Memlekettik kenesshi Erlan Qarin jana Konstitusiya jobasynda memlekettik tilge layyqty mәrtebe berilgenin aitty. 

— Jana Konstitusiyada memlekettik til qazaq tili ekeni taygha tanba basqanday naqty jazylghan, aiqyn bekitilgen. Atap aitqanda, jana Konstitusiyanyng jana jobasynda «Konstitusiyalyq qúrylys negizderi» dep atalatyn 1-bólimning 9-babynyng 1-tarmaghynda Qazaqstan Respublikasynyng memlekettik tili — qazaq tili dep tikeley belgilengen, anyq kórsetilgen. Bizde memlekettik til bireu. Ol — qazaq tili. Basqa memlekettik joq, — dedi ol.

Erlan Qarin qazaq tili biyik túghyrda, óz ornynda ekenine senim bildirdi.

— Memleketimiz barda qazaq tili eshqashan ol túghyrdan týspeydi. Demek sol ýshin, eng bastysy memleketti saqtau kerek, memleketti qorghau kerek, eng birinshi, el birligin oilau kerek, — dedi Memlekettik kenesshi.

Ayta ketu kerek, ótken apta ayaghynda jariyalanghan jana Konstitusiyanyng jobasynda memlekettik tilding mәrtebesi turaly norma 9-bapta ornalasqan. Ol jerde memlekettik til — qazaq tili ekeni, al memlekettik mekemeler men ózin-ózi basqaru úiymdarynda orys tili memlekettik tilmen qatar qoldanylatyny aitylghan.

Abai.kz