Bas mýfty qazaqstandyqtardy Ramazan aiymen qúttyqtap, kәsipkerlerge ýndeu jasady.

Qazaqstan músylmandary diny basqarmasynyng tóraghasy, Bas mýfty Nauryzbay qajy Taghanúly Ramazan aiynyng bastaluyna oray qazaqstandyqtardy qúttyqtady. Ol halyqty qayyrymdylyqqa shaqyryp, kәsipkerlerdi azyq-týlik baghasyn tómendetuge ýndedi.

Bas mýfty óz ýndeuinde barsha músylman qauymyna izgi tilegin jetkizdi.

Sizderdi iysi músylman balasy asygha kýtetin, on eki aidyng súltany bolghan qasiyetti Ramazan aiynyng keluimen shyn jýrekten qúttyqtaymyn! Alla Taghala qasiyetti aida ústaytyn orazamyzdy, izgi amaldarymyzdy qabyl etip, mol sauaptan jazghay, – dedi ol.

Ýndeude Ramazan aiynyng ruhany mәni keninen tarqatylyp, orazanyng basty maqsaty – jýrekti tazartu, nәpsini tәrbiyeleu jәne taqualyqqa jetu ekeni atap ótildi. Bas mýfty orazanyng mәni tek as pen sudan tyiyluda emes, jýrekti týrli dertten aryltyp, kórkem minez qalyptastyruda ekenin jetkizdi.

Sonymen qatar Qasiyetti Qúrannyng «Baqara» sýresining 183-ayatyn keltire otyryp, orazanyng iman keltirgenderge paryz etilgen qúlshylyq ekeni eske salyndy.

Nauryzbay qajy Taghanúly halyqty qasiyetti aida qayyrymdylyq jasaugha, kómekke múqtaj jandargha qoldau kórsetuge shaqyrdy. Ol Qazaqstan músylmandary diny basqarmasy úiymdastyratyn qayyrymdylyq is-sharalaryna belsendi qatysugha ýndedi.

Sonday-aq kәsipkerlerdi әleumettik manyzy bar azyq-týlik baghasyna jenildik jasaugha, qoghamdyq tamaqtanu oryndaryn auyzashar mәzirin qoljetimdi baghamen úsynugha shaqyrdy. Qúdayy astardy auyzashar uaqytynda ótkizu sauapty is ekeni de aityldy.

Ýndeu sonynda Bas mýfty elding amandyghy men tynyshtyghyn tilep, keler jylghy Ramazan aiyna aman-esen jetudi nәsip etuin súrap, dúgha jasady.

Abai.kz