Astanada Nauryz merekesi qarsanynda «Nauryz Sale» atty auqymdy azyq-týlik jәrmenkesi ótip jatyr. Qala túrghyndary men qonaqtary Qazaqstannyng týrli ónirlerinen jetkizilgen tabighy әri sapaly ónimderdi tiyimdi baghamen satyp alugha mýmkindik aluda. Jәrmenke otandyq auyl sharuashylyghy óndirushilerin qoldaugha jәne túrghyndardy qoljetimdi azyq-týlikpen qamtamasyz etuge baghyttalghan. Múnda et, sýt ónimderi, kókónis, bal, ún jәne basqa da azyq-týlik tauarlary úsynylghan.

Suret: Shara úiymdastyrushylarynan alyndy.

Jәrmenke atmosferasy: halyq kóp, sauda qyzu

Tang atqannan jәrmenke alanynda adam qarasy kóbeydi. Qala túrghyndary azyq-týlik salynghan sómkelerin ústap, sórelerdi aralap jýr. Bir jerde jana pisken et ónimderi satylyp jatsa, endi bir jerde auyldan jetkizilgen sýt, qaymaq, irimshik, qúrt siyaqty taghamdar úsynylghan. Al kókónis pen jemis-jiydek toly jәshikterding janynda satyp alushylar kezekke túrghanyn kóruge bolady.

Úiymdastyrushylardyng mәlimetinshe, «Nauryz Sale» biyl alghash ret ótkizilip otyr. Oghan 70-ten astam fermerlik sharuashylyq pen jergilikti óndirushiler qatysuda. Sauda sórelerine ondaghan tonna  auyl sharuashylyghy ónimi shygharylghan.

  Úiymdastyrushylardyng aituynsha, múnday jәrmenkelerding negizgi maqsaty - halyqqa әleumettik manyzy bar azyq-týlik ónimderin qoljetimdi baghamen úsynu jәne fermerlerge ónimderin deldalsyz ótkizuge mýmkindik beru.

"Fermerler ónimderine -70% deyin jenildik úsynady"

«Nauryz - janaru men berekening merekesi. Osy kýnderi qala túrghyndary dastarqanyn molynan jayghysy keledi. Sondyqtan biz jәrmenkede sapaly әri tabighy ónimderdi qoljetimdi baghamen úsynudy kózdedik. Sonymen qatar búl - fermerlerge óz ónimin tikeley tútynushygha satugha mýmkindik beretin alan», - deydi jәrmenkening әleumettik manyzy turaly Astana qalasy әkimdigining Investisiyalar jәne kәsipkerlikti damytu basqarmasy basshysynyng orynbasary Maqsat Janabaev.  Onyng aituynsha, jәrmenke ayasynda túrghyndar auyl sharuashylyghy ónimderin naryqtaghy baghadan 70 payyzgha deyin jenildikpen satyp ala alady.

Múnday sharalar, әsirese, mereke qarsanynda halyqtyng azyq-týlikke degen súranysyn qamtamasyz etuge baghyttalghan. "Sonymen qatar jәrmenke jergilikti óndirushilerge óz ónimderin tikeley satugha mýmkindik beredi. Jalpy qala boyynsha múnday jәrmenkeler túraqty ótkiziledi. Biraq, «Nauryz Sale» auqymy jaghynan iri jәrmenkelerding biri bolady dep kýtilude. Sebebi Nauryz merekesine oraylastyrylghandyqtan, halyq tarapynan әsirese, auylsharuashylyq ónimderine degen súranys kóp ekenin bayqadyq" deydi úiymdastyrushylar.

Jәrmenke ótetin alandy úsynghan «Keruen Joly» sauda ortalyghynyng ókilderi de búl bastamanyng manyzyn atap ótti. Sauda ortalyghynyng kommersiyalyq diyrektory Aytughan Týzelbaevtyng aituynsha, múnday sharalar fermerler ýshin de, túrghyndar ýshin de tiyimdi. Onyng sózinshe, ortalyqta byltyrghy jyldyng qarasha aiynan bastap ay sayyn et jәrmenkeleri úiymdastyrylyp keledi.

"Búl jәrmenkelerge elimizding 7-8 ónirinen fermerler túraqty týrde qatysady. Nәtiyjesinde túrghyndar et ónimderin tikeley óndirushiden satyp alyp, naryqtaghy baghamen salystyrghanda kelisine 700–800 tengege deyin arzan ala alady. Múnday jәrmenkelerge degen súranys joghary. Býgin mine, ózderiniz kórip otyrghanday, tanertennen halyq qarasy qalyn. Ádette ortalyqqa kýnine 1000-1500 adam kelip, sauda jasasa, jәrmenkelerde ol kórsetkish tipti 10 myng kelushiden asyp jyghylady. Búl bizding sauda ornynyng ashylghanyna kóp uaqyt bola qoymaghanyna qaramastan bolyp otyrghan jaghday" deydi sauda ornynyng basshylyghy.

Abai.kz