Qazaqstan kez kelgen әskery janjaldy tek diplomatiyalyq jolmen retteudi jaqtaydy. Búl turaly Syrtqy ister ministrining orynbasary Álibek Baqaev mәlim etti.

Onyng atap ótuinshe, elimiz ýshinshi elding isine aralaspau ústanymyn ústandy, ústanady jәne ústana da beredi.

— Búl jaghdayda biz esh tarapty qoldamaymyz: Iran tarabyn da, shabuylgha úshyraghan elderding tarabyn da. Biz múnday әskery qaqtyghystardyng bolghanyn mýldem qalamaymyz. Al eger ol tuyndaytyn bolsa, onda olardyng sheshimi diplomatiyalyq ýstel ýstinen tabyluy tiyis. Biz múnday janjaldardy halyqaralyq qúqyqqa, BÚÚ jarghysyna sәikes sheshuge shaqyramyz jәne sol ústanymdamyz. Múnyng bәri atalghan halyqaralyq qújattarda jazylghan. Osy ústanym ózgerissiz qalady, — dedi ministr orynbasary Ýkimet otyrysynan keyin.

Sonymen qatar, ol qajettilik tuyndaghan jaghdayda Qazaqstannyng janjaldasushy taraptardyng kelissózder jýrgizui ýshin alang úsynu mýmkindigine qatysty pikir bildirdi.

— Jýgingen jaghdayda múnday tәjiriybemiz bar. Biz búghan deyin de Iran mәselesine qatysty Almatyda alang úsynyp, ol atalghan mәseleni sheshuge mol ýlesin qosty. Siriya boyynsha siriyalyq biylik pen elding oppozisiyalyq toptary arasyndaghy kelissózderding 20-dan astam raundy úiymdastyryldy. Atalghan elderding alanymyzda diplomatiyalyq dengeyde qatysuy әskery janjaldy toqtatugha jәne janjaldasushy nemese jaulasushy taraptardyng kelissóz ýsteline otyruyna septigin tiygizdi. Sondyqtan, bizde múnday tәjiriybe bar. Jýgingen jaghdayda tynghylyqty zerdeleymiz. Býginde múnday ótinish bolghan joq, — dedi Álibek Baqaev.

Abai.kz