtamasyz etu, sonday-aq Olympic AI Agenda jahandyq strategiyasy men Trustworthy AI Framework standarttary ayasynda tehnologiyalardy etikalyq әri jauapty paydalanu qaghidattaryn qalyptastyru kiredi.

Kezdesu barysynda sporttyq úiymdardyng qyzmetin sifrlandyrugha baghyttalghan ishki II-ekojýie tújyrymdamasy tanystyryldy. Taraptar intellektualdy media-múraghat pen merzimderdi avtomatty baqylau jýieleri sekildi qúraldardy әzirleu mәselelerin qarastyrdy. Talqylau barysynda sportshylardyng kәsiby kórsetkishteri men damu ýderisin naqty uaqyt rejiyminde baqylaugha, sonday-aq olardyng mansaptaghy әrbir kezeninde jan-jaqty taldau jýrgizuge jol ashatyn arnayy baghdarlamalyq ónimder men "birynghay sifrlyq profili" qúru mәselesi negizgi basymdyq retinde ataldy.

"Býginde Halyqaralyq Olimpiadalyq komiytet jasandy intellektini basqaru tiyimdiligin arttyru men sportshylardy qoldaudyng manyzdy qúraldarynyng biri retinde qarastyryp otyr. Biz ýshin bastamalarymyzdy HOK tәsilderimen ýilestirip, sportshylar men sport úiymdarynyng mýddesine qyzmet etetin sifrlyq jýie qalyptastyru asa manyzdy", - dedi Álimjan Aqaev.

Kezdesu sonynda taraptar sifrlyq bastamalardy birlese damytugha ózara kelisip, ortaq jobalardy jýzege asyrudyng aldaghy qadamdaryn aiqyndady.

Abai.kz