Qazaqstandyq aityskerler Núrlan Esenqúl men Núrbol Jauynbay jana Konstitusiya jobasyna qoldauyn poeziya tili arqyly bildirdi, dep habarlaydy BAQ.KZ tilshisi.

Suyrypsalma jyrlarynda olar halyq birligi, ghylym men bilimning damuy, sonday-aq el bolashaghyn aiqyndaytyn jastardyng róli sekildi ózekti taqyryptardy arqau etti. Aytyskerlerding payymynsha, Ata zandy janartu Qazaqstan tәuelsizdigin nyghaytyp, memleketting jana damu kezenine qadam basuyna serpin bermek.

Aqyndardyng aituynsha, jana Konstitusiya qoghamnyng basty qúndylyqtaryn – bilim men mәdeniyetti, innovasiya men últtyq birlikti bekemdeuge baghyttalghan.

«Mynjyldyqtar – tarihym, dalam – dastan,

Birliging bekem bolsa, baghang da asqan.

Ghylym, bilim, mәdeniyet, innovasiya –

Eng basty qúndylyqtar sanamdy ashqan.

El bolyp jana Zandy qabyldayyq,

Tilegim ýlken-kishi zamandastan.

Tәuelsiz Qazaqstan órkendey ber,

Qarqyndap algha qaray qadam basqan», – dep jyr tókti Núrlan Esenqúl.

Aytyskerler el bolashaghy bilim men ghylymnyng órkendeuimen tikeley baylanysty ekenin aityp, jastar qogham damuynyng qozghaushy kýshine ainaluy tiyis ekenin de erekshe atap ótti.

«Atalarym ansaghan asqaq arman,

Beybit kýn baqytymyz basqa qonghan.

Ata Zany janaryp memlekettin,

Elimde bir ýlken is bastau alghan.

Ghylymdy zang jýzinde qorghaytynyn,

Oqidy sol qújatty ashqan әr jan.

Qazaqstan bilimmen qaryshtasa,

Ósedi ghalym bolyp jastar aluan.

Ghylymyng zang jýzinde qorghalsa eger,

Túghyryng biyik bolar basqalardan», – dep oiyn óleng órimimen jetkizdi Núrbol Jauynbay.

Aqyndardyng sózinshe, aitys ejelden halyq ónerining bir qyry ghana emes, qoghamnyng kónil kýii men ruhany baghdaryn tanytatyn manyzdy minber sanalady. Poeziya men suyrypsalmalyq arqyly aqyndar qay kezende de el bolashaghy, últtyq birlik jәne ruhany damu mәselelerin kóterip keledi.

Aytyskerler jana Konstitusiyany qoldau – memlekettilikti nyghaytugha, әdiletti qogham qalyptastyrugha baghyttalghan ortaq jauapkershilikting kórinisi ekenin atap ótti.

Abai.kz