2026 jyldyng basynan beri Qazaqstan men Qytay arasyndaghy temirjol tasymalynyng kólemi 9,3% úlghaydy. Búl kórsetkish infraqúrylymdyq mýmkindikterdi keneytuge baylanysty bolyp otyr, dep habarlaydy «Qazaqstan temir joly» ÚK» aksionerlik qoghamynyng baspasóz qyzmeti.

Baspasóz qyzmetining mәlimetterine qaraghanda, qazaqstandyq jýk eksporty 17% ósip otyr, onyng ishinde temir kenin, qara metaldardy, agroónerkәsiptik keshen men múnay ónimderin tasymaldau úlghaydy.

Osy rette aita ketetin mәsele - elimizding tranzittik әleueti nyghayyp keledi. Qytaymen qatynasta tranzittik jýkterding kólemi 8% ósti. Qazaqstan aumaghy arqyly Qytaydan tranzitpen jýkterdi tasymaldau 27% ósimdi kórsetti.

QTJ infraqúrylymnyng tranzittik tasymaldardyng odan әri ósuine dayyndyghyn qamtamasyz ete otyryp, Memleket basshysynyng tapsyrmalary shenberinde elding kóliktik-logistikalyq әleuetin arttyru jónindegi jýieli júmysty jalghastyruda.

-Transkaspiy halyqaralyq kólik baghdary boyynsha tasymaldaudyng ong qarqyny bayqalady. Biylghy jyldyng birinshi toqsanynyng qorytyndysy boyynsha Qytaydan THKB boyynsha 125 konteynerlik poyyz jóneltildi. Búl ótken jyldyng sәikes kezeninen 34,4% joghary,-delingen habarlamada.

Abai.kz