Konstitusiyalyq komissiyanyng otyrysynda sóz sóilegen «Qazaq gazetteri» seriktestigining bas diyrektory Dihan Qamzabekúly bilim jýiesi men mәdeniyettegi zayyrlylyq Ata Zanda naqty kórinis tabuy – ziyalylyq dәstýrding talaby ekenin aitty.

Memlekettik bilim men tәrbie jýiesi ýshin zayyrly últtyq jәne jalpyadamzattyq qúndylyqtar – órkeniyet temirqazyghy ekenin eske salghan ol damudyng danghyl jolyna týsken aldynghy qatarly elderde solay bolghanyn jәne bola beretinin tilge tiyek etti.

«Áy deytin aja, qoy deytin qoja joq» keyingi shiyrek ghasyrda qarashúbar jamylghy, sólendegen súryqsyzdyq, kelte balaq, qaugha saqal men seldir saqal qaladan dalagha deyin qaptap ketti. Qazaqtyng imandy, tәrbiyeli, bilimdi ortasyn qara búlt, dýdamal dil basyp alghanday kýy keshtik. Ata-anasyn tyndamaytyn úrpaq, últ dәstýrin tәrk etken dindarsymaqtar payda boldy. Eng qauiptisi, olar úrpaghyn da jat baghytta tәrbiyeleuge kóshti», – dedi Dihan Qamzabekúly.

Ol Siriyagha soghysqa baryp adasqandar tragediyasy men «Jusan» operasiyasynyng arqasynda elge oralghandardyng kóz jasy kópke oy salugha tiyis ekenin jetkizdi.

«Diny ekspansiya tek músylman әlemine ghana qatysty emes. Hristian dýniyesi de, basqa irili-úsaqty mýlәiimsigen konfessiyalar da bilim jýiesine kiruge entelegeni jasyryn emes. Degenmen qazir ahual týzele bastady. Búl túrghyda Konstitusiyadaghy zayyrlylyq normasy osy zәrulikti ontayly shesher edi» dep oiyn bildirdi ol.

Abai.kz