Memleketting barlyq diny birlestikterge qatysty ústanymy beytarap bolyp qalugha tiyis. Búl qoghamdyq kelisimnin, túraqtylyq pen memlekettik instituttargha degen senimning kepili. Osyghan baylanysty «Qazaqstan zangerler odaghy» respublikalyq qoghamdyq birlestigining tóraghasy Serik Aqylbay Konstitusiyalyq Komissiyanyng birinshi otyrysynda Ata zangha dindi memleketten bólu turaly normany engizudi úsyndy.

Sarapshynyng pikirinshe, Konstitusiya joghary zang kýshi aktisi retinde osynday sezimtal salada keneytilgen týsindirulerge jol bermeui tiyis. Mәsele Konstitusiyada bekitilgen zayyrlylyq qaghidatyn anaghúrlym naqty jәne aiqyn qúqyqtyq resimdeude.

«Biz dinning memleketten bólinu qaghidatyn tikeley bekitu – búl din ústanushylardyng qúqyqtaryn shekteu emes, kerisinshe, biylik tarapynan olargha teng kózqarasty qamtamasyz etuding qúqyqtyq kepili ekenin týsinuimiz qajet. Kópkonfessiyaly qoghamda memleket beytarap tóreshi retinde әreket etuge mindetti. Mening sudiyalyq tәjiriybem rastaghanday, memlekettik apparat pen diny dogmalar arasyndaghy naqty arajik qana azamattyq kelisim men qoghamdyq túraqtylyqty saqtaugha mýmkindik beredi. Osy qaghidatty bekite otyryp, biz qoghamgha aiqyn belgi beremiz: zang barshagha ortaq, al memlekettik sheshimder azamattardyng diny ústanymdaryna qaramastan, tek olardyng útymdy mýddeleri negizinde qabyldanady», – dedi Serik Aqylbay.

Atalghan úsynystyng qoghamdyq manyzdylyghy turaly aita kele, ol qoghamdyq kelisim men qúqyqtyq túraqtylyqty nyghaytu qajettiligine negizdelgenin atap ótti. Dindi memleketten bólu qaghidatyn konstitusiyalyq bekitu memleket mәlimdegen baghyttyng qisyndy әri dәiekti damuy bolar edi.

«Memleket basshysy el aldynda sóilegen sózderinde memleketting zayyrly sipaty qazaqstandyq memlekettilikting irgeli qaghidaty ekenin birneshe ret atap ótti. Atap aitqanda, Últtyq qúryltaydyng ótken otyrysynda Memleket basshysy elimizding zayyrly sipatyn aiqyndaytyn normalardy saqtau jәne kýsheytu qajettigin erekshe kórsetti. Búl ústanym zayyrlylyqtyng jay ghana formaldy belgi emes, túraqty damudyn, qoghamdyq birlikting jәne zang aldynda barshanyng tendigining manyzdy negizi ekenin aighaqtaydy», - dep týiindedi ol.

Serik Aqylbay osy túrghyda halyqaralyq tәjiriybeden kórneki mysaldar keltirdi. Býginde birqatar zayyrly memleketterde dindi memleketten bólu qaghidasy tikeley Konstitusiyada bekitilgen. Olardyng qatarynda Germaniya Federativtik Respublikasy, Týrkiya Respublikasy, Qyrghyz Respublikasy jәne basqa da elder bar.

Abai.kz