Býgin Konstitusiyalyq reformalar jónindegi komissiyanyng tórtinshi otyrysynda Konstitusiyalyq Sot tóraghasynyng orynbasary Baqyt Núrmúhanov Ata Zangha belgili bir aumaqtargha qarjy salasynda arnayy qúqyqtyq rejim engizu nemese «jyldam damu qalalary» dep atalatyn qalalardy qúru mýmkindigin qarastyratyn normany engizu úsynylyp otyrghanyn mәlimdedi.

Baqyt Núrmúhanovtyng aituynsha, búl eng aldymen Astanadaghy Halyqaralyq qarjy ortalyghynyng qyzmeti jәne Alatau qalasyn damytugha qatysty. Atalghan sharalar respublikanyng tiyimdi ekonomikalyq damuyn qamtamasyz etuge baghyttalghan.

Búghan qosa, ol búl úsynys Qazaqstannyng birtútastyghy men onyng aumaghynyng bólinbeytindigi turaly normagha eshqanday әser etpeytinin algha tartyp, әleumettik jelide tarap jatqan qaueset pen ekiúshty pikirlerdi joqqa shyghardy.

«Memleketting birtútastyghy, Qazaqstan aumaghynyng tútastyghy, bólinbeytindigi jәne oghan qol súghylmaushylyghy turaly norma ózgerissiz qalady», — dedi Konstitusiyalyq Sot tóraghasynyng orynbasary.

Esterinizge sala keteyik, Konstitusiyalyq komissiyanyng aldynghy otyrysynda aitylghan búl úsynysty keybir azamattar dúrys týsinbey, әleumettik jelide dabyl qaqqan bolatyn. Alayda, búl Konstitusiyalyq komissiya búl mәselege býgin naqty jauap berip, nýktesin qoydy. Konstitusiyadaghy Qazaqstannyng birtútastyghy men aumaghynyng bólinbeytini turaly norma ózgertilmeydi.

Abai.kz