Qazaqstanda importtyq auyl sharuashylyghy ónimderin almastyru ýshin 200-den astam joba iske qosylady.

Preziydentting ekonomikalyq ósimning jana modeline kóshu jónindegi tapsyrmalary shenberinde Ýkimet ishki naryqty otandyq tauarlarmen tolyq qamtugha nazar audaryp otyr. Ýkimet otyrysynda «tereng qayta óndeu» jobalaryn irikteu tetikteri turaly «Bәiterek» holdingining basqarma tóraghasy Rustam Qaraghoyshin bayandady.

Onyng aituynsha, damu instituttary resurstardy 15-20 negizgi industriyalyq alpauyttardy iske qosugha júmyldyrmaq, al shaghyn biznesti qoldau 7 mlrd tengege deyingi memlekettik kepildikpen ekinshi dengeydegi bankterge ótedi. Búl memleketke metallurgiya, himiya jәne AÓK importtaryn almastyra alatyn zauyttar jobasyn tezirek qarjylandyrugha mýmkindik beredi.

Sonday-aq azyq-týlik qauipsizdigin qamtamasyz etu shenberinde auyl sharuashylyghy shiykizatyn tereng óndeuge basty nazar audaryluda.

Salalyq ministrlikpen birlesip et kombinattary men sýt zauyttarynan bastap teri men jýndi qayta óndeu sehtaryna deyin 2,3 trln tenge somasyna 208 joba irikteldi. Industriyalyq blok boyynsha metallurgiyada 3,9 trln tengege 23 joba jónindegi júmystar jalghasuda, onyng ishinde kalisiylengen jәne kaustikalyq soda shygharudy qosa alghandaghy, himiya ónerkәsibin damytu jobalary bar.

«Qazirgi uaqytta 3,4 trln tenge somasyna 449 investisiyalyq jobanyng tizbesi qalyptastyryldy. Negizgi basymdyq – qosylghan qúny joghary ónimdi shygharugha kóshu. Atap aitqanda, Qazaqstan Damu banki shiykizattyq emes eksportty qoldaugha 2 trln tenge baghyttaydy, al Agrarlyq nesie korporasiyasy men QazAgroQarjy tamaq ónerkәsibi jobalaryn 1 trln tengege qarjylandyrudy qamtamasyz etedi», — dedi Rustam Qaraghoyshiyn.

Abai.kz