Keyingi kezde Ózbekstan ózin jana ekonomikalyq modeli úsynushy el retinde kórsetude. Halyqaralyq forumdarda serpindi damu, ashyqtyq, sifrlandyru turaly jii aitady.

Biraq mәselening týbine ýnilseniz, bir zandylyqty bayqaugha bolady. Ózbekstan Qazaqstan әldeqashan jýrip ótken joldy qaytalap keledi. Onysy óte dúrys. Sebebi Qazaqstan qazir últtyq mýddelerine tolyq say keletin, tengerimdi syrtqy sayasat ústanatyn jaghdaygha jetti. Sonday-aq әdiletti әlemdik tәrtip qalyptastyrugha ýles qosyp keledi.

Ekonomikalyq kórsetkishterde Ózbekstandaghy ishki jalpy ónim kólemining ósu qarqyny payyzdyq túrghyda joghary sekildi kórinedi. Resmy statistikany terenirek zertteseniz, mәsele mýldem bólek. Byltyr Ózbekstan IJÓ-si 7,7 payyzgha úlghayyp, 147 milliard dollardy qúrady. Al Qazaqstanda búl kórsetkish 6,5 payyzgha tenesti. Biraq ishki jalpy ónim kólemi 300 milliard dollardan asty. Búdan bólek, jan basyna shaqqandaghy tabys, enbek ónimdiligi, urbanizasiya dengeyi, qarjy naryghy boyynsha Qazaqstan әzirge senimdi týrde alda.

Sifrlandyru mәselesinde de jaghday úqsas. E-gov, sifrly qyzmetter turaly kóp aitylady. Alayda jýielik túrghydan alghanda, Ózbekstandaghy sifrlandyru әkimshilik baqylaudan tolyq arylghan joq. Qazaqstanda búl prosess qogham men bizneske әldeqayda tereng sinip, ekojýielik dengeyge shyqqan. Tipti, europalyqtardyng ózi onlayn, qr arqyly tólemge tanghalyp jatady.

Búl jerde negizgi mәsele Ózbekstanda emes. Kórshi elding reformalar jýrgizuge talpynysy týsinikti әri dúrys qadam. Qazaqstan búl joldy әldeqashan jýrip ótti. Syrtqy imidjge, týrli reytingterge sendi. Degenmen qazir basqaru sapasy, úzaq merzimdi damugha basymdyq beredi. Sondyqtan Qazaqstan aimaqtaghy kýn tәrtibin qalyptastyryp otyrghan el. Al Ózbekstan soghan beyimdelip, bizding jýrip ótkenimizdi saralap, barynsha damyp kele jatqan memleket.

Aybar Oljaev

Abai.kz